پریس انفارمیشن بیورو (پی آئی بی) نے آیوش کی وزارت کے تحت آل انڈیا انسٹی ٹیوٹ آف آیوروید ، دہلی (اے آئی آئی اے) اور صحت اور خاندانی بہبود کی وزارت کے تحت ڈاکٹر رام منوہر لوہیا اسپتال ، نئی دہلی کے اشتراک سے آج صفائی متروں اور پی آئی بی کے عہدیداروں کے لیے شاستری بھون اور نیشنل میڈیا سینٹر (این ایم سی) میں احتیاطی صحت جانچ اور مشاورتی کیمپ (پریونٹیو ہیلتھ چیک اَپ اینڈ کنسلٹیشن کیمپ) کا انعقاد کیا۔

یہ کیمپ، سوچھتا ہی سیوا مہم 2025 (17 ستمبر سے 2 اکتوبر تک) کے حصے کے طور پر منعقد کیا گیا جس کا مقصد صحت، تندرستی اور خدمت پر مبنی اقدامات کو فروغ دینا ہے ۔

مربوط صحت کیمپ میں طبی مشاورت کے دو سلسلے شامل تھے ۔  شاستری بھون میں آیوروید کی خدمات کی قیادت ڈاکٹر رما کانت یادو، ایڈیشنل پروفیسر  اور راجارام مہتو، ایسوسی ایٹ پروفیسر، محکمہ کایاچکتسا، آل انڈیا انسٹی ٹیوٹ آف آیوروید ، دہلی نے کی ۔  ساتھ ہی ، نیشنل میڈیا سینٹر میں ایلوپیتھی خدمات کی نگرانی ڈاکٹر شیلیش کمار ، پروفیسر آف میڈیسن  اور ڈاکٹر رمیش چند مینا ، ایسوسی ایٹ پروفیسر اور ڈاکٹر رام منوہر لوہیا اسپتال کے نوڈل آفیسر نے کی ۔  مشاورت کاروں (کنسلٹینٹس) اور نرسنگ عملے سمیت دونوں اداروں کی طبی ٹیموں نے صحت کی جامع تشخیص اور مشاورت فراہم کی۔

آیورویدک ہیلتھ کیمپ میں 50 سے زیادہ صفائی متروں اور 200 اہلکاروں نے مشاورت حاصل کی، جبکہ تقریبا 195 اہلکاروں نے ایلوپیتھی کیمپ میں احتیاطی صحت جانچ اور مشاورت حاصل کی ۔

مثال کے طور پر پی آئی بی کے پرنسپل ڈائریکٹر جنرل (پی آر ڈی جی) جناب دھیریندر اوجھا جائے وقوع پر جلدی پہنچ گئے اور وہ آیوش کیمپ میں مشاورت حاصل کرنے والے پہلے شخص تھے ۔  دیگر اعلی عہدیداروں کے ساتھ ان کی فعال شرکت نے ایک قابل ستائش مثال قائم کی اور عملے کے درمیان وسیع تر مشغولیت کی حوصلہ افزائی کی ۔

کیمپ نے خواتین عہدیداروں اور عملے کی پرجوش شرکت کے ساتھ سوستھ ناری سشکت پریوار ابھیان کو بھی فعال طور پر فروغ دیا ، جس میں خواتین کی صحت اور خاندانی بہبود پر حکومت کی توجہ کو اجاگر کیا گیا ۔

پی آئی بی کی ڈائریکٹر جنرل محترمہ انوپما بھٹناگر نے اے آئی آئی اے اور ڈاکٹر رام منوہر لوہیا اسپتال دونوں کے ڈاکٹروں اور طبی عملے کو اعزاز سے نوازا اور انہیں صحت کیمپ کے دوران ان کی گراں قدر  خدمات کے اعتراف میں تعریفی سرٹیفکیٹ پیش کیے ۔

یہ پہل حفاظتی اور مربوط صحت کی دیکھ بھال خدمات تک رسائی کو یقینی بنا کر صفائی متروں اور پی آئی بی اہلکاروں کی مجموعی فلاح و بہبود کے لیے حکومت کے غیر متزلزل عزم کی نشاندہی کرتی ہے ۔

*********

(ش ح  ۔ م م ۔ م ر)

U.No. 7026

(Release ID: 2174543) Visitor Counter : 3