حکومت کی جانب سے شروع کی گئی خصوصی مہم 5.0، جس میں محکمہ انتظامی اصلاحات و عوامی شکایات، نوڈل محکمہ کے طور پر کام کر رہا ہے، نے اپنے تیاری کے مرحلے میں نمایاں رفتار حاصل کر لی ہے۔ خصوصی مہم 5.0 نفاذی مرحلے میں 2 اکتوبر سے 31 اکتوبر 2025 تک داخل ہو گی، جس سے پہلے تیاری کا مرحلہ 15 ستمبر 2025 سے 30 ستمبر 2025 تک جاری رہا۔

تیاری کے مرحلے کے دوران، محکمہ سائنس اور ٹیکنالوجی (ڈی ایس ٹی ) نے زیر التواء اہم شخصیات کے خطوط، عوامی شکایات اور پارلیمانی یقین دہانیوں کی نشاندہی کی۔ مزید برآں، صفائی مہم کے لیے دفاتر کی فہرست بھی تیار کی گئی اور ہیڈکوارٹرز کے ساتھ ساتھ ماتحت دفاتر اور خودمختار اداروں میں تلف کیے جانے والے الیکٹرانک، آٹوموبائل اور دفتری فضلہ کے حجم کا تخمینہ بھی لگایا گیا۔ دفاتر کی جگہ خالی کرنے کے لیے دستاویزات کی ڈیجیٹائزیشن اور پرانے ریکارڈز کی صفائی کے منصوبوں کو بھی حتمی شکل دی گئی۔

ڈی ایس ٹی نے مہم کے تیاری کے مرحلے کے اہداف کامیابی کے ساتھ خصوصی مہم 5.0 کے ویب پورٹل پر اپ لوڈ کر دیے ہیں۔ ڈی ایس ٹی نے اپنے خودمختار اداروں اور ماتحت دفاتر کے ساتھ مل کر 318 صفائی مہم کی جگہیں شناخت کی ہیں؛ 6628 فزیکل اور 1046 ای فائلز کا جائزہ لیا گیا؛ 88 زیر التواء عوامی شکایات اور 7 اپیلیں تلف کرنے کی نشاندہی کی گئی ہے۔

اس کے علاوہ، نفاذی مرحلے کے دوران بڑے پیمانے پر آگاہی پیدا کرنے اور مہم کی وکالت کے پروگراموں کی منصوبہ بندی کی گئی ہے، جن میں پی آئی بی کے بیانات اور سوشل میڈیا کے مختلف پلیٹ فارمز شامل ہیں۔

 

*************

 

 

(ش ح ۔ش ت۔م الف(

U. No. 7012

(Release ID: 2174460) Visitor Counter : 8