کینیا بحریہ کے کمانڈر، میجر جنرل پال اوؤاور اوٹی اینو نے ایک چار رکنی وفد کے ساتھ، 30 ستمبر سے 2 اکتوبر 2025 تک ہندوستان کے اپنے سرکاری دورے کے ایک حصے کے طور پر، کوچی کی جنوبی بحری کمانڈ (ایس این سی) کا دورہ کیا۔

دورے کے دوران، کینیا بحریہ کے کمانڈر نے وائس ایڈمرل وی سرینواس، فلیگ آفیسر کمانڈنگ ان چیف، جنوبی بحری  کمانڈ سے بات چیت کی اور دونوں بحری افواج کے درمیان تربیتی شراکت داری اور بحری تعاون کو بڑھانے کے مواقع پر تبادلہ خیال کیا۔ دورہ کرنے والے وفد کو ہندوستانی بحریہ کے پیشہ ورانہ اور آپریشنل تربیتی فریم ورک کا ایک مختصر جائزہ پیش کیا گیا۔ بات چیت کے دوران، میجر جنرل اوٹی اینو نے ہندوستانی بحریہ کے پہلے پہل، بحر ہند کے جہاز - ساگر (آئی او ایس ساگر) کی تعریف کی، جسے علاقائی سمندری تعاون کی جانب ایک منفرد قدم کے طور پر، کینیا سمیت نو آئی او آر ممالک کے اہلکاروں نے مشترکہ طور پر تیار کیا ہے۔ انہوں نے تربیتی تبادلوں اور بہترین طریقوں کو اپنانے کے ذریعے علاقائی تعاون، صلاحیت میں اضافہ اور باہمی تعاون کو مضبوط بنانے کی اہمیت پر زور دیا۔ پہلی ٹریننگ اسکواڈرن (1ٹی ایس) کی حالیہ طویل فاصلے کی تربیتی تعیناتی مومباسا تک، دوطرفہ تعلقات میں ایک اہم سنگِ میل بھی ہے۔

کینیا کے وفد نے ایس این سی کے مختلف تربیتی اسکولوں کا دورہ کیا اور جدید سیمو لیٹروں اور جدید ترین تربیتی انفراسٹرکچر کے مظاہروں کا مشاہدہ کیا۔ آپریشنل میری ٹائم ٹریننگ اور ہیڈکوارٹر میری ٹائم ٹریننگ میں گہرے تربیتی تعاون کے مواقع پر بات چیت ہوئی۔ فاسٹ اٹیک کرافٹ آئی این ایس کابرا کا بھی دورہ کیا گیا۔ بحریہ کے اسپتال، آئی این ایچ ایس سنجیونی میں، وفد کو دستیاب خصوصی طبی سہولیات سے متعلق وسیع دائرے کے بارے میں بتایا گیا۔

ہندوستانی بحریہ 1990 سے تربیتی کوششوں کے ذریعے کینیا کی بحریہ کے ساتھ بحری مہارت کو فعال طور پر فروغ دے رہی ہے۔ کینیا بحریہ کے کمانڈر کا ایس این سی کا دورہ بڑھتی ہوئی بحری شراکت کی نشاندہی کرتا ہے اور بحری سلامتی اور علاقائی استحکام کو بڑھانے کے لیے دونوں بحریہ کے مشترکہ عزم کا اعادہ ہوتا ہے۔

***

ش ح۔ ک ا۔ ن م

U.NO.6991

(रिलीज़ आईडी: 2174363) आगंतुक पटल : 16