ఆధార్ వినియోగంతో సేవల నాణ్యతను, ఆధార్ వినియోగ సౌలభ్యాన్ని మరింత మెరుగుపరిచేందుకు చర్చలు జరపడానికి,  ఆలోచనలను పంచుకోవడానికి భారత విశిష్ట గుర్తింపు ప్రాధికార సంస్థ (యూఐడీఏఐ) ఈరోజు హైదరాబాద్ లో సంబంధిత భాగస్వాములతో ప్రత్యేక సమావేశాన్ని నిర్వహించింది.

ప్రభుత్వ విభాగాలు, స్టార్టప్‌లు, పరిశ్రమల ప్రముఖులు, టెక్నోక్రాట్‌లు, నిపుణుల నుంచి 700 మందికి పైగా అనుభవజ్ఞులైన విధాన రూపకర్తలు ఈ ‘ఆధార్ సంవాద్‘ లో పాల్గొన్నారు.

ఆధార్ 16వ వ్యవస్థాపక దినోత్సవం సందర్భంగా జరిగిన ఈ ఆధార్ సంవాద్ సంచిక ప్రత్యేక ప్రాముఖ్యతను సంతరించుకుంది. ఇన్నేళ్లలో ఆధార్ ఒక ప్రత్యేకమైన డిజిటల్ ఐడీ కార్యక్రమం స్థాయి నుంచి భారతదేశ సమ్మిళిత అభివృద్ధికి  వెన్నెముకగా నిలిచింది. పౌరులకు సాధికారత కల్పించడం, సమర్థవంతమైన సేవలను ప్రారంభించడం, అన్ని రంగాల్లో ఆవిష్కరణలను ప్రోత్సహించడం వంటివి దీని ద్వారా జరుగుతున్నాయి. ఎలక్ట్రానిక్స్, ఇన్ఫర్మేషన్ టెక్నాలజీ మంత్రిత్వ శాఖ (ఎంఈఐటీవై) కార్యదర్శి శ్రీ ఎస్.కృష్ణన్ మాట్లాడుతూ, భారతదేశ డిజిటల్ మౌలిక సదుపాయాలకు పునాది అయిన ఆధార్, దాని ద్వారా అనేక సేవలను ప్రారంభించడానికి  ఎలా వీలు కల్పించిందో వివరించారు. ఆధార్ డేటా బేస్ అత్యంత సురక్షితమైనదని ఆయన అన్నారు. ఆధార్ అందించే నాణ్యత, సౌలభ్యం ప్రశంసనీయమని పేర్కొన్నారు. ప్రజల సౌలభ్యాన్ని దృష్టిలో ఉంచుకుని, దాని ఆవిష్కరణలు, వినియోగాన్ని మరింత విస్తరించాలని ఆయన యూఐడీఏఐని కోరారు.

యూఐడీఏఐ చైర్‌పర్సన్ శ్రీ నీలకంఠ్ మిశ్రా వాటాదారులతో భాగస్వామ్యాన్ని విస్తరించడం గురించి మాట్లాడారు.  సమీప భవిష్యత్తులో యూఐడీఏఐ నిరంతర ఆవిష్కరణలు అనేక వినియోగ కేసులను ఎలా చూస్తాయో వివరించారు.

యూఐడీఏఐ సీఈఓ శ్రీ భువనేశ్ కుమార్ మాట్లాడుతూ, ఆధార్ కేవలం 12 అంకెల ప్రత్యేక గుర్తింపు వ్యవస్థ మాత్రమే కాదని, సాధికారత, లభ్యత, విశ్వాసంతో కూడిన ప్రయాణం అని అన్నారు. భారతదేశ డిజిటల్ భవిష్యత్తును తీర్చిదిద్దడంలో ఆధార్ కీలక పాత్ర పోషిస్తుందని, ప్రజలకు అంతరాయం లేని సేవలను అందిస్తుందని చెప్పారు. డిజిటల్ సమ్మిళిత్వాన్ని విస్తరించడం,  ఆరోగ్య సంరక్షణ నుంచి విద్య,  సామాజిక సంక్షేమం నుంచి  వ్యవస్థాపకత వరకు  పాలనను బలోపేతం చేస్తుందని ఆయన స్పష్టం చేశారు.

ఈ కార్యక్రమంలో, 16వ ఆధార్ దినోత్సవాన్ని పురస్కరించుకుని తెలంగాణ సర్కిల్ పోస్ట్ మాస్టర్ జనరల్ ఆధార్ మైస్టాంప్ ను, ప్రత్యేక కవర్‌ను ఆవిష్కరించారు.

యూఐడీఏఐ తన ఆధార్ బ్రాండ్ మాన్యువల్‌ను కూడా ఈ సందర్భంగా ఆవిష్కరించింది, ఇది డిజిటల్ ప్లాట్‌ఫారమ్‌లు, పత్రాలు, బోర్డులు, సమావేశాలు, ప్రదర్శనలు,  ఇతర పబ్లిక్ ఇంటర్‌ఫేస్‌లలో బ్రాండింగ్ కోసం స్పష్టమైన ప్రమాణాలను నిర్దేశిస్తుంది, ఇది ప్రతి కమ్యూనికేషన్‌లో కచ్చితత్వం, స్పష్టత,  గుర్తింపును అందిస్తుంది.

రోజంతా జరిగిన కార్యక్రమంలో యూఐడీఏఐ టెక్నాలజీ సెంటర్ రాబోయే కొత్త ఆధార్ యాప్ అనేక సేవలను ఎలా అందుబాటులో ఉంచుతుందో,  సేవలను పొందేందుకు ఆధార్ నంబర్ హోల్డర్లు ఆధార్‌ను ఎలా ఉపయోగించాలో ప్రదర్శించి వివరించింది. 

‘ఆధార్ సంవాద్’ పేరుతో బెంగళూరు, ముంబై,  ఢిల్లీలలో అత్యంత ప్రధాన వాటాదారుల (ఫ్లాగ్‌షిప్ స్టేక్‌హోల్డర్స్ ఎంగేజ్‌మెంట్) సమావేశాల మూడు విజయవంతమైన ఎడిషన్‌ల తర్వాత, యూఐడీఏఐ భాగస్వాములతో నాల్గవ సమావేశాన్ని ఈరోజు హైదరాబాద్‌లో నిర్వహించారు.

నవంబర్ 2024లో బెంగళూరులో జరిగిన సమావేశంలో యూఐడీఏఐ డిజిటల్ గుర్తింపు రంగంలో పాలుపంచుకున్న పరిశ్రమలు,  సాంకేతికతలపై దృష్టి సారించింది; ముంబైలో జనవరి 2025లో జరిగిన రెండవ ఎడిషన్, బీఎఫ్ఎస్ఐ, ఫిన్‌టెక్,  టెలికాం రంగాలను ఒకచోట చేర్చి ఫిన్‌టెక్‌పై దృష్టి సారించింది. ఢిల్లీలో పాలనను బలోపేతం చేయడంలో తన పాత్రపై యూఐడీఏఐ దృష్టి  పెట్టింది. నేడు హైదరాబాద్ లో  అనుసంధానం, సాధికారత, ఆవిష్కరణ ఇతివృత్తంతో వినియోగాన్ని విస్తరించడం, స్టార్టప్ వ్యవస్థకు మద్దతు ఇవ్వడం,  ఆవిష్కరణలను ప్రోత్సహించడంపై ఆధార్ నంబర్ హోల్డర్లను కేంద్రంగా ఉంచి చర్చలను ముందుకు నడిపించింది.

ప్రారంభ కార్యక్రమంల తర్వాత, డిజిటల్ ఐడెంటిటీ సిస్టమ్‌లో ఇన్నోవేషన్; ప్రభుత్వేతర సంస్థల కోసం ఆధార్‌ను అన్‌లాక్ చేయడం, ఎన్‌రోల్‌మెంట్, అప్‌డేట్ వ్యవస్థలో కొత్త పరిణామాలు మొదలైన అంశాలపై చర్చలు జరిగాయి.

 

***

(Release ID: 2172925) Visitor Counter : 5