کامرس اور صنعت کی وزارت کے تحت ڈائریکٹوریٹ جنرل آف فارن ٹریڈ (ڈی جی ایف ٹی) علاقائی اتھارٹی دہلی نے بھارت منڈپم ، نئی دہلی میں حال ہی میں اختتام پذیر بھارت -برطانیہ جامع اقتصادی اور تجارتی معاہدے (سی ای ٹی اے) پر ایک آؤٹ ریچ پروگرام کی میزبانی کی۔

’’گیٹ وے ٹو گروتھ: بھارت-برطانیہ سی ای ٹی اے کے تحت مواقع کو بروئے کار لانا‘‘ کے موضوع پر منعقدہ اس تقریب میں سینئر سرکاری عہدیداروں ، سفارت کاروں ، ایکسپورٹ پروموشن کونسلز (ای پی سیز) کے صنعتی رہنماؤں اور تجارتی انجمنوں کوبھارتی  برآمد کنندگان کے لیےمعاہدے کی تبدیلی کی صلاحیت پر غور و فکر کرنے کے لیے اکٹھا کیا گیا۔

پروگرام کی صدارت کرتے ہوئے ، ڈائریکٹر جنرل برائے غیر ملکی تجارت اور ایڈیشنل سکریٹری ، وزارت تجارت و صنعت ، جناب اجے بھادو نے برطانیہ کے بازار میں ہندوستان کی موجودگی  بڑھانے میں سی ای ٹی اے کی اسٹریٹجک اہمیت کو اجاگر کیا ۔  انہوں نے ٹیرف مراعات ، بازار تک رسائی کے  آسان ضابطوں ، اور ہندوستانی ایم ایس ایم ایز کے لیے عالمی ویلیو چینز کے ساتھ زیادہ مضبوطی سے مربوط ہونے کی گنجائش پر روشنی ڈالی۔

محکمہ تجارت کے جوائنٹ سکریٹری جناب ساکیت کمار نے ہندوستانی صنعت کے لیے نئے مواقع پیدا کرنے کے لیے حکومت کے عزم پر زور دیتے ہوئے مذاکرات کا پس منظر اور اسٹریٹجک سیاق و سباق فراہم کیا۔

برطانیہ کی حکومت کے نقطہ نظر کو شامل کرتے ہوئے ، ڈپٹی ٹریڈ کمشنر ، جنوبی ایشیا ، ہندوستان میں برطانوی ہائی کمیشن ، محترمہ اینا شاٹبولٹ نے اس معاہدے کو ’’دو طرفہ تجارتی تعلقات میں سنگ میل‘‘ قرار دیا اور ہندوستانی برآمد کنندگان کو برطانیہ کی مارکیٹ کے  اہم   شعبوں  کا فائدہ اٹھانے  کے لیے پائیداری اور کوالٹی  کے معیار کے ساتھ ہم آہنگ ہونے کی ترغیب دی ۔  لندن میں ہندوستانی  وزیر (اقتصادی) ہائی کمیشن محترمہ ندھی منی ترپاٹھی نے برطانیہ میں ہندوستانی کاروباروں کے لیے ابھرتے ہوئے مواقع، خاص طور پر خوراک ، ٹیکسٹائل اور خدمات کے بارے میں عملی بصیرت کا اشتراک کیا۔

اس تقریب میں ہندوستان کی معروف ایکسپورٹ پروموشن کونسلوں کی فعال شرکت کے ذریعے سیکٹرل نقطہ نظر پر زور دیا گیا ۔  اے پی ای ڈی اے کے چیئرمین جناب ابھیشیک دیو نے برطانیہ میں ہندوستانی زرعی اور ڈبہ بندخوراک  کی مصنوعات کی بڑھتی ہوئی مانگ پر روشنی ڈالی اور کہا کہ سی ای ٹی اے ہندوستان کو نسلی کھانوں، نامیاتی مصنوعات اور کھانے کے لیے تیار مصنوعات جیسے مخصوص زمروں سے فائدہ اٹھانے کے لیے ایک گیٹ وے فراہم کرتا ہے۔  ایف آئی ای او کے ڈائریکٹر جنرل ڈاکٹر اجے سہائے  نے کثیر شعبہ جاتی مواقع کی اہمیت پر زور دیتے ہوئے برآمد کنندگان پر زور دیا کہ وہ روایتی منڈیوں سے آگے دیکھیں اور برطانیہ کے خریداروں تک زیادہ موثر طریقے سے پہنچنے کے لیے ڈیجیٹل ٹولز کو اپنائیں۔

خدمات کے محاذ پر ، ای ایس سی کے چیئرمین، جناب ویر ساگر نے اس بات پر روشنی ڈالی کہ کس طرح ہندوستان کی آئی ٹی اور علم پر مبنی خدمات معاہدے کے تحت تیزی سے آگے بڑھ سکتی ہیں، جبکہ ایس ای پی سی کی ڈائریکٹر، محترمہ سواتی صراف نے تخلیقی صنعتوں ، تعلیم اور پیشہ ورانہ خدمات کی صلاحیت کا ذکر کیا تاکہ برطانیہ میں ہندوستان کی خدمات کی برآمدات کو متنوع بنایا جا سکے۔

مینوفیکچرنگ اور تخلیقی شعبوں سے ، ای پی سی رہنماؤں نے اپنی صنعتوں کی طاقت کی طرف توجہ مبذول کرائی۔  جی جے ای پی سی کے وائس چیئرمین، جناب شونک پاریکھ نے برطانیہ کے لگژری ریٹیل منظر نامے میں ہندوستان کے جواہرات اور زیورات کی پوزیشننگ کے بارے میں بات کی، جبکہ ایڈیشنل ایگزیکٹو ڈائریکٹر ، ای پی سی ایچ ، جناب راجیش راوت نے اس بات پر روشنی ڈالی کہ کس طرح دستکاری اور قالین برطانیہ کی پریمیم مارکیٹوں میں مخصوص جگہیں بنا سکتے ہیں ۔  ای ای پی سی کے ایگزیکٹو ڈائریکٹر جناب ادھیپ مترا نے انجینئرنگ کے سامان اور آٹو اجزاء کی صلاحیت پر زور دیا اور کامیابی کی کلید کے طور پر اختراع اور تعمیل پر زور دیا۔  اے ای پی سی کے جنرل منیجر ڈاکٹر سوربھ کمار نے ملبوسات اور ٹیکسٹائل میں ہندوستان کی مسابقت پر زور دیتے ہوئے کہا کہ اگر برآمد کنندگان پائیداری اور اخلاقی سورسنگ کے معیارات کے مطابق ہوں تو سی ای ٹی اے کس طرح برآمدات کو فروغ دے سکتا ہے۔

اس مکالمے کو خریداروں کے نقطہ نظر سے مزید تقویت ملی، جس میں جنرل سکریٹری ، بائنگ ایجنٹس ایسوسی ایشن ، محترمہ آنچل کنسل نے برطانیہ کے خریداروں کے ساتھ اعتماد برقرار رکھنے میں سپلائی چین کی شفافیت اور بروقت فراہمی کی اہمیت پر زور دیا۔  یو کے انڈیا بزنس کونسل (یو کے آئی بی سی) اور ایچ ایس بی سی نے بھی ہندوستان-برطانیہ تجارت کو گہرا کرنے کے لیے صنعتی تعاون کو فروغ دینے اور لچکدار سپلائی چین بنانے پر اپنے خیالات کا اظہار کیا۔

پروگرام کا اختتام برآمد کنندگان کے ساتھ ایک انٹرایکٹو سوال و جواب سیشن کے ساتھ ہوا ، جس کے بعد ایڈیشنل ڈی جی ایف ٹی ، سی ایل اے نئی دہلی، محترمہ ورندا منوہر دیسائی نے  اختتامی کلمات پیش کیے گئے ۔ ، جنہوں نے سی ای ٹی اے سے مؤثر طریقے سے فائدہ اٹھانے میں ہندوستانی برآمد کنندگان کی مدد کرنے کے ڈی جی ایف ٹی کے عزم کا اعادہ کرتے ہوئے مقررین اور شرکاء کا شکریہ ادا کیا۔

اسسٹنٹ  ڈی جی ایف ٹی، جناب ہیمنت کمار نے آؤٹ ریچ پروگرام کی نظامت کی جو ہندوستان-برطانیہ تجارتی تعلقات کو مستحکم کرنے اور ہندوستانی برآمد کنندگان کو اس تاریخی معاہدے سے زیادہ سے زیادہ فائدہ اٹھانے کی سمت میں ایک اہم قدم  ہے ۔

 

******

ش ح۔ ف ا۔ م ر

U-NO. 6788

(Release ID: 2172842) Visitor Counter : 9