خزانہ اور کارپوریٹ امور کی مرکزی وزیر محترمہ نرملا سیتا رمن نئی دہلی میں 3اکتوبر 2025 کو کوٹلیہ اکنامک کنکلیو (کے ای سی 2025) کے چوتھے ایڈیشن کا افتتاح کریں گی۔ 5ا اکتوبر 2025کو مرکزی وزیر خارجہ ڈاکٹر ایس جے شنکر بھارت کی خارجہ اور اقتصادی پالیسی پر غور و فکر کے ساتھ اس کارروائی کا اختتام کریں گے۔ 3 سے 5 اکتوبر 2025 کے دوران  جاری رہنے والا کوٹلیہ اکنامک کنکلیو 2025 تاج پیلس، نئی دہلی میں منعقد ہوگا۔

خصوصی ظہرانے کے اجلاسوں میں ’’مواصلات: ابھرتی ہوئی ٹیکنالوجیز‘‘ پر مستقبل کے حوالے سے ایک سیشن شامل ہوگا، جس کی صدارت مواصلات کے وزیر جناب جیوترادتیہ سندھیا کریں گے، جس میں اے آئی اور ڈیجیٹل انفراسٹرکچر کے سرکردہ ماہرین شامل ہوں گے۔

کنکلیو کا اختتام وزیر اعظم کے پرنسپل سکریٹری ڈاکٹر پی کے مشرا کی صدارت میں عالمی میکرو اکنامک سمجھداری پر ایک اعلیٰ سطحی مکمل اجلاس میں ہوگا، جس میں عالمی معیشت کی صحت اور مالیاتی حکمرانی میں درکار اصلاحات کا جائزہ لینے کے لیے سینئر پالیسی سازوں اور ماہرین اقتصادیات کو یکجا کیا جائے گا۔

اس سال کا موضوع، ’’ہنگامہ خیز دور میں خوشحالی کی تلاش‘‘، بھارت کی ترقی کی امنگوں اور غیر معمولی غیر یقینی صورت حال، ہنگامہ آرائی اور بدلتی ہوئی جغرافیائی سیاست کے دور میں اس کی کامیابی دونوں کے تناظر میں موزوں ہے۔ اپنے بھرپور تجربے کی بنیاد پر، کے ای سی نے عصری چیلنجوں پر توجہ مرکوز کرنے کے لیے بیرون ملک سے 75 شرکا کے ساتھ، 30 سے زائد ممالک کی نمائندگی کرتے ہوئے اپنے معیار اور بین الاقوامی موجودگی دونوں کو نمایاں طور پر بہتر بنایا ہے۔

ایجنڈا فوری پالیسی ترجیحات کے طویل مدتی تبدیلیوں کا امتزاج ہے۔ اجلاس میں عالمی ترقی کے مرکز کے طور پر ایشیا کے ابھرنے، برکس کے ارتقاء پذیر فن تعمیر، مالیاتی استحکام اور صنعتی پالیسی میں نئی سمتوں پر تبادلہ خیال کیا جائے گا۔ جھلکیوں میں، بینک ڈی فرانس کے اعزازی گورنر جناب جین کلاڈ ٹریشیٹ، ریزرو بینک آف انڈیا کے گورنر جناب سنجے ملہوترا کے ساتھ ہنگامہ خیز وقت میں مرکزی بینکنگ کے چیلنجوں پر گفت و شنید کریں گے۔ دیگر بین الاقوامی رہنماؤں میں انڈونیشیا کی سابق وزیر تجارت محترمہ ماری ایلکا پنگیسٹو اور جاپان کی لبرل ڈیموکریٹک پارٹی کے رکن مسٹر تارو کونو شامل ہیں۔  ان کے ساتھ سنگھوا یونیورسٹی کے اسکول آف اکنامکس اینڈ مینجمنٹ کے ڈین جناب بائی چونگ این ، لارڈ کرن بلیموریا ، برطانیہ کے ہاؤس آف لارڈز کے ممبر۔ مسٹر آندرس ویلاسکو، لندن اسکول آف اکنامکس میں اسکول آف پبلک پالیسی کے ڈین؛ لارڈ نک اسٹرن ، لندن اسکول آف اکنامکس میں معاشیات کے پروفیسر۔ اور مسٹر جین پیئر لینڈو ، بینک ڈی فرانس کے سابق ڈپٹی گورنربھی شامل ہوں گے۔

لندن اسکول آف اکنامکس کے صدر اور وائس چانسلر جناب لیری کریمر اور سینئر ایڈووکیٹ اور سابق سالیسٹر جنرل آف انڈیا جناب ہریش سالوے جیسی قانونی آوازیں وزیر اعظم کے پرنسپل سکریٹری-II جناب شکتی کانت داس کی صدارت میں ہونے والے ایک اجلاس میں اس بات پر تبادلہ خیال کریں گی کہ کس طرح قانونی فریم ورک میں اصلاحات ترقی کو آگے بڑھا سکتی ہیں اور قانون کی حکمرانی کو مضبوط کر سکتی ہیں۔ دیگر پینل عالمگیر صحت کی دیکھ بھال، نوجوانوں کے روزگار، شہر کاری، تجارت اور علاقائی انضمام، اور ابھرتی ہوئی ٹیکنالوجیز کے خطرات اور انعامات کا جائزہ لیں گے۔

سہ روزہ کنکلیو میں نیٹ ورکنگ بریک، خصوصی سیشنز، اور انٹرایکٹو فارمیٹس شرکا کے درمیان کھل کر حل پر مبنی تبادلے کو یقینی بنایا جائے گا ۔

کے ای سی 2025 ایک متحرک فورم ہے، جو بھارت کی گھریلو ترجیحات کو عالمی تناظر کے ساتھ جوڑتا ہے اور ہنگامہ خیز وقت میں خوشحالی کے راستے تیار کرتا ہے۔

پچھلے تین سالوں میں، ہر ایڈیشن کے موضوعات کو انتہائی قریبی چیلنجوں سے نمٹنے کے لیے ترتیب دیا گیا ہے۔ 2022 میں پہلا ایڈیشن، جس کا موضوع تھا ’’مستقبل کی از سر نو تعریف‘‘ تھی، نے تھرمن شانموگرٹنم کے افتتاحی ارون جیٹلی میموریل لیکچر کے ساتھ ساتھ ٹیکنالوجی، آب و ہوا اور مالیاتی پالیسی پر وسیع پیمانے پر مباحثوں کے لیے 21 ممالک کے شرکا کو اپنی طرف متوجہ کیا۔ 2023 میں، ’’ نیویگیٹنگ دی ورلڈآن فائر ‘‘ نے ایم ڈی بی اصلاحات، ماحولیاتی مالیات، اور جغرافیائی سیاسی ہنگامہ آرائی پر اعلیٰ سطحی گفت و شنید کا مرحلہ طے کیا۔ 2024 کے کانکلیو، ’’دی انڈین ایرا‘‘ نے سبز منتقلی، ایشیا کے عروج، اور کثیرالجہتی کے مستقبل پر سیشنوں کے ساتھ ان مباحثوں میں گہرا ئی پیدا کی ۔ کے ای سی واضح ، ماورائے سرحد مکالمے کے لیے ایک اہم جگہ بن گیا ہے۔ پچھلے ایڈیشنوں سے مکمل غور و خوض آئی ای جی کی ویب سائٹ پر دستیاب ہے۔

جناب این کے سنگھ کی صدارت میں انسٹی ٹیوٹ آف اکنامک گروتھ (آئی ای جی) نے وزارت خزانہ کے ساتھ قریبی شراکت داری میں 2022 میں کوٹلیہ اکنامک کنکلیو کا افتتاح کیا۔ یہ ایک ’’صرف دعوت نامہ کے ذریعے‘‘ کانکلیو ہے۔

***

(ش ح – ع ا)

U. No. 6708

(Release ID: 2172162) Visitor Counter : 9