ملک گیر رضاکارانہ صفائی مہم "ایک دن، ایک گھنٹہ، ایک ساتھ" کے تحت آج وزارت صحت و خاندانی بہبود نے نئی دہلی میں نرمان بھون اور وزارت خارجہ کی عمارت کے اردگرد سڑک کے کنارے صفائی کی سرگرمی کا انعقاد کیا۔ یہ مہم صبح 8 بجے وزارت کے افسران اور عملے کی پرجوش شرکت کے ساتھ شروع ہوئی۔

جناب جادھو نے شرم دان میں شرکت کی اور صفائی کی سرگرمیوں میں خود شامل ہو کر افسران و ملازمین کو متاثر کیا۔ ان کی موجودگی نے عوامی مقامات پر حفظانِ صحت اور صفائی کے حوالے سے اجتماعی ذمے داری کے پیغام کو اور مضبوط کیا۔

یہ اقدام جاری "سوچھتا ہی سیوا" مہم کا حصہ تھا، جس کا مقصد ایک صاف اور صحت مند بھارت کے لیے کمیونٹی کی شمولیت اور شہری اقدامات کو فروغ دینا ہے۔ وزارت کے مختلف شعبوں اور سیکشن کے ملازمین نے سرگرمی میں بھرپور حصہ لیا اور اس ملک گیر تحریک کے جذبے کو آگے بڑھایا۔

مرکزی وزارت صحت نے "سوچھ بھارت" کے وژن کے ساتھ اپنی پختہ وابستگی کا اعادہ کیا اور اس بات پر زور دیا کہ پائیدار شہری شمولیت اور اجتماعی کوشش ہی ایک صاف، صحت مند اور پائیدار مستقبل حاصل کرنے کے لیے ناگزیر ہیں۔

 

                                               **************

ش ح۔ ف ش ع

25-09-2025

                                                                                                                                       U: 6632

 

(Release ID: 2171475) Visitor Counter : 7