প্রধান মন্ত্রী শ্রী নরেন্দ্র মোদীনা ময়াই তাংবল লৌদুনা ফমখিবা কেন্দ্রগী মন্ত্রীমন্দলগী মীফমনা ঙসি লাইবস্তোক সেক্তরদা খুমাং চাউশিলহন্নবা রিভাইস তৌরবা রাস্ত্রিয় গোকুল মিসন (আর.জি.এম.) দিবেলপমেন্ত প্রোগ্রামশিংগী স্কিমগী সেন্ত্রেল সেক্তর কম্পোনেন্ত অমা ওইনা রিভাইজ তৌরবা আর.জি.এম. অসি ২০২১-২২দগী ২০২৫-২৬ ফাওবগী মনুংদা ১৫শুবা ফাইনান্স কম্মিসন সাইকলগী মনুংদা লুপা করোর ৩৪০০গী অপুনবা শেনফম ওইরিবা অসি লুপা করোর ১০০০গী অহেনবা শেনফম অমগা লোয়ননা পায়খৎলি।

অনৌবা থবক থৌরম অনি হাপচিল্লে: (i) হৈফর পুন্না ১৫০০০ লৈবা হাউসিং ফেসিলিতী ৩০ শেমগৎনবগী ইমপ্লিমেন্তিং এজেন্সীশিংদা হৈফর রিয়রিং সেন্তরশিং লিংখৎনবা কেপিতেল কোস্তকী ৩৫%গী ৱান-তাইম এসিস্তেন্স অমসুং (ii) মিল্ক য়ুনিয়নশিং/ ফাইনান্সিএল ইন্সতিত্যুসনশিং/ বেঙ্কশিংদগী লৌমীশিংনা লৌবা লোনদা ৩%গী ওইবা শেন্দোইগী সবভেন্সন পীদুনা হায় জেনেতিক মেরিৎ (ঐচ.জি.এম.) আই.ভি.এফ. হৈফরশিং লৈনবা লৌমীশিংদা পুক্নিং থৌগৎওআ। মসিনা হায় য়িল্দিং ব্রীদশিংগী সিস্তেমিক ইন্দক্সন্দা মতেং পাংগনি।

রিভাইস তৌরবা রাস্ত্রিয় গোকুল মিসন অসি ১৫শুবা ফাইনান্স কম্মিসন সাইকল (২০২১-২২দগী ২০২৫-২৬ ফাওবা) মনুংদা লুপা করোর ৩৪০০গী এলোকেসনগা লোয়ননা অয়াবা পীখ্রে।

স্কিম অসি রাস্ত্রিয় গোকুল মিসনগী হৌজিক চত্থরিবা থবক থৌরমশিং মখা চত্থনবা ওইরি। স্কিম অসিগী মখাদা সিমেন স্তেসনশিং মপাঙ্গল কনখৎহনবা, আর্তিফিসিএল ইনসেমিনেসন নেৎৱার্ক, বুল প্রদক্সন প্রোগ্রাম পায়খৎপা, সেক্স সোর্তেদ সিমেন শিজিন্নদুনা ব্রিদ ইমপ্রুভমেন্ত প্রোগ্রাম খোঙজেল য়াংনা পায়খৎপা, স্কিল দিবেলপমেন্ত, লৌমীশিংদা এৱেরনেস পীনবা, সেন্তর ওফ এক্সিলেন্স লিংখৎপা, সেন্ত্রেল কেত্তলব্রিদিং ফার্মশিং মপাঙ্গল কনখৎহনবা অমসুং সেন্ত্রেল গোৱেল ব্রিদিং ফার্মশিং মপাঙ্গল কনখৎহনবা য়াওনা হায়রিবা থবক থৌরমশিং অসিদা মতেং পীনবগী পেতর্নদা অহোংবা অমত্তা য়াওদনা অনৌবা থবক থৌরমশিংদা মতেং পীগনি।

রাস্ত্রিয় গোকুল মিসন অমসুং সরকারগী অতোপ্পা থবকশিং পায়খৎপগা লোয়ননা, মমাং চহি ১০ অসিদা শঙ্গোম পুথোকপা ৬৩.৫৫% হেনগৎখ্রে, লোয়ননা মীওই অমদা নোংমদা শঙ্গোম ফংবগী চাং অসি ২০১৩-১৪দা নোংমদা গ্রাম ৩০৭ ওইরম্বদগী ২০২৩-২৪দা নোংমদা গ্রাম ৪৭১দা হেনগৎলে। হৌখিবা চহি ১০ অসিদা প্রদক্তিবিতীসু ২৬.৩৪% হেনগৎলে।

আর.জি.এম.গী মখাদা নেস্নেল আর্তিফিসিএল ইনসিমিনেসন প্রোগ্রাম (এন.এ.আই.পি.) না লৈবাক অসিগী দিস্ত্রিক্ত ৬০৫দা লৌমীশিংগী য়ুমদা লেম্না আর্তিফিসিএল ইনসিমিনেসন (এ.আই.আই.) ফংহল্লি। হৌজিক ফাওবদা শা করোর ৮.৩৯ হেন্না কভর তৌখ্রে অমসুং লৌমী করোর ৫.২১না কান্নবা ফংখ্রে। আর.জি.এম.না ফার্মরশিংগী য়ুমথোংদা ফার্মিংদা খ্বাইদগী নৌবা তেক্নোলোজিকেল ইন্তরভেন্সনশিং ফংহনবদসু মাংজিল থারি। স্তেৎ লাইবস্তোক বোর্দশিং (এস.এল.বি.শিং) নত্ত্রগা য়ুনিভর্সিতীশিংদা লৈবাক শীনবা থুংনা ইন ভিত্রো ফর্তিলাইজেসন (আই.ভি.এফ.) লেব ২২ লিংখৎখ্রে অমসুং ঐচ.জি.এম.গী মচা ২৫৪১ হেন্না পোকখ্রে। আত্মানির্ভর তেক্নোলোজীগী শীংথানীংঙাই ওইবা স্তেপ অনি অদুদি নেস্নেল দাইরী দিবেলপমেন্ত বোর্দ (এন.দি.দি.বি) অমসুং আই.সি.এ.আর নেস্নেল ব্যুরো ওফ এনিমেল জিনেতিক রিসোর্স (এন.বি.এ.জি.আর)না ইন্দিজিনস বোভাইন্সকীদমক গাউ চিপ অমসুং মহিশ চিপ, জিনোমিক চিপশিং অমসুং এন.দি.দি.বি.না ইন্দিজিনস ওইনা দিবেলপ তৌবা সেক্স সোর্তেদ সিমেন প্রদক্সন তেক্নোলোজী ওইরিবা গাউ সোর্ৎনি।

স্কিম অসিনা লৌমীশিংগী ইনকম হেনগৎহন্দুনা শঙ্গোম পুথোকপা অমসুং পোত্থোক পুথোকপদা চাউনা মতেং পাংগনি। মসিনা ভারতকী ইন্দিজিনস ওইবা বোভাইন ব্রিদশিং ঙাক-শেনবা অমসুং প্রিজর্বেসনদা মীৎয়েং থম্লি। মসিদা বুল প্রদক্সন অমসুং ইন্দিজিনস ভোবাইন জেনোমিক চিপশিং শেমগৎপদা পথাপ নাইনা অমসুং সাইন্তিফিক ওইবা মওংদা হোৎনরি। মসিগী মথক্তা, স্কিম অসিগী মখাদা পায়খৎলিবা খোঙথাংশিং অসিগী মতুং ইন্না ইন ভিত্রো ফর্তিলাইজেসন (আই.ভি.এফ.) অসি এস্তব্লিশ তেক্নোলোজী অমা ওইরে। মসিগী খোঙথাং অসিনা পোত্থোক পুথোকপা হেনগৎহনবতা নত্তনা দাইরীদা থবক তৌরিবা লৌমী করোর ৮.৫গী পুন্সি মহিংসু ফগৎহনগনি।

*****