প্রধান মন্ত্রী শ্রী নরেন্দ্র মোদীনা ঙসি নই দিল্লীগী ভারত মন্দপমদা তি.ভি.৯ সমিত ২০২৫দা শরুক য়াখ্রে। থৌরম অদুদা ৱা ঙাংলদুনা মহাক্না তি.ভি.৯গী তীম পুম্নমক অমসুং ভ্যুৱরশিংদা য়াইফ-পাউজেল পীখি। মহাক্না হায়খি মদুদি তি.ভি.৯দা রিজনেলগী ওইবা ভাবোক কয়া অমা লৈ অমসুং হৌজিক মালেমগী ওইবা মীয়ামসু লৈরে। তেলি-কনফরেন্সকী খুত্থাংদা থৌরম অসিদা শরুক য়াখিবা ভারত মচাশিংদা মহাক্না নুংঙাইবা ফোংদোকখি।

প্রধান মন্ত্রীনা হায়খি, "ঙসি মালেমগী মীৎয়েং অসি ভারতকী মায়কৈদা লৈরে।" মালেম পুম্বগী মীওইশিংনা ভারতকী মরমদা খঙনিংলি হায়না মহাক্না ফোংদোকখি। মহাক্না হায়খি মদুদি ভারত অসি চহি ৭০গী নীংতম্লবা মতুংদা মালেমগী খ্বাইদগী চাউবা ১১শুবা ইকোনোমী ওইরম্মি, অদুবু চহি ৭-৮গী মনুংদা খ্বাইদগী চাউবা ৫শুবা ইকোনোমী ওইখ্রে। আই.এম.এফ.কী রিপোর্ত অমা পল্লদুনা শ্রী মোদীনা হায়খি মদুদি হৌখিবা চহি ১০দা জি.দি.পি.দা শরুক অনি হেনগৎখিবা মালেমগী খ্বাইদগী চাউবা ইকোনোমী ওইখি। ভারতনা হৌখিবা চহী তরা অসিদা মসিগী শেন্মিৎলোনদা দোল্লর করোর লাখ অনি হাপচিনখ্রে হায়না মরুওইনা পল্লদুনা মহাক্না হায়খি, জি.দি.পি.গী শরুক অনি হেনগৎলকপা অসি মশিং খক্তা নত্তে অদুবু মসিনা মীওই করোর ২৫বু লায়রবা ফিবমদগী কোকহন্দুনা "নিও-মিদ্দল ক্লাস" অমা শেম্বা অসিগুম্বা মরুওইবা শাফু অমা লৈরি। মহাক্না মখা তানা হায়খি মদুদি নিও-মিদল ক্লাসনা অনৌবা পুন্সি অমা হৌরক্লি। মখোয়গী মঙলানশিং অমসুং আশাশিংগা লোয়ননা মখোয়না শেন্মিৎলোনদা মতেং পাংলি অমসুং মসিবু থৌনা হাপ্লি। প্রধান মন্ত্রীনা হায়খি, "ভারত্তা মালেমগী খ্বাইদগী চাউবা নহা ওইরিবা মীশিং লৈরে।" মহাক্না হায়খি মদুদি নহা ওইরিবা মীওইশিংনা য়াম্না থুনা হৈশিংবা হেনগৎলক্লি, মসিনা ইনোবেসনগী খোঙজেল য়াংখৎহল্লি। প্রধান মন্ত্রীনা হায়খি মদুদি 'ইন্দিয়া ফার্স্ত' অসি ভারতকী ফোরেন পোলিসীগী মন্ত্র ওইরে। মহাক্না হায়খি মদুদি ভারতনা মতম অমদা লৈবাক পুম্নমক্কা চপ মান্নবা অরাপ্পা থম্নবগী পোলিসী অমা চৎনরম্মি, হৌজিক্কী থৌওং অসিনা "ইক্বি-ক্লোজনেস" পোলিসী অমা ওইনা পুম্নমক্তা চপ মান্ননা নকশিন্নবগী মরুওইবা পীরি। প্রধান মন্ত্রীনা হায়খি মদুদি মালেমগী কম্ম্যুনিতীনা হৌজিক্তি ভারতকী ৱাখল্লোনশিং, ইন্নোবেসনশিং অমসুং হোৎনরিবশিং অসি মমাংদা অমুক্তা ওইখিদ্রিবা মওংদা থাগৎলি। মহাক্না অকনবা ৱাফম থমখি মদুদি মালেম অসিনা ঙসিদি ভারতপু পুক্নিং চিংশিন্দুনা য়েংলি অমসুং "ভারতনা ঙসি করি খল্লি" হায়বসি খঙনবা কন্না হোৎনরি।

প্রধান মন্ত্রীনা হায়খি মদুদি ভারতনা মালেমগী ওর্দরদা শরুক য়াবতা নত্তনা তুংলমচৎ শেমগৎপদা অমসুং ঙাকথোকপদা থৌনা লৈনা শরুক য়ারি। মহাক্না মালেমগী সেক্যুরিতীদা, মরু ওইনা কোবিদ-১৯ লাইচৎ মনুংদা ভারতনা লৌখিবা মরুওইবা থৌদাংশিংগী মতাংদা ফোঙদোকখি। শিংনবশিং থাদোক্তুনা, ভারতনা মশাগী ভেক্সিন পুথোকখি, অঙম্বা মওংদা ইনওকুলেসন পাংথোকখি অমসুং লৈবাক ১৫০ হেনবদা হিদাক-লাংথকশিং সপ্লাই তৌখি হায়না মহাক্না হায়খি। মালেমগী অৱাবা তারবা মতম অসিদা, ভারতকী সেবা অমসুং নুংশিজবগী মগুনশিং অসি মালেম পুম্বদা শন্দোক্না তাক্লি, মসিনা মসিগী নাৎ অমসুং চৎনবীগী মগুন অদু উৎলি হায়না মহাক্না অকনবা ৱাফম থমখি।

মালেমগী অনিশুবা লাঞ্জাওগী মতুংদা মালেমগী ওইবা ফীভমদা য়েংলদুনা, মালেমগী ওইবা ওর্গানাইজেসন অয়াম্বদা লৈবাক খরনা করম্না দোমিনেৎ তৌরকপগে হায়বদু পল্লদুনা, শ্রী মোদীনা হায়খি মদুদি ভারতকী এপ্রোচনা মতম পুম্নমক্তা মীওইবা খুন্নাইবু মোনোপোলিগী মথক্তা মরুওইনা থম্লি, ইনক্লুসিব অমসুং পার্তিসিপেতিব গ্লোবেল ওর্দর অমগীদমক হোৎনরি। ভিজন অসিগী মতুং ইন্না, ভারতনা ২১শুবা চহিচাগী মালেমগী ইন্সতিত্যুসনশিং শেমগৎপদা, অপুনবা কন্ত্রিব্যুসন অমসুং কোওপরেসন ফংহনবদা লমজিংবা ওইরি হায়না মহাক্না মখা তাখি। মালেমগী ওইনা ইনফ্রাস্ত্রকচরদা চাউনা মাং-তাকহনবা মহৌশাগী ওইবা খুদোংচাদবশিং থেংননবা, ভারতনা কোলিসন ফোর দিজাস্তর রেসিলিয়েন্ত ইনফ্রাস্ত্রকচর (সি.দি.আর.আই.) লিংখৎনবা খোঙথাং লৌখৎলে হায়না শ্রী মোদীনা ফোংদোকখি। সি.দি.আর.আই.না দিজাস্তরগী শেম-শারিবা অমসুং রেসিলিয়েন্স মপাঙ্গল কনখৎহন্নবা মালেমগী ওইবা অচেৎপা ৱাফম অমা উৎলি হায়না মহাক্না মখা তাখি। প্রধান মন্ত্রীনা মালেমগী মফম কয়াদা খুদোংথীবশিং মায়োক্ননবা অমসুং কম্ম্যুনিতীশিংবু ঙাক-শেনবা ঙম্নবা ব্রিজশিং, লম্বীশিং, বিলদিংশিং অমসুং পৱার গ্রীদশিং য়াওনা দিজাস্তর রেসিলিয়েন্ত ইনফ্রাস্ত্রকচর শেমগৎনবা ভারতনা হোৎনরিবশিং অদুসু পনখি।

অখন্ননা ইনর্জী রিসোর্সশিংদা লাক্কদৌরিবা শিংনবশিং থেংননবা মালেমগী ওইনা পুন্না থবক তৌমিন্নবগী মরুওইবা অদু পল্লদুনা শ্রী মোদীনা ইন্তর্নেস্নেল সোলর এলাইন্স (আই.এস.এ.) মহাক্না হায়খি মদুদি মসিগী হোৎনবা অসিনা ক্লাইমেৎতা অফবা শাফু পীবতা নত্তনা গ্লোবেল সাউথকী লৈবাকশিংগী ইনর্জীগী মথৌ তাবশিংসু ফংহল্লি। লৈবাক ১০০ হেনবনা খোঙথাং অসিদা শরুক য়াখ্রে হায়না মহাক্না চাউথোক্না ফোংদোকখি। ত্রেদ ইস্বেলেন্স অমসুং লোজিস্তিক ইসুশিংগী মালেমগী শিংনবশিংগী মতাংদা পল্লদুনা শ্রী মোদীনা ইন্দিয়া-মিলিল ইস্ত-ইয়ুরোপ ইকোনোমিক কোরিদোর (আই.এম.ই.সি.) য়াওনা মালেমগা লোয়ননা অনৌবা খোংথাংশিং হৌদোক্নবগীদমক ভারতনা হোৎনরিবশিং অদু পনখি। মহাক্না হায়খি মদুদি প্রোজেক্ত অসিনা এসিয়া, য়ুরোপ অমসুং মিদল ইস্তপু কম্মর্স অমসুং কনেক্তিবিতীগী খুত্থাংদা শম্নহল্লগনি। মসিনা শেন্মিৎলোনগী খুদোংচাবশিং হেনগৎহল্লগনি অমসুং অতোপ্পা ললোন-ইতিক্কী লম্বীশিং ফংহল্লগনি। মহাক্না হায়খি মদুদি থৌরাং অসিনা গ্লোবেল সপ্লাই চেন মপাঙ্গল কনখৎহল্লগনি।

গ্লোবেল সিস্তেমশিং অসি হেন্না পার্তিসিপেতিব অমসুং দেমোক্রেতিক ওইহন্নবা ভারতনা হোৎনরিবশিং অদু পল্লদুনা, প্রধান মন্ত্রীনা ভারত মান্দাপমদা পাংথোকখিবা জি-২০ সম্মিৎকী মনুংদা লৌখৎখিবা পুৱারী ওইরবা খোঙথাং অদুগী মতাংদা পনখি। মফম অদুদা জি-২০গী পর্মানেন্ত মেম্বর অমা ওইনা অফ্রিকান য়ুনিয়ন শেমখি। মহাক্না হায়খি মদুদি মতম কয়াগী মমাংদগী ওইরক্লিবা দিমান্দ অসি ভারতকী প্রসিদেন্সীগী মখাদা মপুং ফাহনখ্রে। মালেমগী ৱারেপ লৌবগী ইন্সতিত্যুসনশিংদা গ্লোবেল সাউথকী লৈবাকশিংগী ৱা ঙাংবদা ভারতনা লৌরিবা থৌদাং অদু শ্রী মোদীনা পনখি। মহাক্না ইন্তরনেস্নেল যোগ নুমিৎ, দবল্যু.ঐচ.ও.গী গ্লোবেল সেন্তর ফোর ত্রেদিস্নেল মেদিসিন অমসুং আর্তিফিসিএল ইন্তেলিজেন্সকী মালেমগী ফ্রেমৱার্ক অমা শেমগৎপা য়াওনা হিরম কয়াদা ভারতনা লৌরিবা অচৌবা থৌদাং অদু পনখি। মহাক্না হায়খি মদুদি হায়রিবা হোৎনরিবশিং অসিনা অনৌবা মালেমগী ওইবা থৌওং অসিদা ভারতকী মপাঙ্গল কনবা মফম অমা শেমগৎলে। মহাক্না হায়খি মদুদি মসি হৌরকফম খক্তনি, মরমদি মালেমগী প্লেৎফোর্মশিংদা ভারতকী তৌবা ঙম্বশিং অসি অনৌবা থাক্তা য়ৌরক্লি।

২১শুবা চহিচাগী চহী ২৫ মপুং ফারকখ্রে হায়না পল্লদুনা শ্রী মোদীনা হায়খি মদুদি চহি ১১ অসি মহাক্কী সরকারগী মখাদা লৈবাক্কী সেবা তৌবদা কৎথোকখ্রে। "ভারতনা ঙসি করি খল্লি" হায়বা অসি খঙনবগীদমক্তা মমাংগী ৱাহংশিং অমসুং পাউখুমশিং অদুগী মতাংদা খন্নবগী মরুওইবা অদু মহাক্না ফোংদোকখি। মহাক্না দিপেন্দেন্সীদগী মশা-মরোমদোম লেপচবা, এস্পিরেসনদগী এচিবমেন্ত, অমসুং দিবেলপমেন্তকীদমক্তা দিসপ্রেসনদা ওন্থোকপগী মতাংদা পনখি। মহাক্না নিংশিংখি মদুদি চহী তরাগী মমাংদা, খুঙ্গংশিংদা তোইলেৎকী ইসুনা নুপীশিংদা অপীকপা খুদোংচাবশিং পীখি, অদুবু ঙসিদি স্বচ্ছ ভারত মিসননা সোলুসন অমা পীরে। ২০১৩দা, হেল্থকেয়রগী মতাংদা খন্ন-নৈনখিবা অসি মমল য়াম্লবা লাইয়েংশিংগী মতাংদা ওইখি অদুবু ঙসিদি, আয়ুশ্মান ভারতনা সোলুসন অমা পীরি হায়না মহাক্না পনখি। মতৌ অসুম্না মহাক্না হায়খি মদুদি মতম অমদদি মৈ চাক্কদবগা মরী লৈনবা লায়রবশিংগী কিচিনশিং অসি উজ্জ্বলা য়োজনাগী কান্নবা ফংলি। প্রধান মন্ত্রীনা হায়খি মদুদি ২০১৩দা, নুপীশিংনা বেঙ্ক একাউন্তশিংগী মতাংদা হংবদা য়াম্না তোয়না চুপ্না লৈরম্মি, অদুবু ঙসিদি, জন ধন য়োজনাগী মতেংনা নুপী কোতি ৩০ হেনবনা মখোয়গী একাউন্তশিং লৈরে। মহাক্না হায়খি মদুদি কুইনা ঈশিং থাবগীদমক্তা কূপশিং অমসুং ঈশিং ইচেকশিংদা য়ুম্ফম ওইদুনা লৈরম্বা লান্থেং অসি হর গার নল সে জল য়োজনাগী খুত্থাংদা লোইশিনখ্রে। মহাক্না হায়খি মদুদি চহি তরাগী খুজিং অসি খক্তদা অহোংবা লাকপা নত্তে অদুবু মীওইশিংগী পুন্সিদসু অহোংবা লাক্লি। মহাক্না হায়খি মদুদি মালেম অসিনা ভারতকী চাউখৎ-থৌরাংগী মোদেল অসি মশক খঙলে অমসুং লৌরে। মহাক্না হায়খি, ভারত অসি হৌজিক্তি "মঙলানগী লৈবাক অমা" নত্তে, অদুবু "মঙলান মপুং ফাহনবা লৈবাক অমা" ওইরে।

শ্রী মোদীনা হায়খি মদুদি লৈবাক অমনা মখোয়গী নাগরিকশিংগী খুদোংচাবশিং অমসুং মতমগীদমক ইকাই খুম্নবা উৎলকপা মতমদা, মসিনা লৈবাক অদুগী ত্রেজেক্তরীদা অহোংবা পুরকই। ঙসি ভারতনা থেংনরিবা অসিমক্নি হায়না মহাক্না ফোংদোকখি। মহাক্না পাসপোর্ত এপ্লিকেসন প্রোসেসতা মরুওইবা অহোংবশিংগী খুদম অমা পীখি। মহাক্না হায়খি মদুদি মমাংদা, পাসপোর্ত অমা লৌশিনবা অসি য়াম্না অরুবা থবক অমনি, মসিদা মতম শাংনা ঙাইবগী মতম, কমপ্লেক্স ওইবা দোক্যুমেন্তীশিং অমসুং অয়াম্বনা স্তেত কেপিতেলশিংদা লৈবা পাসপোর্ত সেন্তরশিংদি মশিং য়ামদে। অপীকপা শহরশিংদগী লাকপা মীওইশিংনা থৌওং অসি মপুং ফাহনবগীদমক অয়াম্বা মতমদা মফম খরদা নুমিদাং খরা লৈনবগী থৌরাং তৌবগী মথৌ তাই হায়না মহাক্না ফোংদোকখি। প্রধান মন্ত্রীনা হায়খি মদুদি হায়রিবা শিংনবশিং অসি হৌজিক মপুং ফানা হোংখ্রে। মহাক্না হায়খি মদুদি লৈবাক অসিদা পাসপোর্ত সর্বিস সেন্তরশিংগী মশিং অসি ৭৭ খক্তদগী ৫৫০ হেনখ্রে। মসিগী মথক্তা, মহাক্না হায়খি মদুদি পাসপোর্ত অমা ফংনবগীদমক ঙাইরিবা মতম অসি মমাংদা নুমিৎ ৫০ ওইরম্মি, হৌজিক্তি মসি নুমিৎ ৫-৬ খক্তদা হন্থরে।

ভারতকী বেঙ্কিং ইনফ্রাস্ত্রকচরদা ওইরক্লিবা অহোংবশিং অদু পল্লদুনা শ্রী মোদীনা হায়খি মদুদি বেঙ্কশিং অসি চহী ৫০-৬০গী মমাংদা বেঙ্কিং সর্ভিসশিং ফংহল্লগনি হায়বগী অচেৎপা থাজবা পীরদুনা নেস্নেলাইজ তৌখ্রবসু, খুঙ্গং লাখ কয়ানা অসিগুম্বা খুদোংচাবশিং ফংদ্রি। মহাক্না ফোংদোকখি মদুদি হৌজিক ওইরিবা ফিভম অসি হোংখ্রে। প্রধান মন্ত্রীনা হায়খি মদুদি ওনলাইন বেঙ্কিং অসি য়ুমথোং খুদিংদা য়ৌরে অমসুং ঙসিদি লৈবাক অসিগী কিলোমিতর ৫গী রেদিয়স অমদা বেঙ্কিং তোচ পোইন্ত অমা লৈরে। সরকারনা বেঙ্কিং ইনফ্রাস্ত্রকচর হেঙ্গৎহনবতা নত্তনা বেঙ্কিং সিস্তেমসু মপাঙ্গল কনখৎহনখ্রে হায়না মহাক্না ফোংদোকখি। বেঙ্কশিংগী নন-পর্ফোর্মিং এসেৎশিং (এন.পি.এ.) অসি য়াম্না হন্থরে অমসুং মখোয়গী শেন্দোই অসি রেকোর্দ ওইনা লুপা করোর লাখ ১.৪ য়ৌরে হায়না মহাক্না ফোংদোকখি। মহাক্না মখা তাখি মদুদি মীয়ামগী শেনফম লান্না শীজিন্নখিবা মীওইশিং অদু হৌজিক পাউখুম পীরগনি। এনফোর্সমেন্ত দাইরেক্তোরেত (ই.দি.) না লুপা করোর ২২,০০০গী মথক্তা ফংগদৌরে।

ইফিসিএন্সীনা ইফেক্তিব গবর্নান্স ওইহল্লি হায়না পল্লদুনা প্রধান মন্ত্রীনা হায়খি মদুদি মতম কুইনা, রিসোর্স হন্থনা শিজিন্নদুনা অমসুং দরকার লৈতনা শেল থাদবা থিংদুনা হেন্না ফংহনবা হায়বসি য়াম্না মরু ওই। মহাক্না ফোংদোকখি মদুদি "রেদ কারপেৎতা রেদ বোরোক্রেসীগী মথক্তা রেদ কারপেৎ"দা অহেনবা মীৎয়েং থম্বা হায়বসি লৈবাক অমগী রিসোর্সশিংবু ইকায় খুম্নবা উৎলি। মহাক্না হায়খি মদুদি হৌখিবা চহি ১১ অসিদা, মসি মহাক্কী লৈঙাক্কী মরুওইবা মরুওইবা অমনি।

মিনিস্ত্রীশিংদা মীওই মশিং য়াম্না হাপচিনবগী মমাংঙৈগী চৎনবী অদু পল্লদুনা শ্রী মোদীনা হায়খি মদুদি মহাক্কী সরকারনা, মহাক্কী অহানবা তর্মগী মনুংদা, রাজনিতীগী ওইবা অপাম্বগী মথক্তা লৈবাক্কী রিসোর্সশিং অমসুং মথৌ তাবশিংবু মরুওইনা লৌনবা মিনিস্ত্রী কয়া অমত্তা ওইনা পুন্সিনখি। মহাক্না খুদমশিং পীরদুনা অর্বান দিবেলপমেন্ত মন্ত্রালয় অমসুং হাউজিং অমসুং অর্বান পভর্টি এলিভিয়েসন মন্ত্রালয় অসি হাউজিং অমসুং অর্বান এফিয়র্স মন্ত্রালয় শেম্নবা পুন্সিনখিবা অদু পনখি। মতৌ অসুম্না, ওভরসিজ এফিয়র্স মিনিস্ত্রীবু এক্সতর্নেল এফিয়র্স মিনিস্ত্রীগা পুন্সিনখি। জল শক্তি মন্ত্রালয় শেম্নবা ৱাতর রিসোর্স এন্দ রিভর দিবেলপমেন্ত মন্ত্রালয় অমসুং থক্নবা ঈশিং মন্ত্রালয় পুন্সিন্নবগী ৱাফমসু মহাক্না পনখি। মহাক্না অকনবা ৱাফম থমখি মদুদি মসিগী ৱারেপশিং অসি লৈবাক অসিগী মরুওইবশিং অমসুং রিসোর্সশিং অসি মতিক চানা শিজিন্নবনা মরম ওইদুনা লৌখিবনি।

সরকারনা চৎন-কাঙলোনশিং অমসুং রিগুলেসনশিং লাইথোক্নবা অমসুং হন্থহন্নবা হোৎনরি হায়না পল্লদুনা প্রধান মন্ত্রীনা হায়খি মদুদি মতমগী মতুং ইন্না মখোয়গী মগুন মাঙখ্রবা পুৱারীগী চৎনবী ওইরবা আইন চাউরাক্না ১৫০০ মহাক্কী সরকারনা লৌথোকখ্রে। মসিগী মথক্তা, কম্প্লাইএন্স 40,000 রোম লৌথোকখি। মহাক্না অকনবা ৱাফম থমখি মদুদি খোঙথাংশিং অসিনা মরুওইবা মহৈ অনি ফংলে: মীয়াম্বু অৱা-অনাদগী কোকহন্নবা অমসুং সরকারগী মেছিনরীগী মনুংদা ইনর্জী কনবা। প্রধান মন্ত্রীনা জি.এস.তি. তেক্স ৩০ হেনবনা তেক্স অমখক্তদা পুনশিল্লে, মসিনা প্রোসেস অমসুং দোক্যুমেন্তেশিংগী লমদা অচৌবা শেন্থং অমা ফংহল্লে হায়না মহাক্না ফোংদোকখি।

মমাংদা গবর্নমেন্ত প্রোক্যুরমেন্তদা থোকখিবা অমসুং মীদিয়ানা তোয়না পাউ পীরকপা ইফিসিএন্সী অমসুং করপসনগী মতাংদা পল্লদুনা প্রধান মন্ত্রীনা হায়খি মদুদি মহাক্কী সরকারনা ইসুশিং অসি কোকহন্নবা গবর্নমেন্ত ই-মার্কেৎ প্লেস (জি.ই.এম.) মহাক্না হায়খি মদুদি সরকারগী দিপার্তমেন্তশিংনা হৌজিক্তি মসিগী প্লেৎফোর্ম অসিদা মখোয়গী মথৌ তাবশিং লিস্ত তৌরি, ভেন্দরশিংনা বিদশিং থাগৎলি, অমসুং ওর্দরশিং অসি ত্রান্সপরেন্ত ওইনা ফাইনেল তৌরি। মসিগী খোঙথাং অসিনা লল্লোন-ইতিক হন্থহনখ্রে অমসুং সরকারদা লুপা করোর লাখ ১গী শেনফম কনবা ঙমখ্রে। প্রধান মন্ত্রীনা ভারতকী দাইরেক্ত বেনিফিৎ ত্রান্সফর (দি.বি.তি.) সিস্তেম মালেম্না শকখঙবগী ৱাফমসু থমখি। মহাক্না হায়খি মদুদি দি.বি.তি.না তেক্সপেয়রশিংগী শেনফম লুপা করোর লাখ ৩গী মথক্তা অশোয়বা খুৎতা চংহন্দনা থিংলে। মহাক্না মখা তানা হায়খি মদুদি লৈতবা মীওইশিং য়াওনা সরকারগী স্কিমশিং শিংনরম্বা ফেক বেনিফিসরী করোর ১০ হেনবনা ওফিসিএল রেকোর্দশিংদগী লৌথোকখ্রে।

তেক্সপেয়র খুদিংমক্কী কন্ত্রিব্যুসনবু অচুম্বা মওংদা শীজিন্ননবা অমসুং তেক্সপেয়রশিংদা ইকায় খুম্নবা উৎনবা সরকারগী অচেৎপা ৱাফম থম্লদুনা শ্রী মোদীনা তেক্স সিস্তেম অসি তেক্সপেয়রশিংগীদমক্তা হেন্না মরু ওইবা অমা ওইহনখ্রে হায়না ফোংদোকখি। মহাক্না হায়খি মদুদি ইনকম তেক্স রিতর্ন (আই.তি.আর.) ফাইল তৌবগী থৌওং অসি হান্নগী মতমগা চাংদম্নবদা হৌজিক য়াম্না লায়বা অমসুং খোঙজেল য়াংবা ওইরে। মহাক্না হায়খি মদুদি মমাংদা, চার্টরদ একাউন্তেন্ত অমগী মতেং য়াওদনা আই.তি.আর. ফাইল তৌবা অসি অরুবা অমনি। ঙসিদি, মীওইশিংনা মখোয়গী আই.তি.আর. ওনলাইন্দা অতেনবা মতমগী মনুংদা ফাইল তৌবা ঙম্মী, অমসুং মখোয়গী একাউন্তশিংদা ফাইল তৌরবা মতুং নুমিৎ খরনিগী মনুংদা রিফন্দশিং অদু ক্রেদিৎ তৌই। প্রধান মন্ত্রীনা ফেসলেস এসেসমেন্ত স্কিম হৌদোকখিবগী মতাংদসু পনখি, মসিনা তেক্সপেয়রশিংনা থেংনরিবা অৱাবা কয়া কোকহল্লে। মহাক্না হায়খি মদুদি অসিগুম্বা ইফিসিএন্সী-দাইরেক্ত গবর্নান্স রিফোর্মশিংনা মালেমদা অনৌবা গবর্নান্স মোদেল অমা ফংহল্লে।

হৌখিবা চহি ১০-১১ অসিদা ভারতনা সেক্তর অমসুং হিরম খুদিংমক্তা শেমদোক-শাদোকপগী থবক পায়খৎলে হায়না পল্লদুনা, প্রধান মন্ত্রীনা ৱাখল্লোনদা চাউনা অহোংবা লাকপদা পুক্নিং চিংশিনখি। মহাক্না হায়খি মদুদি নীংতম্লবা মতুং দিকেদ কয়াগী মমাংদা, ভারত্তা মপানগী পোৎলমশিংবু হেন্না ফৈ হায়না লৌনবা ৱাখল্লোন অমা শৌগৎখি। দুকান মপুশিংনা তোইনা, "মসি মপান্দগী পুশিল্লকপনি!" হায়না হৌদোকই হায়না মহাক্না ফোংদোকখি। পোত্থোকশিং য়োনবা মতমদা। মহাক্না অকনবা ৱাফম থমখি মদুদি হৌজিক ওইরিবা ফীভম অসি হোংখ্রে অমসুং ঙসিদি, মীয়াম্না "মেদ ইন ইন্দিয়া" হায়বা ৱাহং অসি হংলক্লি।

মেনুফেকচরিং এক্সিলেন্সতা ভারতনা চাউনা খুমাং চাওশিল্লকপগী মতাংদা পল্লদুনা, লৈবাক অসিগী অহানবা ইন্দিজেনিক এম.আর.আই. মেছিন শেমগৎপগী হন্দক্তা ফংখিবা মাইপাকপা অদু পল্লদুনা, শ্রী মোদীনা হায়খি মদুদি মাইলস্তোন অসিনা ভারত্তা মেদিকেল দাইগ্নোস্তিক্সকী মমলদা চাউনা হন্থহল্লগনি। মহাক্না 'আত্মনির্ভর ভারত' অমসুং 'মেক ইন ইন্দিয়া' ইনিসিয়েতিবশিংনা মেনুফেকচরিং সেক্তরদা অনৌবা ইনর্জী পীরক্লিবা অসিগী ত্রান্সফোর্মেতিব ইম্পেক্তকী মতাংদা পনখি। মহাক্না হায়খি মদুদি মালেমনা ভারতপু মালেমগী কৈথেল অমা ওইনা উরম্মি, অদুবু হৌজিক্তি লৈবাক অসি মরুওইবা মেনুফেকচরিং হব অমা ওইনা খঙলে। প্রধান মন্ত্রীনা ভারতকী মোবাইল ফোন ইন্দস্ত্রীগী মাইপাকপগী মতাংদা পনখি। মহাক্না হায়খি মদুদি এক্সপোর্ত অসি ২০১৪-১৫দা বিলিয়ন দোল্লর অমদগী হেন্দুনা চহী তরাগী মনুংদা বিলিয়ন দোল্লর ২০ হেনখ্রে। মালেমগী তেলিকোম অমসুং নেতৱর্কিং ইন্দস্ত্রীদা ভারতনা পাৱর সেন্তর অমা ওইনা থোরক্লিবা অদু মহাক্না পনখি। ওতোমোতিব সেক্তরগী মতাংদা খন্ন-নৈনবদা, প্রধান মন্ত্রীনা কম্পোনেন্তশিং এক্সপোর্ত তৌবদা ভারতকী মিংচৎ হেনগৎলক্লিবা অদুগী মতাংদা পনখি। মহাক্না হায়খি মদুদি ভারতনা মমাংদা মশিং য়াম্লবা মোতোরসাইকল পার্তশিং ইম্পোর্ত তৌরম্মি, ঙসিদি ভারত্তা পুথোকপা পার্তশিং অসি য়ু.এ.ই. অমসুং জর্মনীগুম্বা লৈবাকশিংদা য়ৌরে। শ্রী মোদীনা সোলর ইনর্জী সেক্তরদা ফংলিবা মাইপাকপশিং অদুসু পনখি। মহাক্না হায়খি মদুদি সোলর সেলশিং অমসুং মোদ্যুলশিংগী ইম্পোর্ত অসি হন্থরে অদুগা এক্সপোর্ত অসি শরুক ২৩ হেনগৎলে। মহাক্না মখা তানা হৌখিবা চহী তরাগী মনুংদা শরুক ২১ হেনগৎখিবা দিফেন্স এক্সপোর্তকী গ্রোথকী মতাংদা পনখি। মহাক্না হায়খি মদুদি মসিগী এচিবমেন্তশিং অসিনা ভারতকী মেন্যুফেকচরিং ইকোনোমীগী মপাঙ্গল অমসুং তোঙান তোঙানবা সেক্তরশিংদা অনৌবা থবক পীবা ঙম্বগী মতিক অদু উৎলি।

প্রধান মন্ত্রীনা তি.ভি.৯ সমিৎকী মরুওইবা অদু পনখি। মহাক্না তোঙান তোঙানবা হীরমশিংদা কুপ্না খন্ন-নৈনখিবা অমসুং খন্ন-নৈনখিবা অদুদা মরুওইবা পীখি। মহাক্না হায়খি মদুদি মীফম অদুদা শরুক য়াখিবা ৱাখল্লোনশিং অমসুং ভিজনশিংনা লৈবাক অসিগী তুংলমচৎ মশক তাক্কনি। মহাক্না হৌখিবা চহি চাগী মরুওইবা তাঙ্কক অদু নীংশিংখি মদুদা ভারতনা অনৌবা ইনর্জীগা লোয়ননা নীংতম্বা ফংনবগী অনৌবা খোঙচৎ অমা হৌখি। মহাক্না ১৯৪৭তা ভারতনা নীংতম্বা ফংবদা মায় পাকখিবা অদু পনখি অমসুং হায়খি মদুদি, চহী তরা অসিদা, লৈবাক অসিনা চাউখৎলবা ভারত অমগী পান্দমগী মায়কৈদা হোৎনরি। মহাক্না ২০৪৭ ফাওবদা চাউখৎলবা ভারত অমগী মঙলান অদু মংফাওনহনবগী মরুওইবা অদু পনখি অমসুং মসিগী মঙলান অসি ফংনবা পুন্না হোৎনমিন্নবা অসি তঙাইফদে হায়না লাল ফোর্ৎতগী মহাক্না ফোংদোকখিবা অদু নৌহৌননা ফোংদোকখি। প্রধান মন্ত্রীনা তি.ভি.৯না সমিৎ অসি শীনবগীদমক থাগৎপা ফোংদোকখি, মখোয়গী পোজিতিব ইনিসিয়েতিববু মশক খঙখি অমসুং সমিৎ অসি মাই পাকপা ওইরসনু হায়না মহাক্কী য়াইফ পাউজেল পীখি। মিসন মোদকী মওংদা তোঙান তোঙানবা ইন্তরেক্সনশিংদা নহারোল লিশিং ৫০ হেন্না শরুক য়াহনখিবা অমসুং খনগৎলবা নহারোলশিংবু ত্রেনিং পীরকপগীদমক মহাক্না তি.ভি.৯ নেৎৱার্কপু থাগৎপা ফোংদোকখি। মহাক্না ২০৪৭তা লাক্কদৌরিবা 'ভিক্সিৎ ভারত'কী খ্বাইদগী চাউবা কান্নবা ফংলবশিং অসি নহারোলশিং ওইগনি হায়না থাজবা থম্লদুনা মহাক্কী ৱারোল লোইশিনখি।

Speaking at the TV9 Summit. @TV9Bharatvarsh https://t.co/PtIYS213F8

— Narendra Modi (@narendramodi) March 28, 2025

Today, the world's eyes are on India. pic.twitter.com/XEeYl0xMm8

— PMO India (@PMOIndia) March 28, 2025

India's youth is rapidly becoming skilled and driving innovation forward. pic.twitter.com/7VfUZnbtfh

— PMO India (@PMOIndia) March 28, 2025

"India First" has become the mantra of India's foreign policy. pic.twitter.com/qItDALoemT

— PMO India (@PMOIndia) March 28, 2025

Today, India is not just participating in the world order but also contributing to shaping and securing the future. pic.twitter.com/IhkUnN8Kvx

— PMO India (@PMOIndia) March 28, 2025

Prioritising humanity over monopoly. pic.twitter.com/gjGSreaQHY

— PMO India (@PMOIndia) March 28, 2025

Today, India is not just a Nation of Dreams but also a Nation That Delivers. pic.twitter.com/Px1fWPVTUA

— PMO India (@PMOIndia) March 28, 2025

***