امپلائیز پروویڈنٹ فنڈ آرگنائزیشن (ای پی ایف او) نے جولائی 2025 کا عارضی پے رول ڈیٹا جاری کیا ہے، جس میں 21.04 لاکھ ملازم ارکان کے خالص اضافے کا انکشاف ہوا ہے۔

سال بہ سال تجزیہ سے جولائی 2024 کی بہ نسبت  خالص پے رول کے اضافے میں 5.55 فیصد کی نمو ظاہر ہوتی  ہے، جس سے روزگار کے بڑھتے ہوئے مواقع اور ملازمین کے فوائد کے بارے میں بیداری میں اضافہ کی نشاندہی ہوتی ہے، جس کو ای پی ایف او ​​کے مؤثر آگاہی  کے اقدامات سے تقویت ملی ہے۔

ای پی ایف اوکے پے رول ڈیٹا (جولائی 2025) کی اہم جھلکیاں حسب ذیل ہیں:

نئے سبسکرائبر:

ای پی ایف او میں جولائی 2025 کے دوران تقریباً 9.79 لاکھ نئے سبسکرائبر کا اندراج کیاگیا۔ نئے سبسکرائبرز میں اس اضافے کو روزگار کے بڑھتے ہوئے مواقع، ملازمین کے فوائد کے بارے میں بیداری میں اضافہ، اور ای پی ایف او ​​کے کامیاب آؤٹ ریچ پروگراموں سے منسوب کیا جا سکتا ہے۔

عمر گروپ 18-25 کے رکن ملازمین پے رول  ڈیٹامیں اضافے میں سرفہرست:

ان اعداد و شمار کا ایک قابل توجہ پہلو 18-25 سال کی عمر کے گروپ  والوں کی ا کثریت ہے۔ ای پی ایف او نے 18-25 سال کی عمر کے گروپ میں 5.98 لاکھ نئے سبسکرائبرز کو شامل کیا، جو جولائی 2025 میں شامل کیے گئے کل نئے سبسکرائبرز کا 61.06 فیصد ہے۔

مزید برآں، جولائی 2025 کے دوران 18-25 سال کی عمر کے گروپ میں خالص پے رول کا اضافہ تقریباً 9.13 لاکھ ہے جو گزشتہ سال جولائی 2024 کے مقابلے میں 4.09 فیصد اضافے کی عکاسی کرتا ہے۔ یہ پہلے کے رجحان سے مطابقت رکھتا ہے جس سے ظاہر ہوا ہے کہ منظم افرادی قوت میں شامل ہونے والے زیادہ تر افراد نوجوان ہیں،جو بنیادی طور پرپہلی ملازمت کے متلاشی ہیں۔

دوبارہ شامل ہونے والے اراکین:

تقریباً 16.43 لاکھ ممبران، جو پہلے ملازمت سےباہرہو گئے تھے،وہ جولائی 2025 میں دوبارہ ای پی ایف او ​​میں شامل ہوئے۔ یہ اعداد و شمار جولائی 2024 کے مقابلے میں سال بہ سال  کے تناسب سے12.12فیصد کی نمایاں ترقی کو ظاہر کرتے ہیں۔ ان اراکین نے اپنی ملازمتیں تبدیل کیں اور ای پی ایف او ​​کے دائرہ کار میں شامل اداروں میں دوبارہ شمولیت اختیار کی اوربالآخرحتمی تصفیہ کے بجائے اپنے اکاؤنٹ کی منتقلی کے لیے درخواست دینے کا فیصلہ کیا،جس سے ان کی طویل مدتی مالی بہبود کی حفاظت ہوئی اور ان کے سماجی تحفظ کی توسیع ہوئی۔

خواتین کی رکنیت میں اضافہ:

جولائی 2025 میں تقریباً 2.80 لاکھ نئی خواتین صارفین نے ای پی ایف او ​​میں شمولیت اختیار کی۔ مزید یہ کہ ماہ کے دوران خواتین کے پے رول کا خالص اضافہ تقریباً 4.42 لاکھ  درج کیا گیا، جو کہ سال بہ سال کے تناسب کے لحاظ سے جولائی 2024 کے مقابلے میں 0.17 فیصدزیادہ ہے ۔

ریاست وار شراکت:

پے رول کے اعداد و شمارکے ریاست وار تجزیہ سے اس بات کی نشاندہی ہوتی ہے کہ سرفہرست پانچ ریاستوں/ مرکز کے زیر انتظام علاقوں میں خالص پے رول میں تقریباً 60.85 فیصد اضافہ ہوا ہے، جس سے ماہ کے دوران کل تقریباً 12.80 لاکھ خالص پے رول کا اضافہ درج ہوا ہے۔ تمام ریاستوں میں  ریاست مہاراشٹر ماہ کے دوران خالص پے رول میں 20.47 فیصد اضافہ کے ساتھ سب سے آگے ہے۔ مہاراشٹر، کرناٹک، تمل ناڈو، گجرات، ہریانہ، دہلی، تلنگانہ اور اتر پردیش کی ریاستوں/مرکز کے زیر انتظام علاقوں نے انفرادی طور پر ماہ کے دوران کل خالص پے رول کا 5فیصد سے زیادہ اضافہ درج کیا۔

صنعت کے لحاظ سے رجحانات:

صنعت کے لحاظ سے اعداد و شمار کے ماہ بہ ماہ موازنہ  سے حسب ذیل صنعتوں کی سطح پر مصروف عمل اداروں میں کام کرنے والے خالص پے رول کے اضافے میں نمایاں ترقی ظاہر ہوتی ہے۔

1. لوہے کی معدنیات
2. یونیورسٹی
3. بیڑی سازی
4. ملبوسات سازی
5. اسپتال
6. دیگر

• vii. تجارتی –کاروباری ادارے

8. ٹریول ایجنسیاں
9. چھت-فرش کے سلیب وغیرہ کے لیے پتھر

کل خالص رکنیت کے اضافے میں سے، تقریباً 40.21 فیصد اضافہ ماہرین کی خدمات کے زمرے سے ہے۔

مندرجہ بالا پے رول ڈیٹا عارضی ہے۔چونکہ ڈیٹا جنریشن ایک مسلسل مشق ہے،  ملازمین کے ریکارڈ کو اپ ڈیٹ کرنا ایک مسلسل عمل ہے۔سابقہ ڈیٹا ہر ماہ حسب ذیل لحاظ سےاپ ڈیٹ ہوتا ہے:

1. پے رول رپورٹ کی تیاری کے بعد پچھلے مہینوں کے ای سی آر درج کیے جا تے ہیں۔
2. پے رول رپورٹ تیار کرنے کے بعد پہلے دائر کردہ ای سی آر میں ترمیم کی جاتی ہے۔
3. پے رول رپورٹ تیار کرنے کے بعد پچھلے مہینوں کے ترک ملازمت کی تاریخ نشان زد کی جاتی ہے۔

اپریل 2018 کے مہینے سے، ای پی ایف او ​​ستمبر 2017 کے بعد کی مدت کا احاطہ کرتے ہوئے پے رول ڈیٹا جاری کر رہی ہے۔ ماہانہ پے رول کے اعداد و شمار میں، آدھار نمبر سے توثیق شدہ یونیورسل اکاؤنٹ نمبر (یو اے این) کے ذریعے پہلی بار ای پی ایف او ​​میں شامل ہونے والے اراکین، ای پی ایف او ​​کی کوریج سے باہر نکلنے والے موجودہ اراکین اور ملازمت سےباہرنکلنے کے بعد دوبارہ شا مل ہونےوا لے  اراکین کی تعداد کو خالص ماہانہ پے رول  میں شمار کیا جاتا ہے ۔

*****

ش ح-م ش ع۔ ف ر

UR No-6448