মৌরিসিয়সকী প্রধান মন্ত্রী ইকাইখুম্নজরবা দাঃ নবিনচন্দ্র রামগুলাম, জি.সি.এস.কে., এফ.আর.সি.পি. অমসুং ভারতকী প্রধান মন্ত্রী, শ্রী নরেন্দ্র মোদীনা মৌরিসিয়স অমসুং ভারতকী মরক্তা লৈরিবা নাকল অনিগী ওইবা মরীশিংগী মতাংদা ২০২৫গী মার্চ ১১-১২দা মৌরিসিয়সতা চৎখিবা মহাক্কী রাজ্যগী খোংচৎ মনুংদা মপুং ওইবা অমসুং কান্ননিংঙাই ওইরবা হীরম কয়াদা ৱারী শানখি।

২০২৫গী মার্চ ১১দা পাংথোকখিবা লৈবাক অনিগী ওইবা মীফম অদুদা লুচিংবা অনিনা মৌরিসিয়স অমসুং ভারতকী মরক্তা মান্নবা পুৱারী, লোল, চৎনবী, হেরিতেজকা মরী লৈনবশিং অমসুং ভেল্যুশিংগী ওইবা অখন্নবা অমসুং তোপ তোপ্পা মরী অমা লৈনরি হায়না ফোংদোক্নখি। মখোয়না মখা তানা পনখি মদুদি মৌরিসিয়স-ভারতকী মরী অসি মীয়ামগী মরক্তা লৈনবা অমসুং নাৎ লান্নবদা য়ুম্ফম ওইদুনা হৌখিবা চহি কয়াদগী হেন্না মপাঙ্গল কনখৎলক্তুনা তোঙান তোঙানবা হীরমশিংদা কম্প্রিহেন্সিব স্ত্রেতেজিক পার্তনরশিপ অমা ওইরক্লি অমসুং মসিনা লৈবাক অনিনা, মখোয়গী মীয়াম অমসুং ভারত মহাসাগরগী লমদমদা কান্নবা ফংহল্লি।

মৌরিসিয়সকী প্রধান মন্ত্রীনা লৈবাক অসিনা নীংতম্বা ফংলবা মতুংদগী হৌনা মসিগী সোসিও-ইকোনোমিক দিবেলপমেন্ততা মতমগী মতুং ইন্না হোংবা নাইদ্রবা অমসুং থাজবা য়াবা মপাং অমা ওইনা লৌরিবা ভারতকী থৌদাং পনখি। ভারতনা মতম পুম্নমক্তা মৌরিসিয়সপু লেপ্পা লৈতনা মতেং পাংলি হায়না পল্লদুনা, মৌরিসিয়সকী প্রধান মন্ত্রীনা লৈবাক অনিগী মরক্তা লৈরিবা নাকল অনিগী ওইবা মপাং অসি মখা তানা শেমগৎনবা মহাক্কী অচেৎপা ফিরেপ অমুক হন্না ফোংদোকখি।

ভারতকী প্রধান মন্ত্রীনা মার্চ ২০১৫দা মহাক্না মৌরিসিয়সতা চৎখিবা অদু নীংশিংখি। মদুদা ভারতকী ভিজন সাগর, হায়বদি রিজন অসিদা পুম্নমক্কীদমক সেক্যুরিতী অমসুং গ্রোথ উরেপ উয়ুং তমখি। ভিজন সাগর অসি মংফাওনহন্নবা মৌরিসিয়স অসি মরুওইবা পার্তনর অমা ওইরি হায়না মহাক্না ফোংদোকখি। মহাক্না মখা তানা পনখি মদুদি মৌরিসিয়স অসি ভারতকী ভিজন সাগর, মসিগী নেবরহুদ ফার্ষ্ট এপ্রোচ অমসুং গ্লোবেল সাউথকীদমক লেপ্লিবা ফিরেপ অসিগী মাংদা লৈরি। লৈবাক অনিমক্কী কান্ননবগীদমক পোলিসীশিং অসিবু মাংলোমদা পুখৎপদা মৌরিসিয়সনা লৌরিবা মরুওইবা থৌদাং অদু মহাক্না ফোংদোকখি।

নাকল অনিগী মরীগী মপাঙ্গল অমসুং অখন্নবা মশক অসিবু পল্লদুনা লুচিংবা অনিমক্না মরি অসিদা মখা তানা লমজিং-লমতাকপীবা অমসুং ওরিএন্তেসন পীনবা অমসুং মসিবু হেন্না মপাঙ্গল লৈহল্লবা স্ত্রেতেজিক পার্তনরশিপ অমদা ওন্থোকপগী মতম ওইরে হায়না য়ানখি।

পোলিতিকেল একচেঞ্জশিং

লুচিংবা অনিমক্না লৈবাক অনিগী মরক্তা চাং নাইনা অৱাংবা থাক্কী এক্সচেঞ্জ অমসুং খোঙচৎশিংনা মপুং ফাহনরিবা, তোঙান তোঙানবা থাকশিংদা মখোয়গী লৈবাক অনিগী মরক্তা অৱাংবা থাক্কী মরীদা থাজবা অমসুং অমগা অমগা খঙমিন্নবগী অৱাংবা থাক অমা লৈ হায়না য়ানখি। ভারতকী জি.২০ প্রসিদেন্সীগী মখাদা গেস্ত লৈবাক অমা ওইনা মৌরিসিয়সনা শরুক য়াখিবনা সেক্তর খুদিংমক্তা মরী হেন্না চেৎশিলহনখ্রে হায়না পল্লদুনা লুচিংবা অনিমক্না মসিগী মরী অসি মখা তানা লৈহন্নবা মখোয়গী ফিরেপ অদু অমুক হন্না ফোংদোক্নখি।

লৈবাক অনিগী পার্লিয়ামেন্তশিংগী মরক্তা হৌজিক চত্থরিবা খন্ন-নৈনবশিং, কেপাসিতী বিল্দিংগী লমদা য়াওনা, লুচিংবা অনিমক্না পার্লিয়ামেন্তরী প্রোসেসশিংদা খ্বাইদগী ফবা থৌওংশিং শেয়র তৌনবগী মতাংদা মতেং পীনবা হেনগৎনবা য়ানখি। মখা তানা, মখোয়না লৈবাক অনিগী পার্লিয়ামেন্তরশিংগী মরক্তা মরী হেন্না চেৎশিলহন্নবা য়ানখি।

দিবেলপমেন্ত পার্তনরশিপ

লুচিংবা অনিমক্না ভারতনা মৌরিসিয়সকী নীংতম্বা ফংলবা মতুংদগী মৌরিসিয়সকী মরুওইবা দিবেলপমেন্ত পার্তনর অমা ওইদুনা লাক্লি অমসুং মসিগী ইনফ্রাস্ত্রকচর অমসুং দিবেলপমেন্তকী মথৌ তাবশিংদা চাউনা মতেং পাংলি হায়না পনখি। ইন্দিয়া-মৌরিসিয়স মেত্রো এক্সপ্রেস প্রোজেক্ত, অনৌবা সুপ্রিম কোর্ত বিল্দিং, অনৌবা ই.এন.তি. হোস্পিতাল, সোসিএল হাউজিং য়ুনিত ৯৫৬ অমসুং এজুকেস্নেল তেব্লেৎশিং অসিনচিংবা হাইপ্রোফাইল ইনফ্রাস্ত্রকচর প্রোজেক্ত কয়া মায় পাক্না পায়খৎপদা ভারতনা মতেং পাংলিবা অসিবু পল্লদুনা, মৌরিসিয়সকী প্রধান মন্ত্রীনা তোঙান তোঙানবা সেক্তরশিংদা ভারতনা মতেং পাংলিবা প্রোজেক্তশিংগীদমক থাগৎপা ফোংদোকখি।

লুচিংবা অনিনা আগলেগাদা ভারতকী তেংবাংগা লোয়ননা শেমগৎখিবা অনৌবা রনৱে অমসুং জেৎকী কান্নবশিং অদু খঙখি অমসুং ইকুই কুইদ্রিঙৈদা থোকখিবা সাইক্লোন চিদোগী মতুংদা আগলেগাদা লৈবা মৌরিসিয়স মীয়ামগীদমক এমর্জেন্সী হ্যুমেনিতরিয়ান এসিস্তেন্স পীনবগীদমক মসিগী মরুওইবা থৌদাং অদু খঙখি। মৌরিসিয়সকী প্রধান মন্ত্রীনা মৌরিসিয়সকী সরকারবু নৌনা শেমগৎনবা হোৎনবদা মতেং পাংনবা ত্রান্সপোর্ত এয়রক্রাফ অমসুং জহাজশিং থাগৎপা য়াওনা মতম চানা অমসুং থুনা মতেং পাংবগীদমক ভারত সরকারদা থাগৎপা ফোংদোকখি। মসিনা মথৌ তাবা মতমদা মৌরিসিয়সকীদমক 'ফার্স্ত রেস্পোন্দর' অমা ওইনা ভারতকী থৌদাং অদু অমুক হন্না ফোংদোকখি। মৌরিসিয়সকী প্রধান মন্ত্রীনা অগলেগাগী মীয়ামগী য়াইফনবা অমসুং কান্ননবগীদমক মফম অসি চাউখৎহনবদা ভারতকী প্রধান মন্ত্রীনা মতেং পাংলিবা অদু তরাম্না ওকখি।

লুচিংবশিংনা হৌজিক পায়খৎলিবা ইনফ্রাস্ত্রকচর প্রোজেক্তশিং হায়বদি রিনাল ত্রান্সপ্লান্ত য়ুনিত, ফোরেন্সিক সাইন্স লেবোরেতরী, নেস্নেল আর্কাইব অমসুং লাইব্রেরী অমসুং সিবিল সর্বিস কোলেজ, লোয়ননা মৌরিসিয়স শিনবা থুংনা লৈরিবা হাই ইম্পেক্ত কম্ম্যুনিতী দিবেলপমেন্ত প্রোজেক্তশিং অসিগী মরুওইবা অদু মখা তানা পনখি অমসুং মখোয়শিং অসি মতম চানা লোইশিন্নবা মখোয়গী মপুং ফানা মতেং পাংগনি হায়না অমুক হন্না থাজবা পীখি।

ভারতনা মতেং পাংলিবা মীচম মীয়ামগী ওইবা চাউখৎ-থৌরাংগী তেংবাং অসিনা মৌরিসিয়সকী মরূপ ওইরিবা মীয়ামদা কান্নবা ফংহল্লি অমসুং মৌরিসিয়সকী সোসিও-ইকোনোমিক দিবেলপমেন্তদা মতেং পাংলি। লুচিংবা অনিনা মখাদা পীরিবশিং অসিদা য়ানখি:

i. ইলেক্ত্রিক বস ১০০ অমসুং মসিগা মরী লৈনবা চার্জিং ইনফ্রাস্ত্রকচর মতম চানা পীনবা থবক পায়খৎপা,

ii. হাই ইম্পেক্ত কম্ম্যুনিতী দিবেলপমেন্ত প্রোজেক্তশিংগী ফেজ II পায়খৎপা;

iii. মৌরিসিয়সতা কিলোমীতর ১০০ শাংবা ঈশিং পাইপলাইন হোংদোক্নবা নাকল অনিগী মরক্তা ইহান হানবা আই.এন.আর.দা লেম্না পীবা লাইন ওফ ক্রেদিৎ এগ্রীমেন্তকী মখাদা থবক পায়খৎপা হৌবা;

iv. মৌরিসিয়স সরকারনা মশক খংদোক্কদবা মফম অমদা অনৌবা পার্লিয়ামেন্ত বিল্দিং অদুগী মতাংদা খন্ন-নৈনবশিং মপুং ফাহনবা অমসুং ভারতকী গ্রান্ত এসিস্তেন্সকা লোয়ননা প্রোজেক্ত অসি ইমপ্লিমেন্ত তৌনবা ফ্রেমৱার্ক এগ্রিমেন্ত অমা লোইশিনবা; অমসুং

v. গঙ্গা তালাও স্পিরিচুএল সেঙ্কচুয়রী অমুক হন্না শেমগৎনবা খন্ন-নৈনবা লোইশিনবা অমসুং ভারতকী গ্রান্ত এসিস্তেন্সকা লোয়ননা প্রোজেক্ত অসি ইমপ্লিমেন্ত তৌনবা ফ্রেমৱার্ক এগ্রিমেন্ত অমা লোইশিনবা;

vi. মৌরিসিয়স সরকারগী মথৌ তাবশিং অমসুং মরুওইবশিংগী মতুং ইন্না শেমগৎ শাগৎনবা অনৌবা লমশিং থিজিনবা।

হ্যুমেন রিসোর্স দিবেলপমেন্ত অমসুং কেপাসিতী বিল্দিং

১২. ভারতনা মতম পুম্নমক্তা মৌরিসিয়সকী কেপাসিতী বিল্ দিং অমসুং ত্রেনিংগী মথৌ তাবশিংদা মতেং পাংদুনা লাক্লি অমসুং মৌরিসিয়সকী হ্যুমেন রিসোর্স দিবেলপমেন্তকী মথৌ তাবশিংদা ভারতনা কন্সত্রক্তিব ওইবা থৌদাং লৌরি হায়না পল্লদুনা লুচিংবা অনিমক্না মখাদা পীরিবশিংসি পাংথোক্নবা ৱাশক লৌখি:

i. ভারত সরকারগী আই.তি.ই.সি. ফ্রেমৱার্ক অমসুং কাস্তমাইজ তৌরবা ত্রেনিং প্রোগ্রাম অনিমক্কী মখাদা হৌজিক চত্থরিবা কেপাসিতী বিল্ দিং ইনিসিয়েতিবশিং মখা চত্থবা। চহি মঙাগী মতমগী মনুংদা নেস্নেল সেন্তর ফোর গুদ গবর্নান্স ওফ ইন্দিয়াগী খুত্থাংদা মোরিসসকী সিভিল সর্ভেন্ত ৫০০গীদমক্তা কাস্তমাইজ তৌরবা ত্রেনিং প্রোগ্রাম পায়খৎপা।

ii. সিবিল সর্ভিস কোলেজ, ফোরেন্সিক সাইন্স লেবোরেতরী অমসুং নেস্নেল আর্কাইব অমসুং লাইব্রেরীগা ভারতকী মরী লৈনবা প্রিমিয়র ইন্সতিত্যুৎশিংগা লেপ্তনা মতেং পাংনবা অমসুং খ্বাইদগী ফবা থবকশিং শেয়র তৌনবগীদমক ইন্সতিত্যুস্নেল লিঙ্কশিং শেম্বা;

iii. মৌরিসিয়স সরকারগী মথৌ তাবশিংদা মতেং পাংনবা কন্সল্তেন্তশিং অমসুং/নত্ত্রগা তেক্নিকেল এক্সপর্তশিং লেপ্তনা থাগৎপা;

iv. মেমোরেন্দম ওফ অন্দর্স্তেন্দিং (এম.ও.য়ু.) অমগী খুত্থাংদা সুশ্মা স্বরাজ ইন্সতিত্যুৎ ওফ ফোরেন সর্ভিসতা কেপাসিতী বিল্ দিং প্রোগ্রাম অমা ইন্সতিত্যুস্নেল ওইনা শেমগৎতুনা মোরিসিয়ন দিপ্লোমেতশিংগীদমক হৌজিক লৈরিবা ত্রেনিং কোলাবোরেসন অসি হেনগৎহনবা অমসুং মপাঙ্গল কনখৎহনবা; অমসুং

v. মৌরিসিয়সকী মথৌ তাবশিংগী মতুং ইন্না সিভিল, পুলিস, পার্লিয়ামেন্তরী, কস্তম, লিগেল, হেল্থ অমসুং অতোপ্পা লমশিংদা মৌরিসিয়সকী ওফিসিএলশিংগীদমক মখা তানা ত্রেনিং প্রোগ্রামশিং থিজিনবা।

স্পেস অমসুং ক্লাইমেৎ চেঞ্জ

লুচিংবা অনিমক্না হৌজিক চত্থরিবা স্পেস কোওপরেসন অসিনা লৈবাক অনিমক্তা য়াম্না কান্নবা ফংহল্লে অমসুং মসিনা মৌরিসিয়সকা লৈনরিবা অখন্নবা মরীদা ভারতনা মরুওইবা থম্লিবা অসি উৎলি হায়না য়ানখি। মৌরিসিয়সকী প্রধান মন্ত্রীনা মৌরিসিয়সকীদমক সেতেলাইত অমা পুন্না শেমগৎপদা ভারত সরকারনা মতেং পাংবগীদমক মহাক্কী থাগৎপা ফোংদোকখি অমসুং মসিগী তেংবাং অসি মৌরিসিয়সকী চাউখৎ থৌরাংগী খোঙচৎতা ভারতনা লেপ্পা লৈতনা মতেং পাংবগী খুদম অমনি হায়না য়াখি। স্পেস দোমেনদা মতেং পীনবা হেন্না চেৎশিলহন্নবা মখোয়না মখাদা পীরিবসি য়ানখি:

i. ইন্দিয়ন স্পেস রিসর্স ওর্গনাইজেসনদা মৌরিসিয়সকী সাইন্তিস্তশিং অমসুং এক্সপর্তশিংগী ত্রেনিং য়াওনা ইন্দিয়া-মৌরিসিয়স সেতেলাইত মায় পাক্না শেমগৎনবা অমসুং থাগৎনবা থবক পায়খৎপা।

ii. তোঙান-তোঙানবা মতমগী স্কেলশিংদা ৱেদর অমসুং ক্লাইমেৎ প্রোব্লেক্সন সিস্তেম, ৱেব রাইদর বোয়শিং অমসুং মল্তি-হারদ ইমর্জেন্সী সিস্তেম অসি মৌরিসিয়সতা রেসিলিয়েন্ত দিজাস্তর প্রিপারেন্স অমসুং রেস্পোন্স সিস্তেম অমা শেমগৎপদা মতেং পাংনবা ইমপ্লিমেন্ত তৌবা;

iii. মৌরিসিয়সতা লৈবা ইসরোগী তেলেমেত্রী অমসুং ত্রেকিং সেন্তরদা ইসরো অমসুং মৌরিসিয়স রিসর্স অমসুং ইন্নোবেসন কাউন্সিল (এম.আর.আই.সি.) গী মরক্তা হৌজিক চৎথরিবা তেংবাং পীনবা নৌনা হৌদোকপা; অমসুং

iv. মহাকাশ অমসুং ক্লাইমেৎ চেঞ্জগী লমদা মৌরিসিয়সকী মথৌ তাবশিং ফংহন্নবা অমসুং মসিগা মরী লৈনবা কেপাসিতী বিল্দিং সপোর্ত ফংহন্নবা মতেং পীনবগী অনৌবা লম্বীশিং থিজিনবা; অমসুং

v. ভারত সরকারনা দিবেলপমেন্ত পার্তনরশিপ প্রোজেক্ত অমগীদমক থম্লিবা ৱাফম অদু মখা তানা পায়খৎকনি। মসিগী পান্দমদি মওরিসিয়সনা এক্সত্রিম ৱেদর ইভেন্তশিং য়েংশিনবা অমসুং ক্লাইমেৎ ইম্পেক্তপু কান্নবা মওংদা নৈনবগীদমক আর্থ ওবজর্বেসন এপ্লিকেসন অমসুং ইন্তরেক্তিব কম্প্যুতিং ফ্রেমৱার্ক অমা শীজিন্নবনি। মসিগী থবক অসি ইন্দিয়ন স্পেস রিসর্স ওর্গনাইজেসন (আইএসআরও) অমসুং ক্বাদকী মখাদা আর্থ সাইন্স মন্ত্রালয় (এম.ও.ই.এস.) না পায়খৎকনি।

হেল্থ অমসুং এজুকেসন কোওপরেসন

হেল্থ অমসুং এজুকেসনেল ইনফ্রাস্ত্রকচর শেমগৎপদা ভারতনা মতেং পাংলি হায়না পল্লদুনা, মসিগী হেল্থকা মরী লৈনবা দি.পি.আই.শিং অমসুং প্লেৎফোর্মশিং লৌখৎপা অমসুং শিজিন্নবদা মতেং পাংলিবা অমসুং মৌরিসিয়সকী চাউখৎ থৌরাংদা মসিগী পোজিতিব ওইবা মতেং পাংলিবা অদু পল্লদুনা লুচিংবা অনিমক্না মৌরিসিয়সকী মীয়ামদা ক্বালিতী লৈবা, শেল চঙদবা অমসুং খুদোংচাবা লৈবা হেল্থ কেয়র বেনিফিৎশিং ফংহন্নবা মখোয়গী ফিরেপ অদু অমুক হন্না ফোংদোকখি। মখোয়না মওরিসিয়সতা ভারতনা অহানবা জন ঔশধী কেন্দ্র হৌদোকপগীদমক থাগৎপা ফোংদোকখি অমসুং ইনিসিয়েতিব অসি মওরিসিয়সকী তোঙান তোঙানবা মফমশিংদা পাকথোক চাউথোকহন্নবা য়ানখি।

দ্রগ শিজিন্নবগী চাং হেনগৎলকপা অমসুং মসিগা মরী লৈনবা খুন্নাইগী ওইবা ৱাফমশিংগী মতুং ইন্না মৌরিসিয়সনা মায়োক্নরিবা শিংনবশিং অদু পল্লদুনা লুচিংবশিংনা দ্রগ শিজিন্নবগী চাং হন্থহনবা অমসুং রিহেবিলিতেসনগী মতাংদা এক্সপর্সিতী শেয়র তৌনবা পুন্না থবক তৌমিন্ননবা অমসুং ভারতকী নারকোতিক্স কন্ত্রোল ব্যুরোগী এক্সপর্সিতী অমসুং সপোর্ত য়াওনা নেস্নেল দ্রগ পোলিসী, মোনিতরিং অমসুং কোওর্দিনেসন এজেন্সীগা নক্না থবক তৌমিন্ননবা য়ানখি।

হকশেলগী লমদা হৌজিক চত্থরিবা তেংবাং পীনবা অসি খুমাং চাউশিলহন্দুনা লুচিংবা অনিনা মৌরিসিয়সতা দিজিতেল হেল্থ ওফিস সিস্তেম মতম চানা ইমপ্লিমেন্ত তৌনবা পুন্না থবক তৌমিন্ননবা য়ানখি। মৌরিসিয়সতা হেল্থ কেয়র সর্বিসশিং দিজিতেল তৌনবা মৌরিসিয়স সরকারনা হোৎনরিবা অসিদা মতেং পাংনবা ভারতকী স্পেসিয়েলিস্ত অমা দিপুতেৎ তৌখি।

লুচিংবশিংনা আয়ুশতা মতেং পীনবগী মরুওইবা অদুসু পনখি। মৌরিসিয়সতা আয়ুশ সেন্তর ওফ এক্সিলেন্স অমা লিংখৎনবগীদমক ভারতনা মতেং পীরকপগীদমক মৌরিসিয়সকী প্রধান মন্ত্রীনা থাগৎপা ফোংদোকখি। মসিগী এম্বিসিয়স প্রোজেক্ত অসি মপুং ফাহন্নবগীদমক ভারতনা মখা তানা মতেং পাংগনি হায়না মহাক্না থাজবা ফোংদোকখি। ভারত্তা লায়েংলিবা মৌরিসিয়সকী অনাবশিংদা ভারতনা পীরিবা খুদোংচাবশিংগীদমক মৌরিসিয়সকী প্রধান মন্ত্রীনা ভারতকী প্রধান মন্ত্রীদা থাগৎপা ফোংদোকখি।

লুচিংবশিংনা নেস্নেল কাউন্সিল ফোর এজুকেস্নেল রিসর্স এন্দ ত্রেনিং (এন.সি.ই.আর.তি.) অমসুং মোরিসসকী হায়র এজুকেসন মিনিস্ত্রীগী মরক্তা স্কুল এজুকেসনগী করিকুলম শেমগৎপদা এক্সপর্সিতী শেয়র তৌনবগী মতাংদা চত্থরিবা খন্ন-নৈনবশিংবু তরাম্না ওকখি অমসুং অসিগুম্বা কোওপরেসন ইনিসিয়েতিবশিংনা লৈবাক অনিগী মরক্তা মরী হেন্না চেৎশিলহন্নবা অমসুং স্কুল এজুকেসনগী লমদা ইন্সতিত্যুস্নেল লিঙ্কশিং মপাঙ্গল কনখৎহন্নবা হোৎনগনি হায়না য়ানখি। মখোয়না নেস্নেল সাইন্স অমসুং তেক্নোলোজী স্ত্রেতেজী ইমপ্লিমেন্ত তৌনবা রোদমেপ অমা শেম্বা অমসুং মৌরিসিয়সতা সাইন্স অমসুং তেক্নোলোজীগী দাইরেক্তোরেৎ অমা লিংখৎনবা হোৎনবদা মতেং পাংনবা য়াওনা ভারত অমসুং মৌরিসিয়সকী সাইন্স অমসুং তেক্নোলোজী কোওপরেসন মপাঙ্গল কনখৎহন্নবা য়ানখি।

ইকোনোমিক অমসুং ত্রেদ কোওপরেসন

কম্প্রিহেন্সিব ইকোনোমিক কোওপরেসন এন্দ পার্তনরশিপ এগ্রীমেন্ত (সি.ই.সি.পি.এ.) গী ৱারোইশিন, অফ্রিকা লমদমগী লৈবাক অমগা লোয়ননা ভারতকী অহানবা ত্রেদ এগ্রীমেন্ত অসি লৈবাক অনিগী ইকোনোমিক অমসুং ত্রেদ রিলেসনশিপকী মরুওইবা মাইলস্তোন অমা ওইরি হায়না শকখঙলদুনা লুচিংবশিংনা মৌরিসিয়স অমসুং ভারতকী শেন্মিৎলোন চাউখৎপা অমসুং চাউখৎপগী অপুনবা পান্দমগীদমক নাকল অনিগী ওইবা ত্রেদকী অপুনবা পোতেন্সিএল শীজিন্নবগী তঙাই ফদবা অদু পনখি। মওরিসিয়সকী লোকেসনেল এদভান্তেজ অমসুং কলচরেল লিঙ্কেজ, অতোপ্পা ৱাফমশিংগী মরক্তা, আফ্রিকাগী কন্তিনেন্তেল ফ্রী ত্রেদ এরিয়া (এফ.সি.এফ.তি.এ.) গী শরুক অমা ওইরিবা অসি পল্লদুনা, মওরিসিয়সকী প্রধান মন্ত্রীনা ভারতকী কম্পেনীশিং অমসুং বিজিনেসশিংনা মওরিসিয়স অসি অফ্রিকাগা লোয়ননা ভারতকী এঙ্গেজমেন্তশিংগী গেৎৱে অমা ওইনা উবা অমসুং অফ্রিকাদা পীরিবা ত্রেদ অমসুং বিজিনেসকী খুদোংচাবশিংদগী কান্নবা লৌবগী তঙাই ফদবা অদু পনখি।

লৈবাক অনিগী মরক্তা ললোন-ইতিক অমসুং কম্মর্সিএল লিঙ্কশিং অসি দাইভর্সিফাই তৌনবা মখোয়গী অচেৎপা ফিরেপ অমুক হন্না ফোংদোক্লদুনা লুচিংবশিংনা মখাদা পীরিবশিং অসিদা য়ানখি:

i. লৈবাক অনিগী মরক্তা ত্রেদ, ইকোনোমিক কোওপরেসন অমসুং পার্তনরশিপ মখা তানা মপাঙ্গল কনখৎহন্নবা সি.ই.সি.সি.পি.এ.গী মখাদা হাই পৱার জোইন্ত ত্রেদ কম্মিতীগী অনিশুবা মীফম পাংথোকপা;

ii. পার্তনর সেন্ত্রেল বেঙ্কশিংনা লোকেল করেন্সি সেতলমেন্তকী মতাংদা মেমোরেন্দম অমা খুৎয়েক পীনবগী মতুং ইন্না, লৈবাক অনিগী ত্রেদকী রিস্ক হন্থহন্নবা থবক পায়খৎকদবা ভারতকী রুপি অমসুং মৌরিসিয়ন রুপিদা ললোন-ইতিক্কী সেতলমেন্ত লাইথোকহনবা।

iii. হৌজিক চত্থরিবা খন্ন-নৈনবশিং লোইরবা মতুংদা, ত্রেৎকী লান্না শীজিন্নবগী মতাংদা ইন্তর্নেস্নেল স্তেন্দর্দশিংগা চান্নহন্নবা দবল তেক্সেসন এভোইদ তৌনবা এগ্রীমেন্ত শেমদোক-শাদোকপগী প্রোতোকোল অদু অথুবা মতমদা রেতিফাই তৌনবা; অমসুং

iv. মহাসাগরগী শেন্মিৎলোন, ফার্মাসিউটিকলস, আই.তি. অমসুং ফিনতেক অসিনচিংবা অতোপ্পা সেক্তরশিংদা ইনবেস্তমেন্তশিং প্রমোৎ তৌদুনা মওরিসিয়সকী শেন্মিৎলোনবু মতম শাংনা অমসুং তুং কোইনা চাউখৎহন্নবগীদমক মখল কয়াগী শেন্মিৎলোন পুথোকপদা মতেং পাংবা।

দিজিতেল কোওপরেসন

মীওই কয়াদা মীৎয়েং চঙবা দিজিতেলাইজেসনগী খোংথাং কয়া পায়খৎপদা ভারতনা মায় পাকপা অমসুং লৈঙাক অমসুং সর্বিস দেলিভরীদা মখোয়না পীরিবা পোজিতিব ইম্পেক্ত অদু পল্লদুনা, মৌরিসিয়সকী প্রধান মন্ত্রীনা সেক্তর কয়াদা দিজিতেলাইজেসনগী খোঙথাং অসিদা মৌরিসিয়স সরকারদা ভারতনা মতেং পাংনবা হায়খি। পান্দম অসিগী মতুং ইন্না লুচিংবশিংনা মখাদা পীরিবশিং অসিদা য়ানখি:

i.  মহাত্মা গান্ধী ইন্সতিত্যুৎতা ই-জুদিসিয়রী সিস্তেম ইমপ্লিমেন্ত তৌবা অমসুং আর্কাইব অমসুং রেকোর্দশিং দিজিতেলাইজ তৌবা;

ii. সাইবর সেক্যুরিতী, দিজিতেল পব্লিক ইনফ্রাস্ত্রকচর অমসুং মসিগা মরি লৈনবা কেপাসিতী বিল্দিং য়াওনা আই.সি.তি.গী লমদা মতেং পীনবা হেনগৎহনবা; অমসুং

iii. মৌরিসিয়সকী মথৌ তাবশিংগী মতুং ইন্না পি.এম. গতী শক্তি দিজিতেল প্লেৎফোর্মগুম্বা ভারতনা শেমগৎপা মায় পাক্লবা দিজিতেল তুলশিং ইমপ্লিমেন্ত তৌবগী মতাংদা থিজিনবা।

দিফেন্স অমসুং মেরিতাইম সেক্যুরিতী কোওপরেসন

দিফেন্স অমসুং মেরিতাইম সেক্যুরিতী কোওপরেসন অসি নাকল অনিগী মরীশিংগী মরুওইবা য়ুম্বী অমা ওইরি অমসুং লম অসিদা নক্নবা কোওপরেসন অসিনা স্ত্রেতেজিক দিমেন্সন অমা ফংলে অমসুং লৈবাক অনিমক্তা য়াম্না কান্নবা ফংলে হায়না লুচিংবা অনিনা পনখি। মখোয়না মখা তানা য়ানখি মদুদি মৌরিসিয়স অমসুং ভারতনা ইন্দিয়ন ওসিন রিজনদা নীংতম্বা, থোঙ হাংবা, সেফ অমসুং সেক্যুর অমা লৈহন্নবা পুন্না হোৎনমিন্নরি। মখোয়না লমদম অসিদা মহৌশাগী ওইবা পার্তনরশিংনি। মখোয়না মেরিতাইম চেলেঞ্জশিং থেংননবা অমসুং লমদম অসিদা স্ত্রেতেজিক ওইবা ইন্তরেস্তশিং ঙাকথোক্নবা পুন্না থবক তৌমিন্ননবা মখোয়গী ৱারেপ অদু অমুক হন্না ফোংদোকখি।

দিফেন্স অমসুং মেরিতাইম এসেতশিং পীনবা, জহাজশিং অমসুং এয়রক্রাফশিং চাং নাইনা থাগৎপা, অপুনবা মেরিতাইম সর্ভিলেন্স, হায়দ্রোগ্রাফিক সর্ভে অমসুং পেত্রোলিং, বাইলেতরেল এক্সরসাইজ অমসুং ইনফোর্মেসন শেয়র তৌবা অমসুং ত্রেনিং সপোর্তকী খুত্থাংদা মেরিতাইসকী পাক চাউরবা এক্সক্লুসিব ইকোনোমিক জোন ঙাক শেন্নবা ভারতনা লেপ্পা লৈতনা মতেং পাংলিবা অসিগীদমক মৌরিসিয়সকী প্রধান মন্ত্রীনা ভারতকী থাগৎপা ফোংদোকখি।

মৌরিসিয়সকী প্রধান মন্ত্রীনা কোস্ত গার্দ শিপ ভিক্তরী, ভেলিয়েন্ত অমসুং বারাকুদা, গ্রান্ত বেসিসতা নৌনা শেমগৎ শাগৎপদা ভারতনা লেপ্তনা মতেং পাংলিবা অদুগীদমক থাগৎপা ফোংদোকখি। ভারতকী প্রধান মন্ত্রীনা হায়খি মদুদি মোরিসস অসি ভারতকী অখন্নবা মেরিতাইম পার্তনর অমনি অমসুং ভারতকী ভিজন সাগরগী মখাদা মরুওইবা পার্তনর অমনি। লমদম অসিদা ঐখোয়গী অপুনবা পান্দমশিং অসি য়েংলগা, ভারতকী প্রধান মন্ত্রীনা মৌরিসিয়সকী ঙাকশেল অমসুং ঙাকশেলগী মথৌ তাবশিং হেনগৎহনবদা ভারতনা মখা তানা মতেং পাংগনি হায়না অমুক হন্না ফোংদোকখি।

লমদম অসিদা হেনগৎলক্লিবা খুদোংচাদবশিং অমসুং শিংনবশিং থেংননবা মখোয়গী অপুনবা অপাম্বা অদু অমুক হন্না ফোংদোক্লদুনা লুচিংবশিংনা মখাগীশিং অসি পাংথোক্নবা ৱারেপ লৌখি:

i.  মৌরিসিয়সকী মথৌ তাবশিং অমসুং মরুওইবশিংগী মতুং ইন্না দিফেন্স অমসুং মেরিতাইম এসেতশিং অমসুং ইক্বিপমেন্ত পীনবগী মতাংদা মতেং পাংনবা মখা চত্থবা।

ii. মেরিতাইম সর্ভিলেন্স অমসুং হায়দ্রোগ্রাফী সর্ভেজ তৌনবা পুন্না শিপ অমসুং এয়রক্রাফী থাদোকপা হেনগৎহন্দুনা মেরিতাইম কোওপরেসন হেঙ্গৎহনবা।

iii. অগালেগাদা নৌনা শাবা রনৱে অমসুং জেৎপু হেন্না শীজিন্নবগী খুত্থাংদা মৌরিসিয়সকী ই.ই.জে.দ. ঙাকথোক্নবা মতেং পীনবা হেনগৎহনবা।

iv. মেরিতাইম দোমেনগী এৱারনেস হেনগৎহন্নবা নেস্নেল মেরিতাইম ইনফোর্মেসন শেয়রিং সেন্তর লিংখৎপদা মতেং পাংগনি;

v. মোরিতস পোর্ত ওথোরিতীদা মেরিন ওপরেসনশিং অমসুং মেরিন ইঞ্জিনীয়রিং, পোর্ত সেফতী এনভাইরনমেন্ত, পোর্ত ইমর্জেন্সী অমসুং পোর্ত সেক্যুরিতীগী লমশিংদা এক্সপরিসন্স পীদুনা মতেং পাংমিন্নবা; অমসুং

ভি. মৌরিসিয়স পুলিস ফোর্সকী হেনগৎলক্লিবা মথৌ তাবশিং ফংহন্নবা মশাগী ওইবা ত্রেনিং প্রোগ্রাম অমসুং কেপাসিতী বিল্ দিং ইনিসিয়েতিবশিং পাংথোকপা।

রিজনেল অমসুং মলতিলেতরেল কোওপরেসন

লুচিংবা অনিনা চাওগোস ইথৎশিংদা মৌরিসিয়স অমসুং য়ুনাইতেদ কিংদমগী মরক্তা হৌজিক চত্থরিবা খন্ন-নৈনবশিংবু তরাম্না ওকখি। ভারতকী প্রধান মন্ত্রীনা চাগোস ইসুগী মতাংদা মৌরিসিয়সতা ভারতনা অচেৎপা মতেং পাংলি হায়না অমুক হন্না ফোংদোকখি। মৌরিসিয়সকী প্রধান মন্ত্রীনা ইন্দিয়াগী প্রধান মন্ত্রীবু ইসু অসিগী মতাংদা মালেমগী লুচিংবশিংগা ৱারী শানবগীদমক থাগৎপা ফোংদোকখি।

লুচিংবা অনিনা রিজনেল অমসুং মল্তিলেতরেল ফ্রেমৱার্কশিংগী মখাদা, মরু ওইনা ইন্দিয়ন ওসিন রিম এসোসিয়েসন (আই.ও.আর.এ.), কলম্বো সেক্যুরিতী কনক্লেব, গ্লোবেল বাইওফ্যুএলস এলাইন্স, ইন্তরনেস্নেল সোলর এলাইন্স, অমসুং কোলিসন ফোর দিজাস্তর রেসিলিয়েন্ত ইনফ্রাস্ত্রকচরগী খুত্থাংদা মতেং পীননবা য়ানখি। কোলম্বো সিক্যুরিতী কনক্লেবকী ফাউন্দিং দোক্যুমেন্তশিংদা খুৎয়েক পীনখিবা অমসুং ২০২৫-২৬ ফাওবগী মতমগীদমক ভারতনা আই.ও.আর.এ.গী চেয়র লৌখিবা অদু মখোয়না তরাম্না ওকখি অমসুং মেরিতাইম সেক্যুরিতীদা মতেং পীনবা অমসুং ইন্দিয়ন ওসিন রিজনদা লৈরিবা অপুনবা শিংনবশিং কোকহন্নবা রিজনেল মেকানিজমশিং অসিগী মরুওইবা অদু মখোয়না ফোংদোকখি।

কলচরেল অমসুং পিপল-তু-পিপল বোন্দশিং

কলচরেল হেরিতেজ, হিস্তোরিক বোন্দশিং অমসুং মীয়ামগী মরক্তা লৈনরিবা মরীশিং অসিনা মৌরিসিয়স-ভারতকী অখন্নবা মরীশিংগী য়ুম্ফম ওইরি হায়না পল্লদুনা লুচিংবশিংনা লৈবাক অনিগী মরক্তা লৈনরিবা মরুপ-মপাং ওইবগী মরী অসি হেন্না চেৎশিলহন্নবা য়ানখি। মতাং অসিদা মখোয়না য়ানখি মদুদি:

i.  নেস্নেল আর্কাইব ওফ ইন্দিয়াগী খুত্থাংদা অখন্নবা ত্রেনিং অমসুং ইন্সতিত্যুস্নেল সপোর্তকী খুত্থাংদা ভারতকী কন্ত্রেক্ত তৌরবা শিন্মীশিংগী দোকুমেন্ত তৌরবা রেকোর্দশিং ঙাক-শেন্দুনা থম্নবা মহাত্মা গান্ধী ইন্সতিত্যুৎতা মতেং পীবা;

ii. নো ইন্দিয়া প্রোগ্রাম, কনেক্তিং রুতস, প্রভাসী ভারতী দিবস অমসুং স্কোলারশিপকী খুত্থাংদা দাইএস্পোরাগী থৌদাং মপাঙ্গল কনখৎহনবা অমসুং গিরমিত্যগী লিগেসিগা মরী লৈনবা রিসর্চ অমসুং মীয়ামগা মীয়ামগা লৈনরিবা মরী মপাঙ্গল কনখৎহনবদা মখোয়গী থৌদাং দোকুমেন্ত তৌবদা মতেং পাংবা।

iii. ভারতকী চার ধাম অমসুং রামায়ন ত্রেল অমসুং অরিবা ধমগী লাইনিং লাইশোনগী মফমশিংদা চৎতুনা তুরিজম অমসুং কলচরেল একচেঞ্জ প্রমোৎ তৌবা; অমসুং

iv. মৌরিসিয়স অমসুং ভারতকী মরক্তা লেবর মোবিলিতীগী খুদোংচাবা ফংহন্নবা লেবর রিক্রুতমেন্তকী এম.ও.য়ু.

লুচিংবশিংনা নাকল অনিগী মরীশিংগী মতাংদা মখোয়না পাক শন্না খন্ন-নৈনখিবা অদুদা নুংঙাইবা ফোংদোকখি অমসুং মখোয়গী অখন্নবা অমসুং নক্নবা নাকল অনিগী ওইবা পার্তনরশিপ অসিনা মরুওইবা স্ত্রেতেজিক ওইবা অচেৎপা অমা ফংলে হায়না য়ানখি। মখোয়না মখা তানা পনখি মদুদি দিবেলপমেন্ত পার্তনরশিপ, দিফেন্স অমসুং মেরিতাইম সেক্যুরিতী অমসুং মীয়ামগী মরক্তা লৈনরিবা মরীশিংদা মোরিসস-ইন্দিয়াগী বাইলেতরেল পার্তনরশিপ অসি কোওপরেসনগী মশক থোকপা খুদম অমনি অমসুং লমদম অসিদা বাইলেতরেল পার্তনরশিপকী স্তেন্দর্দ অমা শেম্লি। লুচিংবা অনিনা মৌরিসিয়সকী চাউখৎ-থৌরাংগী মথৌ তাবশিং ফংহন্নবা অমসুং লমদম অসিদা মান্নবা পান্দমশিং ফংনবা হোৎনবদা মতেং পাংনবা, ম্যুচ্যুএল ওইনা কান্নগদবা, হেন্না ফবা স্ত্রাতেজিক পার্তনরশিপ অমা ওইহন্নবগীদমক মরী অসি হেন্না মপাঙ্গল কনখৎহন্নবগীদমক মখা তানা লমজিং-লমতাক পীবদা য়ানখি।

মৌরিসিয়সকী প্রধান মন্ত্রীনা মৌরিসিয়সকী নীংতম্বা চহি ৫৭শুবা অমসুং মৌরিসিয়স রিপব্লিক্কী চহি ৩৩শুবা নুমিৎতা পাংথোকপা নেস্নেল দেগী থৌরমদা অথোইবা মীথুংলেন ওইনা শরুক য়াবগীদমক ভারতকী প্রধান মন্ত্রীদা থাগৎপা ফোংদোকখি।

মৌরিসিয়সকী প্রধান মন্ত্রীনা মৌরিসিয়সকী নীংতম্বা চহি ৫৭শুবা অমসুং মৌরিসিয়স রিপব্লিক্কী চহি ৩৩শুবা নুমিৎতা পাংথোকপা নেস্নেল দেগী থৌরমদা অথোইবা মীথুংলেন ওইনা শরুক য়াবগীদমক ভারতকী প্রধান মন্ত্রীদা থাগৎপা ফোংদোকখি।

ভারতকী প্রধান মন্ত্রীনা মৌরিসিয়সকী প্রধান মন্ত্রীবু মহাক্কী খুদোংচাবা মতুং ইন্না অথুবা মতমদা ভারত্তা ওফিসিয়েল ওইবা খোংচৎ অমদা লাক্নবা কৌখি।

***