প্রধান মন্ত্রী শ্রী নরেন্দ্র মোদীনা ঙসি ভিদিও কনফরেন্সকী থোংদা বজেৎকী মতুংদা পাংথোক্কদৌরিবা এমপ্লোইমেন্তকী ৱেবিনারদা ৱা ঙাংখ্রে। মীয়াম তিনখিবা থৌরম অদুদা ৱা ঙাংলদুনা মহাক্না ৱেবিনার অসিগী থিম, "ইনভেস্তিং ইন পিপল, ইকোনোমী এন্দ ইন্নোবেসন"গী মরুওইবা পনখি। মহাক্না হায়খি মদুদি চহি অসিগী বজেৎ অসিনা থীম অসিবু পাক-শন্না উৎলি অমসুং মসিনা ভারতকী তুংলমচৎকী ব্লুপ্রিন্ট অমা ওইনা মথৌ তৌরি। ইনফ্রাস্ত্রকচর, ইন্দস্ত্রীজ, পিপল, ইকোনোমী অমসুং ইনোবেসনগী লমদা ইনবেস্তমেন্তশিং অসি চপ মান্ননা মরুওইনা লৌরি হায়না মহাক্না অকনবা ৱাফম থমখি। লৈবাক অসিগী চাউখৎ-থৌরাংগীদমক কেপাসিতী বিল্ দিং অমসুং তেলেন্ত নোর্ৎসিং অসি য়ুম্ফম ওই হায়বা ৱাফম থম্লদুনা শ্রী মোদীনা স্তেকহোল্দর পুম্নমক্তা চাউখৎ-থৌরাংগী মথংগী তাঙ্কক্না মথৌ তাবা লমশিং অসিদা হেন্না ইনবেস্ত তৌনবা তকশিনখি। মসিনা লৈবাক অসিগী শেন্মিৎলোনগী মায় পাকপা অমসুং ওর্গনাইজেসন খুদিংমক্কী মায় পাকপগী য়ুম্ফম ওইরি হায়না মহাক্না অকনবা ৱাফম থমখি।

শ্রী মোদীনা হায়খি, "মীয়ামদা ইনভেস্ত তৌবগী মঙলান অসি য়ুম্বী অহুমদা য়ুম্ফম ওই: এজুকেসন, স্কিল অমসুং হেল্থকেয়র।" মহাক্না হায়খি মদুদি ভারতকী এজুকেসন সিস্তেম অসি দিকেদ কয়াগী মতুংদা মশক থোকপা অহোংবা লাক্লি। মহাক্না নেস্নেল এজুকেসন পোলিসী, আই.আই.তি.শিং পাকথোক চাউথোকহনবা, এজুকেসন সিস্তেমদা তেক্নোলোজী পুন্সিনবা অমসুং এ.আই.গী মপুং ফাবা পোতেন্সিএল শিজিন্নবা অসিগুম্বা মরুওইবা খোংথাংশিং অদু পনখি। লাইরিক-লাইশুগী লাইরিকশিং দিজিতেলাইজ তৌবা অমসুং ভারতকী লোল ২২দা লর্নিং মেতিরিএলশিং ফংহনবা অসিগুম্বা হোৎনরিবশিং অদু পল্লদুনা প্রধান মন্ত্রীনা হায়খি, "মসিগুম্বা মিসন মোদকী হোৎনরিবশিং অসিনা ভারতকী এজুকেসন সিস্তেম অসি ২১শুবা চহিচাগী মালেমগী মথৌ তাবশিং অমসুং পেরামিতরশিংগা মান্নবা ঙমহল্লে।"

২০১৪দগী হৌনা সরকারনা নহা কোতি অহুম হেনবদা স্কিল ত্রেনিং পীখ্রে হায়না পল্লদুনা প্রধান মন্ত্রীনা আই.তি.আই. ১০০০গী থাক ৱাংখৎহনখিবা অমসুং সেন্তর ওফ এক্সিলেন্স ৫ লিংখৎপগী মতাংদা পনখি। মহাক্না ইন্দস্ত্রীশিংগী তঙাইফদবশিং অদুগা চুনবা ত্রেনিংগা লোইননা নহাশিংবু মপুং ফাহন্নবগী পান্দমদা মরুওইবা পীখি। মালেমগী এক্সপর্তশিংগী মতেংগা লোইননা, ভারতকী নহারোলশিংনা মালেমগী থাক্তা চাংদম্নবা ঙম্নবা হোৎনরি হায়না মহাক্না ফোংদোকখি। শ্রী মোদীনা থৌরাংশিং অসিদা ইন্দস্ত্রী অমসুং একাদেমিয়াগী মরুওইবা থৌদাং অদু পনখি। মহাক্না ইন্দস্ত্রী অমসুং এজুকেস্নেল ইন্সতিত্যুসনশিংদা অমনা অমগী মথৌ তাবশিং খঙমিন্নবা অমসুং মপুং ফাহনবা, নহাশিংদা য়াম্না থুনা হোংলক্লিবা মালেম অসিদা খোংজেল য়াংশিনবা, এক্সপোজর ফংহনবা অমসুং প্রেক্তিকেল লর্নিংগীদমক প্লেৎফোর্মশিং ফংহন্নবা হায়খি। নহারোলশিংদা অনৌবা খুদোংচাবা অমসুং প্রেক্তিকেল স্কিলশিং ফংহন্নবা প্রধান মন্ত্রী-ইন্তর্নশিপ স্কিম হৌদোকখিবগী মতাংদা পল্লদুনা, মহাক্না খোংথাং অসিদা থাক খুদিংমক্তা ইন্দস্ত্রীগী শরুক য়াবা হেনগৎহনবগী মরুওইবা অদু পনখি।

মেদিকেল ফীল্দগী মতাংদা পল্লদুনা শ্রী মোদীনা হায়খি মদুদি বজেৎ অসিদা অনৌবা মেদিকেল সিৎ ১০,০০০ হাপচিনখ্রে অমসুং মথংগী চহি মঙাদা মেদিকেল ফীল্দদা সিৎ ৭৫,০০০ হাপচিনবগী পান্দম থম্লে। মহাক্না প্রাইমরী হেল্থ সেন্তর পুম্নমক্তা তেলিমেদিসিন ফেসিলিতীশিং পাকথোক চাউথোকহনবগী মতাংদা পনখি। দে কেয়র কেন্সর সেন্তরশিং লিংখৎপা অমসুং দিজিতেল হেল্থকেয়র ইনফ্রাস্ত্রকচর শেমগৎপা অসি ক্বালিতী হেল্থকেয়র অসি অরোইবা মাইল ফাওবা য়ৌহন্নবা মহাক্না অকনবা ৱাফম থমখি। মহাক্না হায়খি মদুদি খোঙথাংশিং অসিনা মীয়ামগী পুন্সিদা অহোংবা পুরকপা ঙমগনি। প্রধান মন্ত্রীনা হায়খি মদুদি হোৎনরিবশিং অসিনা নহারোলশিংগীদমক অনৌবা থবক পীবগী খুদোংচাবা কয়া অমা লৈহল্লগনি। মহাক্না স্তেকহোল্দরশিংদা হায়খি মদুদি মসিগী খোঙথাংশিং অসি থবক ওইনা পাংথোক্নবগীদমক অথুবা মতমদা থবক পায়খৎপীয়ু, মসিনা বজেৎকী লাউথোকশিংগী কান্নবশিং অসি মীওই মশিং য়াম্বদা য়ৌহনগনি।

হৌখিবা চহী তরা অসিদা, শেন্মিৎলোনদা থাদখিবা শেনফম অসি তুংলমচৎকী মিৎয়েংনা লমজিংখি হায়না পল্লদুনা, প্রধান মন্ত্রীনা হায়খি মদুদি ২০৪৭ ফাওবদা, ভারতকী শহরগী মীশিং অসি চাউরাক্না করোর ৯০ য়ৌগনি হায়না পানরি, মসিনা প্লান তৌরবা অর্বানাইজেসন মথৌ তাই। মহাক্না গবর্নান্স, ইনফ্রাস্ত্রকচর অমসুং ফাইনান্সিএল সস্তেনেবিলিতীদা মীৎয়েং থমদুনা লুপা করোর লাখ ১গী অর্বান চেলেঞ্জ ফন্দ লিংখৎনবা খোংথাং অমা হৌদোকখ্রে। প্রধান মন্ত্রীনা হায়খি, "ভারতকী শহরশিং অসি সস্তেনেবল অর্বান মোবিলিতী, দিজিতেল ইন্তিগ্রেসন, অমসুং ক্লাইমেৎ রেসিলিয়েন্সী প্লানশিংগীদমক শকখঙগনি।" মহাক্না প্রাইবেৎ সেক্তর, মরুওইনা রিয়েল ইস্তেৎ অমসুং ইন্দস্ত্রীএল সেক্তরশিংদা, প্লান তৌরবা অর্বানাইজেসনবু অখন্ননা অমসুং খুমাং চাওশিলহন্নবা তকশিনখি। অম্রুত ২.০ অমসুং জল জীবন মিসনগুম্বা খোংথাংশিং মখা তানা পায়খৎনবা পুন্না হোৎনমিন্নবগী মরুওইবা অদুসু মহাক্না ফোংদোকখি।

ইকোনোমীদা ইনভেস্তমেন্ত তৌবগী মতাংদা খন্ন-নৈনবদা তুরিজম সেক্তরগী পোতেন্সিএলদা মীৎয়েং চংবা মথৌ তাবগী মতাংদা পল্লদুনা শ্রী মোদীনা হায়খি মদুদি তুরিজম সেক্তরদা ভারতকী জি.দি.পি.গী ১০% ফাওবা কন্ত্রিব্যুৎ পীনবা অমসুং নহারোল কোতি কয়াগীদমক থবক ফংহন্নবগী খুদোংচাবা লৈ। মহাক্না দোমেস্তিক অমসুং ইন্তর্নেস্নেল তুরিজম প্রমোৎ তৌনবা বজেৎ অসিদা পায়খৎলিবা খোংথাং কয়াগী মতাংদা পনখি। লৈবাক শিনবা থুংনা তুরিজমদা মীৎয়েং থমদুনা মফম ৫০ শেমগৎকনি হায়না প্রধান মন্ত্রীনা হায়খি। মহাক্না মখা তাখি মদুদি মফমশিং অসিদা হোতেলশিংদা ইনফ্রাস্ত্রকচরগী থাক ৱাখৎহনবনা তুরিজমদা খুদোংচাবা ফংহল্লগনি অমসুং লোকেল ইমপ্লোয়মেন্ত হেনগৎহল্লগনি। হোমস্তেশিংদা মতেং পাংনবা মুদ্রা য়োজনা পাকথোক চাউথোকহনবগী মতাংদা পল্লদুনা শ্রী মোদীনা 'হিল ইন ইন্দিয়া' অমসুং 'লেন্দ ওফ বুদ্ধ'গুম্বা থৌরাংশিং অসি মালেমগী তুরিস্তশিংবু পুক্নিং চিংশিন্নবা হোৎনগনি হায়নসু ফোঙদোকখি। ভারতপু মালেমগী তুরিজম অমসুং ৱেলনেস হাব অমা ওইনা লিংখৎনবা হোৎনরি হায়না মহাক্না মখা তাখি।

তুরিজম অসিনা হোতেল অমসুং ত্রান্সপোর্ত ইন্দস্ত্রীজগী ৱাংমদা অতোপ্পা সেক্তরশিংদা খুদোংচাবা কয়া পীরি হায়না পল্লদুনা প্রধান মন্ত্রীনা হেল্থ সেক্তরগী স্তেকহোল্দরশিংদা হেল্থ তুরিজম প্রমোৎ তৌবদা ইনবেস্ত তৌনবা তকশিনখি। মহাক্না এজুকেসন তুরিজমদা চাউখৎপা য়াবগী মতিক চাবা মফম লৈ হায়বা ৱাফম থম্লদুনা, য়োগ অমসুং ৱেলনেস তুরিজমগী পোতেন্সিএল অদু মপুং ফানা শিজিন্নবগী তঙাই ফদবা অদু পনখি। মহাক্না মসিগী মাইকৈ অসিদা কুপ্না খন্ন-নৈনবগী অপাম্বা ফোঙদোকখি অমসুং থৌরাংশিং অসি মাংলোমদা পুখৎনবগীদমক মপাঙ্গল কনবা রোদমেপ অমা শেম্নবা হায়খি।

শ্রী মোদীনা হায়খি, "জাতি অসিগী তুংলমচৎ অসি ইনোবেসনদা শেল থাদবনা লেপকনি।" আর্তিফিসিএল ইন্তেলিজেন্সনা ভারতকী শেন্মিৎলোনদা লুপা করোর লাখ কয়াগী কন্ত্রিব্যুসন পীনবগী পোতেন্সিএল লৈ হায়বা ৱাফম থম্লদুনা মহাক্না হায়খি মদুদি মসিগী মাইকৈ অসিদা খোঙজেল য়াংনা খুমাং চাউশিল্লকপগী তঙাই ফদবা লৈ। এ.আই. দাইভর্ন্দ এজুকেসন অমসুং রিসর্চকীদমক বজেৎতা লুপা করোর ৫০০গী এলোকেসন তৌবগী মতাংদা মহাক্না পনখি। ভারত্তা এ.আই.গী তৌবা ঙম্বশিং চাউখৎহন্নবা নেস্নেল লার্জ লেঙ্গুএজ মোদেল অমা লিংখৎনবা থৌরাংশিং অদু পল্লদুনা প্রধান মন্ত্রীনা প্রাইবেৎ সেক্তরদা হীরম অসিদা মালেমগী থাক্তা মাংজিল থানা চৎনবা হায়খি। মহাক্না মখা তাখি মদুদি মালেম অসিনা শেল-থুমগী ওইবা এ.আই. সোলুসনশিং পীবা ঙম্বা, থাজবা য়াবা, সেফ অমসুং দেমোক্রেতিক নেসন অমগীদমক ঙাইরি। ঙসি সেক্তর অসিদা শেল থাদবনা তুংলমচৎতা অচৌবা কান্নবা কয়া ফংলগনি হায়না মহাক্না ফোংদোকখি।

প্রধান মন্ত্রীনা হায়খি, "ভারত অসি মালেমগী খ্বাইদগী চাউবা স্তার্তঅপ ইকোসিস্তেমগী অহুমশুবা মফম ওইরে।" স্তার্তঅপশিং প্রমোৎ তৌনবা মসিগী বজেৎ অসিদা খোঙথাং কয়া অমা হৌদোক্লে। রিসর্স অমসুং ইন্নোবেসন হেনগৎহন্নবা লুপা করোর লাখ ১গী কোর্পস ফন্দ অমা অয়াবা পীরকপগী ৱাফম মহাক্না পনখি। প্রধান মন্ত্রীনা হায়খি মদুদি মসিনা "দিপ তেক ফন্দ ওফ ফন্দস"কী খুত্থাংদা হৌগৎলক্লিবা সেক্তরশিংদা শেল থাদবা হেনগৎহনগনি। মহাক্না হায়খি আই.আই.তি.শিং অমসুং আই.আই.এস.সি.শিংদা রিসর্স ফেলোশিপ ১০,০০০গী প্রোভিজন লৈরে, মসিনা রিসর্সপু খুমাং চাউশিলহল্লগনি অমসুং হৈশিংবা নহাশিংদা খুদোংচাবা পীগনি। অনৌবা পুথোকপদা খোঙজেল য়াঙখৎপদা নেস্নেল জিও-স্পেসিএল মিসন অমসুং নেস্নেল রিসর্স ফাউন্দেসনগী থৌদাং অদুসু প্রধান মন্ত্রীনা পনখি। ভারতপু রিসর্স অমসুং ইন্নোবেসনগী অনৌবা থাক্তা পুখৎনবা থাক পুম্নমক্তা পুন্না হোৎনমিন্নবগী তঙাইফদবা অদু মহাক্না ফোংদোকখি।

ভারতকী মপুং ওইবা মেনুস্ক্রিপ্ত হেরিতেজ অসি ঙাক-শেন্দুনা থম্নবগীদমক গ্যান ভারতম মিসনগী মরুওইবা অদু পল্লদুনা শ্রী মোদীনা মিসন অসিগী মখাদা মেনুস্ক্রিপ্ত কোতি অমা দিজিতেলাইজ তৌরগনি হায়না লাউথোকখি। মসিনা নেস্নেল দিজিতেল রিপোজিটরি অমা শেমগৎলকপা ঙম্লগনি। রিপোজিতরী অসিনা মালেমগী স্কোলরশিং অমসুং রিসর্চরশিংদা ভারতকী পুৱারী, ত্রেদিস্নেল নোলেজ অমসুং ৱিদজতা এক্সেস তৌবা ঙমহনগনি হায়না মহাক্না মখা তাখি। প্রধান মন্ত্রীনা ভারতকী প্লান্ত জীনেতিক রিসোর্সশিং ঙাক শেন্নবা নেস্নেল জীন বেঙ্ক অমা লিংখৎপগী ৱাফমসু পনখি। মহাক্না অকনবা ৱাফম থমখি মদুদি খোঙথাং অসিনা তুংগী চারোন-শুরোনগীদমক জীনেতিক রিসোর্সশিং অমসুং ফুদ সেক্যুরিতী লৈহন্নবা পান্দম থম্লি। অসিগুম্বা থবকশিং অসি হেন্না পাকথোক চাউথোকহন্নবা মহাক্না তকশিনখি অমসুং তোঙান-তোঙানবা ইন্সতিত্যুৎশিং অমসুং সেক্তরশিংদা হায়রিবা থৌরাংশিং অসিদা থৱায় য়াওনা শরুক য়ানবা হায়খি।

২০২৫গী ফেব্রুৱারীদা ভারতকী শেন্মিৎলোনগী মতাংদা আই.এম.এফ.না পাংথোকখিবা মশক থোকপা ওবজর্বেসনশিং পল্লদুনা শ্রী মোদীনা হায়খি মদুদি ২০১৫ অমসুং ২০২৫গী মরক্তা ভারতকী শেন্মিৎলোন অসি চাদা ৬৬ হেনগৎখ্রে অমসুং মসিদা দোল্লর ত্রিলিয়ন ৩.৮গী শেন্মিৎলোন অমা ওইখ্রে। মহাক্না অকনবা ৱাফম থমখি মদুদি মসি মরুওইবা শেন্মিৎলোন কয়াদগী হেনগৎলকপনি অমসুং ভারত অসি দোল্লর ত্রিলিয়ন ৫গী শেন্মিৎলোন অমা ওইগদবা নুমিৎ অদু অরাপ্পা নত্তে। শেন্মিৎলোনবু মখা তানা পাকথোক চাউথোকহন্নবা অচুম্বা ইনভেস্তমেন্তশিং অচুম্বা মাইকৈদা তৌবগী মরুওইবা অদু মহাক্না ফোংদোকখি। মহাক্না ভিজন অসি ফংবদা বজেৎকী এনাউন্সমেন্তশিং ইমপ্লিমেন্ত তৌবগী মরু ওইবা থৌদাং অদু পনখি অমসুং স্তেকহোল্দর পুম্নমক্কী মরু ওইবা কন্ত্রিব্যুসনশিং অদু শকখঙখি। মহাক্না হায়খি মদুদি সিলোদা থবক তৌবগী চৎনবী অসি থুগাইখ্রে অমসুং হৌজিক্তি সরকারনা স্কিমশিং অমসুং ইনিসিয়েতিবশিং অসি হেন্না ফবা মওংদা ইমপ্লিমেন্ত তৌনবগীদমক স্তেকহোল্দরশিংগা লোয়ননা জন-ভাগিদারী মোদেলদা হাইলাইত তৌদুনা প্রি-বেজেৎ কন্সল্তেসনশিং অমসুং পোস্ত-বেজেৎ দিসকাউন্সশিং অনিমক পাংথোক্লি। ৱেবিনার অসিগী কান্নরবা খন্ন-নৈনবশিংনা ভারত মচা কোতি ১৪০গী অপাম্বশিং মপুং ফাহন্নবদা অচৌবা থৌদাং লৌগনি হায়না মহাক্না আশা তৌখি।

বেকগ্রাউন্দ

থবক পীবা হায়বসি সরকারগী মরুওইবা মীৎয়েং থম্লিবা হীরমশিংগী মনুংদা অমনি। প্রধান মন্ত্রীগী মীৎয়েংদগী পুক্নিং থৌগৎলদুনা, সরকারনা থবক ফংহন্নবা অমসুং থবক ফংহন্নবা অহেনবা খুদোংচাবশিং ফংহন্নবা খোংথাং কয়া লৌখৎলে। ৱেবিনার অসিনা সরকার, ইন্দস্ত্রী, একাদেমিয়া অমসুং নাগরিকশিংগী মরক্তা তেংবাং পীনবা পুক্নিং থৌগৎকনি। মসিনা ত্রান্সফোর্মেতিব ওইবা বজেৎকী লাউথোকশিং অসি মতিক চাবা মহৈ ওইনা ওন্থোকপদা মতেং পাংনবা খন্ন-নৈনবা পুক্নিং থৌগৎকনি। নাগরিকশিংবু মপাঙ্গল কনখৎহনবা, শেন্মিৎলোনবু মপাঙ্গল কনখৎহনবা, অমসুং অনৌবা থৌওংশিং পুথোকপদা মরুওইবা মীৎয়েং থমদুনা, ৱারি শানবশিং অসিগী পান্দমদি তুংকোইনা চৎকদবা অমসুং ইনক্লুসিব গ্রোথকী লম্বী য়াৎপা, তেক্নোলোজী অমসুং অতোপ্পা সেক্তরশিংদা লুচিংবা ওইহনবা, অমসুং ২০৪৭ ফাওবদা বিক্সিত ভারতকী পান্দম ফংনবা হোৎনরিবা স্কিল লৈবা, হকচাং ফনা লৈবা ৱার্কফোর্স অমা শেমগৎপনি।

***