وزارت ثقافت، حکومت ہند، 17 ستمبر سے 2 اکتوبر 2025 تک سیوا پرو 2025 کو خدمت، تخلیقی صلاحیتوں اور ثقافتی فخر کے ملک گیر تہوار کے طور پر منا رہی ہے۔ وزیر اعظم جناب نریندر مودی کے 2047 تک وکست بھارت کے وژن کی رہنمائی میں، سیوا پرو کا مقصد برادریوں، اداروں اور لوگوں کو سیوا (خدمت)، تخلیقی صلاحیتوں اور ثقافتی فخر کی اجتماعی تحریک میں ساتھ لانا ہے۔

21 ستمبر 2025 کو جاری تقریبات کے ایک حصے کے طور پر، اوڈیشہ اور تمل ناڈو کے کلیدی ورثہ اور ثقافتی اداروں میں متحرک آرٹ ورکشاپس اور ثقافتی پروگراموں کا انعقاد کیا گیا تھا، جس کا موضوع تھا ‘‘وکست بھارت کے رنگ، کلا کے سنگ’’۔

21 ستمبر 2025 کو ہندوستان بھر میں وزارت ثقافت کے مختلف مقامات اور اداروں پر منعقدہ آرٹ ورکشاپس کی جھلکیاں۔

• چنئی، تمل ناڈو – للت کلا اکادمی علاقائی مرکز، چنئی (للت کلا اکادمی علاقائی مرکز، چنئی کی جانب سے کلاچھیتر فاؤنڈیشن کے تعاون سے منعقد):

کلاچھیتر فاؤنڈیشن، چنئی کے تعاون سے ایل کے اے ریجنل سنٹر چنئی میں سیوا پرو 2025 کے اس پروگرام میں 2500 سے زائدطلبہ، پیشہ ور فنکاروں اور فنون لطیفہ کے شائقین نے شرکت کی۔ اس ورکشاپ کو جناب سریش کمار چِکّلا (ڈائریکٹر، کلا چھیتر فاؤنڈیشن)، محترمہ تملاراسی (پبلک پراسیکیوٹر، کرائم انویسٹی گیشن ونگ - ساؤتھ ریجن، چنئی)، تھیرو کلئے ممانی ٹراٹسکی ماروڈو (صدر، ایم جی آر گورنمنٹ فلم سی ٹریننگ انسٹی ٹیوٹ)اور جناب تھوٹّا تھارانی (بین الاقوامی شہرت یافتہ ہندوستانی آرٹ ڈائریکٹر) کی شرکت سے اعزاز حاصل ہوا ۔اس کے علاوہ معزز اور تجربہ کار فنکار جن میں جناب اے وسوم، جناب سنیل کمار، جناب شیبا پرساد ساہو، جناب جی گروناتھن، جناب دیوناتھن، ڈاکٹر شیشادری، جناب اوما شنکراور جناب ایم سوون کمار (علاقائی سکریٹری، للت کلا اکادمی ، چنئی) شامل تھے، جن کی موجودگی نے اس موقع کو ایک شاندار اجتماعِ ہنر اور وژن میں تبدیل کردیا۔

• رگھوراج پور، اڈیشہ – رگھوراج پور ہیریٹیج ولیج (مشرقی زونل کلچرل سنٹر – ای زیڈ سی سی کے زیر اہتمام):

رگھوراج پور ہیریٹیج ولیج میں، 70 خواتین روایتی مصوروں نے ایک متحرک ورکشاپ میں حصہ لیا جس میں ہندوستان کے ثقافتی ورثے اور وکست بھارت کے ان کے وژن کا جشن منایا گیا۔ اس تقریب میں جناب دین بندھو مہاپاترا (قومی انعام یافتہ)، جناب بسوناتھ سوائین (قومی انعام یافتہ)، جناب بیبھو مہاپترا (قومی انعام یافتہ)، ضلع ثقافتی افسر، پوری، اور جناب لنگ راج موہرانا (شلپ گرو) سمیت ممتاز شخصیات نے شرکت کی اور شرکاء کے ساتھ بات چیت کی اور بھارت کے فنون لطیفہ کی روایت کو آگے بڑھانے کے لیے فنکاروں کی حوصلہ افزائی کی  ۔

• پوری، اوڈیشہ –  اڑیسہ کالج آف آرٹس کرافٹ (للت کلا اکادمی علاقائی مرکز، بھونیشور، کلا گرام اور شلپ گرام کے تعاون سے منعقد):

کالج کے 120 طلبہ اور فنکاروں کے ایک گروپ نے ایک تخلیقی ورکشاپ میں حصہ لیا جس کی رہنمائی نامور شخصیات بشمول جناب دیبیندر داس (شانتی نکیتن کے سابق طالب علم)، جناب نرسنگ ناتھ نائک (فنونِ لطیفہ کے استاد) اور جناب درگا مادھب کار (پرنسپل، اڑیسہ کالج آف آرٹ سی کرافٹ، پوری)نے کی۔

• پریاگ راج، داموہ، کولکتہ میں سیوا پرو کے تحت سوچھتا سرگرمیاں:

سیوا پرو 2025 کے ایک حصے کے طور پر، پورے ہندوستان میں ادارے صفائی مہم کو فعال طور پر چلا رہے ہیں۔ ان میں الہ آباد میوزیم، پریاگ راج؛ ثقافتی وسائل اور تربیت کا مرکز (علاقائی مرکز، داموہ، مدھیہ پردیش)، اور وکٹوریہ میموریل ہال، کولکتہ، دیگر ادارے شامل ہیں۔ یہ اقدامات نہ صرف صاف ستھرا ماحول کو یقینی بنا رہے ہیں بلکہ اس اہم پیغام کو بھی پھیلا رہے ہیں کہ صفائی ہی خدمت کی حقیقی شکل ہے۔ ایک ساتھ مل کر، وہ شہریوں کو صاف اور خوبصورت عوامی مقامات بنانے میں حصہ لینے کی ترغیب دے رہے ہیں اور اس طرح وکست بھارت کے وژن کو زندہ کر رہے ہیں۔

ڈیجیٹل شرکت

وسیع پیمانے پر مشغولیت کو یقینی بنانے کے لیے، وزارت نے سیوا  پورٹل کے ذریعے ڈیجیٹل شرکت کو فعال کیا ہے:

ادارہ جاتی اپ لوڈ: ثقافت کی وزارت اور مختلف ریاستوں اور مرکز کے زیر انتظام تمام ادارے سیوا پرو پورٹل  https://amritkaal.nic.in/sewa-parv.htm  پر اپنے واقعات کے دستاویز کواپ لوڈ کر رہے ہیں۔

شہریوں کا تعاون: افراد اپنے فن پارے، تصاویر، اور تخلیقی تاثرات براہ راست پورٹل پر اپ لوڈ کر سکتے ہیں، اور #SewaParv کا استعمال کرتے ہوئے انہیں سوشل میڈیا پر شیئر کر سکتے ہیں۔

برانڈنگ اور پبلسٹی مواد یہاں ڈاؤن لوڈ کے لیے دستیاب ہیں: Google Drive link.

کس طرح شرکت کرنا ہے؟

1. انفرادی شرکت

کوئی بھی شخص اپنی پسند کے کسی بھی ذرائع ابلاغ یا مواد میں ‘‘وکست بھارت کے رنگ، کلا کے سنگ’’ کے تھیم پر آرٹ ورک بنا کر اپنا حصہ ڈال سکتا ہے۔ شرکاء اپنے آرٹ ورک کی تصاویر اس پر اپ لوڈ کر سکتے ہیں: https://amritkaal.nic.in/sewa-parv-individual-participants

2. 75 مقامات میں سے کسی ایک پر پینٹنگ ورکشاپ میں شامل ہوں

شرکاء حصہ لینے کے لیے دیے گئے مقامات پر متعلقہ وزارت ثقافت کے اداروں سے رابطہ کر سکتے ہیں۔ 75 مقامات کی فہرست: Click here ۔

21 ستمبر 2025 کی سیوا پرو کی تقریبات نے تین اہم مراکز کی ثقافتی اور فنکارانہ روح کو یکجا کیا: رگھوراج پور ہیریٹیج ولیج (پوری، اوڈیشہ)، اڑیسہ کالج آف آرٹ سی کرافٹ (پوری، اوڈیشہ) اور للت کلا اکادمی علاقائی مرکز (چنئی، تمل ناڈو)۔ جہاں رگھوراج پور کے روایتی مصوروں نے ہندوستان کے زندہ ورثے کی نمائش کی، پوری میں طلبہ اور فنکاروں نے نوجوانوں کی تخلیقی امنگوں کی عکاسی کی، اور چنئی نے ہزاروں شرکاء اور فنون لطیفہ اور سنیما کی دنیا کی نامور شخصیات کے ساتھ سیوا پرو کے سب سے بڑے اجتماع میں سے ایک کا مشاہدہ کیا۔

ان ثقافتی اقدامات کی تکمیل کرتے ہوئے، الہ آباد میوزیم (پریاگ راج، اتر پردیش)، ثقافتی وسائل اور تربیت کے مرکز، داموہ (مدھیہ پردیش) اور وکٹوریہ میموریل ہال (کولکتہ، مغربی بنگال) میں سوچھتا سرگرمیوں نے ایک اجتماعی ذمہ داری کے طور پر صفائی کی اہمیت کو اجاگر کیا۔ ایک ساتھ، یہ سرگرمیاں سیوا اور کلا کے جوہر کو مجسم کرتی ہیں، یہ ظاہر کرتی ہیں کہ کس طرح تخلیقی صلاحیتوں اور شہری شراکت داری بھارت کے وکست بھارت @ 2047 کے سفر کے لیے ضروری ہیں۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 (ش ح ۔ ت ف۔م الف)

U. No. 6384

(Release ID: 2169440)