تجارت اور صنعت کے مرکزی وزیر، جناب پیوش گوئل نے آج نئی دہلی میں لیڈز 2025 کا آغاز کیا، جو ریاستوں اور مرکزی علاقوں میں لاجسٹکس کی کارکردگی کا معیار طے کرنے میں ایک اہم سنگِ میل ہے اور بھارت کے مستقبل کے لیے مسابقتی اور مضبوط لاجسٹکس ایکو سسٹم کے وژن کی حمایت کرتا ہے۔

جناب گوئل نے میک ان انڈیا اقدام کے تحت بھارت کی عالمی سطح پر مینوفیکچرنگ ہب کے طور پر تیز رفتاری سے ابھرتے ہوئے کردار کو اجاگر کیا، خاص طور پر دواسازی اور انجینئرنگ مصنوعات کے شعبوں میں۔ انہوں نے کہا کہ موثر لاجسٹکس مینوفیکچرنگ کی مسابقت کے لیے بنیادی ستون ہے کیونکہ یہ لاجسٹکس کے اخراجات کو کم کرتا ہے۔

وزیر نے بتایا کہ حکومت مسلسل لاجسٹکس کی استعداد بڑھانے کے لیے کام کر رہی ہے، جیسا کہ لیڈز (LEADS) سروے کے ذریعے، جو ریاستوں کی کارکردگی پر قیمتی بصیرت فراہم کرتا ہے، بہترین عملی طریقے شناخت کرتا ہے، اور ایسے شعبوں کی نشاندہی کرتا ہے جن میں خصوصی توجہ کی ضرورت ہے۔ انہوں نے مزید کہا کہ یہ جائزے حکومت کو ریاستوں کے ساتھ قریبی تعاون کے ذریعے لاجسٹکس انفراسٹرکچر مضبوط کرنے، اخراجات کم کرنے اور سپلائی چین کی مسابقت بڑھانے میں مدد دیتے ہیں، جو آتم نربھر بھارت اور میک ان انڈیا کے اہداف کی حمایت کرتا ہے۔

اس سال لیڈز میں دو اہم خصوصیات شامل کی گئی ہیں، 5 سے 7 اہم کوریڈور کی کارکردگی کا جائزہ، جس میں سفر کا وقت، ٹرک کی رفتار، اور انتظار کے اوقات شامل ہیں اور اہم روڈ کوریڈور پر سیکشن کے مطابق رفتار کی اے پی آئی مبنی تشخیص۔ یہ اقدامات ریاستوں اور مرکزی علاقوں کو لاجسٹکس کی استعداد بہتر بنانے میں رہنمائی کے لیے واضح بصیرت فراہم کریں گے۔

جناب گوئل نے حکومت کے عزم کو دہرایا اور کہا کہ لیڈز 2025 ایک لاگت مؤثر اور پائیدار لاجسٹکس نظام بنانے میں معاون ثابت ہوگا، جو 2047 تک آتم نربھر بھارت اور وکست بھارت کے وسیع اہداف کی حمایت کرے گا۔

 

لیڈز 2025 رپورٹ: https://drive.google.com/file/d/1MCO6qqprkmrzCMVlpIg9zSp-xg13is8t/view?usp=drive_link

**********

ش ح۔ ف ش                                                                                                                           U: 6354

 

(Release ID: 2169023)