کیرالہ کی صحت اور خواتین اور بچوں کی ترقی کی وزیر وینا جارج نےآج ‘‘آیوش سیکٹر میں آئی ٹی سلوشنز’’کے موضوع پر دو روزہ قومی ورکشاپ کا افتتاح کیرل کےخوبصورت کے ٹی ڈی سی واٹر اسکیپس، کماراکم میں کیا۔ نیشنل آیوش مشن، کیرالہ کے زیر اہتمام اس ورکشاپ میں 23 ریاستوں اور مرکز کے زیر انتظام علاقوں کے 91 مندوبین اور 155 شرکاء نے شرکت کی، جن میں سینئر حکام، تکنیکی ماہرین اور پالیسی ساز شامل تھے۔ یہ ورکشاپ نئی دہلی میں منعقدہ آیوش ڈیپارٹمنٹل سمٹ 2025 کی ترجیحات کے مطابق ہے۔

اپنے افتتاحی خطاب میں وزیر وینا جارج نے مندوبین کا پرتپاک خیرمقدم کیا اور کماراکم کے قدرتی ماحول کے علامتی انتخاب پر زور دیا، جو آیوش کی ہم آہنگی کو فروغ دیتا ہے۔ انہوں نے زور دیا کہ تیز رفتار تکنیکی ترقی کو اپناتے ہوئے، روایتی اقدار کو برقرار رکھنا بہت ضروری ہے۔ وزیر نے صحت کے ماحولیاتی نظام میں بغیر کسی رکاوٹ کے ضم کرنے کے لیے ڈیجیٹل ٹولز کے لیے لازمی طور پر زور دیا  تاکہ ریئل ٹائم مانیٹرنگ، انسانی وسائل کے بہتر انتظام، مضبوط ڈیٹا فریم ورک اور زیادہ قابل رسائی اور سستی دیکھ بھال کے لیے شفاف مالیاتی ٹریکنگ کی سہولت ممکن ہو سکے۔ انہوں نے تمام شرکاء پر زور دیا کہ وہ باہمی تعاون کے ساتھ ایک مرکزی، انٹرآپریبل ڈیجیٹل فریم ورک کے لیے ایک روڈ میپ تیار کریں جو قومی صحت مشن کو مضبوط کرے اور کسی کو پیچھے نہ چھوڑے۔ آیوش کی وزارت، حکومت کیرالہ اور اس میں شامل تمام اسٹیک ہولڈرز کا شکریہ ادا کرتے ہوئے، انہوں نے امید ظاہر کی کہ اختراعی ڈیجیٹل پلیٹ فارمز ، مربوط قومی اقدامات اور ورکشاپ کے ٹھوس نتائج برآمد ہوں گے۔

انہوں نے جدید ٹیکنالوجی کے ساتھ قدیم حکمت کو متوازن کرنے کے لیے کیرالہ کے عزم کو مزید واضح کیا، اس بات پر زور دیتے ہوئے کہ ڈیجیٹل صحت کی اختراع میں ریاست کا اہم کردار دوسروں کے لیے ایک معیار قائم کرتا ہے۔ انہوں نے ملک بھر میں آیوش ڈیجیٹل سروسز میں یکسانیت اور اسکیل ایبلٹی کی ضرورت کا اعادہ کیا، جس کی جڑیں شہری-مرکزی نظم و نسق میں ہیں، اور اس اعتماد کا اظہار کیا کہ ورکشاپ سے حقیقی وقت کی نگرانی اور ڈیٹا کے انضمام میں اضافہ ہوگا۔

کلیدی خطبہ دیتے ہوئے، ویدراجیش کوٹیچا، سکریٹری، آیوش، حکومت ہند، نے آیوش سیکٹر کے اندر آئی ٹی حل کو مربوط کرنے کے اہم موڑ پر روشنی ڈالی۔ انہوں نے اس بات پر زور دیا کہ ڈیجیٹل ٹولز اور پلیٹ فارمز کو اپنانا اب اختیاری نہیں ہے بلکہ رسائی، قابل برداشت اور خدمات کی فراہمی کے معیار کو بہتر بنانے کے لیے ضروری ہے۔ وید کوٹیچا نے وزارت کے جاری اقدامات، جیسے آیوش گرڈ اور نئے ڈیجیٹل پورٹل، جو ریاستوں اور مرکز کے زیر انتظام علاقوں کے درمیان تعاون کو فروغ دینے، نقل سے بچنے کے لیے سافٹ ویئر کو معیاری بنانے، اور ملک بھر میں جدید آیوش خدمات تک مساوی رسائی کو یقینی بنانے کے لیے ڈیزائن کیے گئے ہیں، اس کی بھی وضاحت کی۔

انہوں نے تمام شرکاء پر زور دیا کہ وہ ان ڈیجیٹل اختراعات کو فعال طور پر اپنائیں اور اپنی کوششوں کو وسیع تر قومی ڈیجیٹل ہیلتھ مشن کے ساتھ ہم آہنگ کریں۔ انٹرآپریبل سسٹمز کی اہمیت پر زور دیتے ہوئے، انہوں نے مریضوں کی دیکھ بھال کی حقیقی وقت میں نگرانی، ڈیٹا اور انسانی وسائل کے مؤثر انتظام اور بغیر کسی رکاوٹ کے مالیاتی ٹریکنگ کے بارے میں بات کی۔ وید راجیش کوٹیچا نے اس بات کا اعادہ کیا کہ اس  ڈیجیٹل نظام سے شہری با اختیار بنیں گے اور شواہد اور مساوات پر مبنی عوامی صحت کے انتظام کو فعال کرنے والے آلات کے طور پر کام کریں گے، اس طرح آیوش شعبے کی بھارت کے صحت کے نظام میں شراکت کو مضبوط کریں۔

اپنے خطاب میں، جناب راجن این کھوبراگڑے، ایڈیشنل چیف سکریٹری (صحت اور آیوش)، حکومت کیرالا، نے صحت اور آیوش کے بنیادی ڈھانچے کے میدان میں کیرالہ کی کامیابیوں اور ڈیجیٹل شمولیت میں اس کی پیش رفت کی ستائش کی۔ انہوں نے شرکت کرنے والی ریاستوں اور مرکز کے زیر انتظام علاقوں پر زور دیا کہ وہ کیرالہ کے ماڈل کا فائدہ اٹھائیں اور صارف دوست، مرکزی اور مقامی طور پر اپنی مرضی کے مطابق ڈیجیٹل پلیٹ فارم بنانے کے لیے تعاون کریں۔ جناب کھوبراگڑے نے اس بات پر زور دیا کہ اس طرح کی اختراعات کو ڈیٹا مینجمنٹ، مریضوں کی دیکھ بھال اور نگرانی کے نظام جیسے اہم شعبوں میں یکساں معیار کو یقینی بنانا چاہیے۔

آیوش کی وزارت میں مشیر ڈاکٹر رگھونے ورکشاپ کو آئی ٹی پر مبنی حل کو فروغ دینے میں مددگار یہ ایک بروقت پلیٹ فارم ہے، جو مضبوط تحقیق اور بنیادی ڈھانچے کی ترقی کی حمایت کرتے ہوئے شفافیت، مریضوں کی دیکھ بھال، اور رسائی کو بڑھاتا ہے۔

رنجن کمار، پرنسپل سکریٹری، آیوش، اتر پردیش، نے ملک بھر میں توسیع پذیر اور جامع صحت کے حل کو یقینی بنانے، ریاستوں کے درمیان اختراع، تعاون، اور علم کے اشتراک کو فروغ دینے کے لیے ایسے فورمز کی اہمیت پر زور دیا۔

ڈاکٹر ڈی ساجیتھ بابو، ریاستی مشن ڈائریکٹر، نیشنل آیوش مشن، کیرالہ نے اختراعی آئی ٹی حل کے ذریعے آیوش خدمات کو جدید بنانے کے کیرالہ کے مشن کو آگے بڑھانے میں ورکشاپ کی اہمیت کو اجاگر کیا۔ انہوں نے اسپتال مینجمنٹ سوفٹ ویئر کے لائیو مظاہروں کے ساتھ منسلک ہونے کے موقع پر روشنی ڈالی اور جامع ڈیجیٹل تبدیلی پر زور دیا تاکہ اس بات کو یقینی بنایا جا سکے کہ کوئی کمیونٹی پیچھے نہ رہے۔

ڈاکٹر سبودھ کمار، ڈائرکٹر، آیوش کی وزارت، حکومت ہند نے قومی آیوش مشن، کیرالہ کی اس پہل کو آگے بڑھانے کے لیے تعریف کی جو آیوش ڈیپارٹمنٹل سمٹ کے وژن کی بازگشت ہے اور ڈیجیٹل دائرے میں بین ریاستی ہم آہنگی کو فروغ دیتا ہے۔

اس موقع پر آیوش کی وزارت کی جوائنٹ سکریٹری محترمہ کویتا جین بھی موجود تھیں۔ ورکشاپ میں 23 ریاستوں اور مرکز کے زیر انتظام علاقوں کے 91نمائندگان شریک ہیں، جن میں آندھرا پردیش، اروناچل پردیش، آسام، بہار، دادرو نگر ہویلی اور دمن و دیو، دہلی، گووا، گجرات، ہریانہ، جھارکھنڈ، کرناٹک، لکشدیپ، مہاراشٹر، منی پور، میزورم، ناگالینڈ، پدوچیری، راجستھان، سکم، تمل ناڈو، تریپورہ، اتر پردیش، اتراکھنڈ اور مغربی بنگال شامل ہیں، اس کے علاوہ وزارت آیوش اور آیوش گرڈ کے افسران بھی ورکشاپ میں حصہ لے رہے ہیں۔

ورکشاپ بہترین طور طریقوں اور اختراعات کے تبادلے، آیوش گرڈ جیسے مرکزی حکومت کے آئی ٹی پلیٹ فارم پر واقفیت فراہم کرنے، اور پروگرام کے انتظام، مریضوں کی دیکھ بھال، نگرانی، انسانی وسائل اور ڈیٹا مینجمنٹ، اور مالیاتی ٹریکنگ سمیت اہم شعبوں پر غور و فکر کرنے پر مرکوز ہے۔

بیس-اکیس ستمبر ، 2025 تک دو روزہ فیلڈ وزٹ کے دوران  شرکاء کیرالہ کے کوٹیم، الاپوزہ  اور تریشور اضلاع میں آیوش سہولیات دیکھنے جائیں گے،  جس میں این اے بی ایچ انٹری لیول سرٹیفائیڈ اور کایا کلپ ایوارڈ یافتہ آیوشمان آروگیہ مندر، سرکاری آیوش اسپتال، کھیل آیوروید پروجیکٹ، اور آروگیہ نوکا، فالج کی دیکھ بھال، درشٹی اور آیورکرما جیسے اقدامات شامل ہوں گے۔

یہ نیشنل ورکشاپ بھارت کے آیوش ڈیجیٹل ہیلتھ ایکوسسٹم کو مستقبل کے لیے تیار، متحرک اور شہریوں پر مرکوز بنانے کے سفر میں ایک اہم پیش رفت کی علامت ہے۔

***

ش ح۔ ک ا۔  ع ر

U.NO.6213