مرکزی شہری ہوا بازی کے وزیر رام موہن نائیڈو نے آج ملک بھر کے ہوائی اڈوں پر‘‘یاتری سیوا دوس’’ پہل کا آغاز کیا۔ اس موقع کو نشان زد کرنے کے لیے ہوائی اڈوں نے ‘‘سوستھ ناری، سشکت پریوار’’ مہم کے تحت خواتین مسافروں پر خصوصی توجہ مرکوز کرتے ہوئے مفت طبی چیک اپ اور صحت سے متعلق آگاہی مہم چلائی گئی۔

وزیر اعظم جناب نریندر مودی نے بااختیار برادریوں کے اپنے ویژن کے مطابق اپنی 75 ویں سالگرہ پر ‘‘سوستھ ناری، سشکت پریوار’’ مہم کا آغاز کیا۔ عوامی شرکت کے اپنے ویژن کو آگے بڑھاتے ہوئے، وزیر اعظم نے ہندوستان بھر میں خواتین اور بچوں کے لیے صحت کی دیکھ بھال کو مضبوط بنانے کے لیے تمام اسٹیک ہولڈرز کی فعال شرکت کی حوصلہ افزائی کی ہے۔

اس کے مطابق جناب رام موہن نائیڈو نے ‘‘یاتری سیوا دوس’’ مہم کا آغاز کیا، جو تمام ہوائی اڈوں پر منایا جاتا ہے، جس نے تمام مسافروں کو بہترین سفری تجربہ اور عالمی معیار کی خدمات فراہم کرنے کے لیے حکومت کی مسلسل کوششوں پر زور دیا۔

ہنڈن ہوائی اڈے سے تقریب کا آغاز کرتے ہوئے جناب رام موہن نائیڈو نے کہا :

‘‘ ملک کے  پردھان سیوک  کے طور پر وزیر اعظم جناب نریندر مودی نے گزشتہ 11 برسوں  میں حکمرانی کے تصور کو نئی شکل دی ہے اور اسے عوامی خدمت کے لیے وقف کیا ہے۔ اس ویژن سے تحریک لے کر ہم ہوا بازی کے شعبہ میں ہر مسافر کو اپنی ترجیح اور ہر سفر کو لگن کے ساتھ ان کی خدمت کرنے کے موقع کے طور پر دیکھتے ہیں۔ اس بات کو تسلیم کرتے ہوئے کہ تیزی سے ترقی کرنے والے مسافر ہمارے دلوں میں سے ایک ہیں۔ مسافروں کی خدمت کا دن آج ہماری ترقی کا جشن ہے اور وزیر اعظم کے ‘نیشن فرسٹ’ کے رہنما اصول میں شامل مسافر فرسٹ کے جذبے کو آگے بڑھاتے ہوئے ہر سفر کو بغیر کسی رکاوٹ کے اور باعزت طریقے سے کرانے کے ہمارے عزائم کی تصدیق کرتا ہے’’۔

گزشتہ 11  برسوں میں ہوا بازی کے شعبے کی ہونے والی  بے مثال ترقی پر روشنی ڈالتے ہوئے انہوں نے کہا کہ وزیر اعظم جناب نریندر مودی کی قیادت میں شہری ہوابازی کا شعبہ اشرافیہ کے سفر سے عوام کے سفر میں تبدیل ہو گیا ہے۔ ویژنری ریجنل کنکٹی وٹی اسکیم ‘‘ اڑان’’ کی مدد سے ملک میں ہوائی سفر آج زیادہ قابل رسائی اور سستی ہے۔ 2014 میں ہوائی مسافروں کی تعداد لگ بھگ  11 کروڑ تھی جو اب 2025 میں بڑھ کر 25 کروڑ کے لگ بھگ ہونے کا اندازہ ہے۔ہنڈن ایئرپورٹ کی مثال  پیش کرتے ہوئے انہوں نے کہا کہ 2020 میں جس ایئرپورٹ پر صرف ایک پرواز تھی وہ اب ملک کے 16 شہروں سے منسلک ہے جو کہ ایک اہم کامیابی ہے۔

مرکزی وزیر جناب  رام موہن نائیڈو نے یہ بھی کہا کہ ڈجیٹل انڈیا مشن کے تحت ملک بھر کے تمام ہوائی اڈوں پر جلد ہی وائی فائی فعال ہو جائے گا، جس سے مسافروں کے تجربے میں انقلاب آئے گا۔ وزیر اعظم کے ویژن کی تعریف کرتے ہوئے انہوں نے کہا- ‘‘وزیر اعظم کی متحرک قیادت میں، ہم ایک ترقی یافتہ ہندوستان کے لیے ایک خود انحصار ہندوستان کی بنیاد پر تعمیر کرنے کا ہدف رکھتے ہیں اور اسے حاصل کرنے کے لیے ہوا بازی کی صنعت کے تمام اسٹیک ہولڈرز اور خاص طور پر مسافروں کو اپنی خریداری میں مقامی مصنوعات کی وکالت کرنی چاہیے۔’’

ہنڈن ہوائی اڈے پر منعقدہ تقریب میں ایئرپورٹس اتھارٹی آف انڈیا کے چیئرمین  جناب  وپن کمار بھی موجود تھے۔ اپنے حوصلہ افزا خطاب میں انہوں نے کہا-‘‘میں تمام ہوائی اڈوں پر اس طرح کی شاندار تقریب کے انعقاد کے لیے ایئرپورٹس اتھارٹی آف انڈیا کے تمام ملازمین کو مبارکباد پیش کرتا ہوں جو مسافروں کی سہولت اور بہبود کے لیے ہماری وابستگی کی عکاسی کرتا ہے۔ مرکزی وزیرجناب  رام موہن نائیڈو کی قابل قیادت میں ہم ملک بھر میں کئی اقدامات کو نافذ کر رہے ہیں مثلاً، ایئرپورٹ کو مزید بہتر بنانے کا تجربہ، مسافروں کے لیے آسانی اور آرام دہ جیسے  ڈیجی یاترا، اڑان یاتری کیفے ،  فلائی بیری  وغیرہ ’’

‘ یاتری سیوا دوس ’کے موقع  پر ہوائی اڈوں پر ثقافتی پروگراموں اور دلچسپ سرگرمیوں جیسے - کوئز اور پینٹنگ مقابلوں کے ساتھ مسافروں کا گرم جوشی کا استقبال کیا گیا۔ اس دن کی تھیم کی عکاسی کے لیے ہوائی اڈوں پر خصوصی سجاوٹ کی گئی تھی۔

اس تقریب میں کمیونٹی سرگرمیاں بھی شامل تھیں جیسے خون کا عطیہ کیمپ، ٹیکسی ڈرائیوروں کے لیے آنکھوں کی جانچ اور وزیر اعظم جناب نریندر مودی کی ‘‘ایک پیڑ ماں کے نام’’ مہم کے تحت شجر کاری مہم چلائی گئی اور  بزرگ شہریوں کو اعزاز سے نوازا گیا اور وزارت شہری ہوابازی کے کریئر گائیڈنس پروگرام کے تحت طلباء کے لیے انٹرایکٹو سیشنز کا انعقاد کیا گیا۔

تمام شرکاء کے تعاون کو تسلیم کرتے ہوئے اور مسافروں کی فلاح و بہبود اور ہندوستان کے ہوابازی کے بنیادی ڈھانچے کی ترقی کے لیے ائیرپورٹ اتھارٹی آف انڈیا ( اے اے آئی) کے عزم کا اعادہ کرتے ہوئے، شکریہ کے اظہار کے ساتھ پروگرام کا اختتام ہوا۔

*******

ش ح۔ ظ ا-ج ا

UR  No. 6190

(ریلیز آئی ڈی: 2167966) وزیٹر کاؤنٹر : 28