ಭಾರತ ಸರ್ಕಾರದ ವಿಶೇಷ ಅಭಿಯಾನ ಘೋಷಣೆಯ ನಂತರ, ಕೇಂದ್ರ ಸೂಕ್ಷ್ಮ, ಸಣ್ಣ ಮತ್ತು ಮಧ್ಯಮ ಉದ್ಯಮಗಳ (ಎಂ.ಎಸ್. ಎಂ.ಇ.) ಸಚಿವಾಲಯ ಅಕ್ಟೋಬರ್ 2 ರಿಂದ ಅಕ್ಟೋಬರ್ 31, 2025 ರವರೆಗೆ ನಡೆಯಲಿರುವ ವಿಶೇಷ ಅಭಿಯಾನ 5.0 ಕ್ಕೆ ಸಿದ್ಧತೆ ನಡೆಸಿದೆ. ಆಡಳಿತ ಸುಧಾರಣೆಗಳು ಮತ್ತು ಸಾರ್ವಜನಿಕ ಕುಂದುಕೊರತೆಗಳ ಇಲಾಖೆ (ಡಿಎಆರ್ಪಿಜಿ) ನಡೆಸುವ ಈ ವಿಶೇಷ ಅಭಿಯಾನವು, ಭಾರತ ಸರ್ಕಾರದ ವಿವಿಧ ಕಚೇರಿಗಳಲ್ಲಿ ಸ್ವಚ್ಛತಾವನ್ನು ಸಾಂಧ್ರತೆಯ ವ್ಯವಸ್ಥೆ ಮಾಡುವುದು ಮತ್ತು ಸರ್ಕಾರಿ ಕಚೇರಿಗಳೊಂದಿಗೆ ಸಾಮಾನ್ಯ ಜನರ ಅನುಭವವನ್ನು ಹೆಚ್ಚಿಸುವ ಗುರಿಯನ್ನು ಹೊಂದಿದೆ.

ಈ ವರ್ಷದ ಅಭಿಯಾನದ ಗಮನವು ಸೇವಾ ವಿತರಣೆ ಅಥವಾ ಸಾರ್ವಜನಿಕ ಸಂಪರ್ಕವನ್ನು ಹೊಂದಿರುವ ಜವಾಬ್ದಾರಿಯುತ ಕ್ಷೇತ್ರ/ಹೊರಠಾಣಾ ಕಚೇರಿಗಳಾಗಿರುತ್ತದೆ; ಮತ್ತು ಕೇಂದ್ರ ಪರಿಸರ ಸಚಿವಾಲಯ ಹೊರಡಿಸಿದ ಇ-ತ್ಯಾಜ್ಯ ನಿರ್ವಹಣಾ ನಿಯಮಗಳು 2022 ರ ಅನುಸಾರವಾಗಿ ಸರ್ಕಾರಿ ಕಚೇರಿಗಳಲ್ಲಿ ಉತ್ಪತ್ತಿಯಾಗುವ ಇ-ತ್ಯಾಜ್ಯವನ್ನು ವಿಲೇವಾರಿ ಮಾಡುವುದು ಇತ್ಯಾದಿ ಉಪಕ್ರಮ ಹೊಂದಿರುತ್ತದೆ

ಪೂರ್ವಸಿದ್ಧತಾ ಹಂತದಲ್ಲಿ (ಸೆಪ್ಟೆಂಬರ್ 15–30, 2025), ಎಂ.ಎಸ್. ಎಂ.ಇ. ಸಚಿವಾಲಯವು ತನ್ನ ಕಚೇರಿಗಳಿಂದ ನೋಡಲ್ ಅಧಿಕಾರಿಗಳನ್ನು ನೇಮಿಸುವ, ಕ್ಷೇತ್ರ ಮಟ್ಟದವರೆಗೆ ಪೂರ್ವಸಿದ್ಧತಾ ಸಭೆಗಳನ್ನು ನಡೆಸುವ ಮತ್ತು ಕ್ರಿಯಾ ಯೋಜನೆಯನ್ನು ರೂಪಿಸುವ ಪ್ರಕ್ರಿಯೆಯಲ್ಲಿದೆ. ಅನುಷ್ಠಾನ ಹಂತ (ಅಕ್ಟೋಬರ್ 2–31, 2025) ಸ್ವಚ್ಛತೆಯ ಶುದ್ಧೀಕರಣ, ಇ-ತ್ಯಾಜ್ಯ ನಿರ್ವಹಣೆ, ಡಿಜಿಟಲೀಕರಣ, ದಾಖಲೆ ನಿರ್ವಹಣೆ, ಕಚೇರಿ ಸ್ಥಳವನ್ನು ಮುಕ್ತಗೊಳಿಸುವುದು ಮತ್ತು ಬಾಕಿ ಉಳಿದಿರುವ ವಸ್ತುಗಳ ಸಕಾಲಿಕ ವಿಲೇವಾರಿಯ ಮೇಲೆ ಕೇಂದ್ರೀಕರಿಸುತ್ತದೆ.

ವಿಶೇಷ ಅಭಿಯಾನ 4.0 (ಅಕ್ಟೋಬರ್ 2024) ರಲ್ಲಿ, ಎಂ.ಎಸ್. ಎಂ.ಇ. ಸಚಿವಾಲಯವು ಅದರ ಅಡಿಯಲ್ಲಿ ಬರುವ ಸಂಸ್ಥೆಗಳಾದ ಅಭಿವೃದ್ಧಿ ಆಯುಕ್ತರ ಕಚೇರಿ (ಎಂ.ಎಸ್. ಎಂ.ಇ.), ಖಾದಿ ಮತ್ತು ಗ್ರಾಮೋದ್ಯೋಗ ಆಯೋಗ, ರಾಷ್ಟ್ರೀಯ ತೆಂಗಿನಕಾಯಿ ಮಂಡಳಿ, ರಾಷ್ಟ್ರೀಯ ಸಣ್ಣ ಕೈಗಾರಿಕೆಗಳ ನಿಗಮ, ರಾಷ್ಟ್ರೀಯ ಸೂಕ್ಷ್ಮ, ಸಣ್ಣ ಮತ್ತು ಮಧ್ಯಮ ಉದ್ಯಮಗಳ ಸಂಸ್ಥೆ ಮತ್ತು ಮಹಾತ್ಮ ಗಾಂಧಿ ಗ್ರಾಮೀಣ ಕೈಗಾರಿಕೀಕರಣ ಸಂಸ್ಥೆಯೊಂದಿಗೆ ಗಮನಾರ್ಹ ಮೈಲಿಗಲ್ಲುಗಳನ್ನು ಸಾಧಿಸಿದೆ. ಇವುಗಳಲ್ಲಿ 23,911 ಭೌತಿಕ ಕಡತಗಳ ಪರಿಶೀಲನೆ, 4,998 ಕಡತಗಳ ವಿಲೇವಾರಿ, 17,664 ಚದರ ಅಡಿ ಕಚೇರಿ ಸ್ಥಳವನ್ನು ಮುಕ್ತಗೊಳಿಸುವುದು, ₹50,47,593 ಆದಾಯವನ್ನು ಗಳಿಸುವ ಸ್ಕ್ರ್ಯಾಪ್ ವಿಲೇವಾರಿ ಮತ್ತು 94% ಕ್ಕಿಂತ ಹೆಚ್ಚು ಸಂಸದರ ಉಲ್ಲೇಖಗಳು ಮತ್ತು 97% ಸಾರ್ವಜನಿಕ ಕುಂದುಕೊರತೆಗಳ ವಿಲೇವಾರಿ ಸೇರಿವೆ. ಈ ಅವಧಿಯಲ್ಲಿ ಒಟ್ಟು 548 ಸ್ವಚ್ಛತಾ ಅಭಿಯಾನಗಳನ್ನು ನಡೆಸಲಾಯಿತು.

ಈ ಯಶಸ್ಸಿನ ಮೇಲೆ, ಕೇಂದ್ರ ಎಂ.ಎಸ್. ಎಂ.ಇ. ಸಚಿವಾಲಯವು ತನ್ನ ಶಾಸನಬದ್ಧ/ಸ್ವಾಯತ್ತ ಸಂಸ್ಥೆಗಳು ಮತ್ತು ಕ್ಷೇತ್ರ ಕಚೇರಿಗಳೊಂದಿಗೆ, ವಿಶೇಷ ಅಭಿಯಾನ 5.0ರ ಗುರಿಗಳನ್ನು ನವೀಕರಿಸಿದ ಉಪಕ್ರಮಗಳ ಜೊತೆಗೆ ಉತ್ಸಾಹ, ಸಮರ್ಪಣೆ ಮತ್ತು ಪಾರದರ್ಶಕತೆಯೊಂದಿಗೆ ಸಾಧಿಸುವ ತನ್ನ ಬದ್ಧತೆಯನ್ನು ಪುನರುಚ್ಚರಿಸಿದೆ. ಇದರಿಂದಾಗಿ ಹೆಚ್ಚು ಪರಿಣಾಮಕಾರಿ, ನಾಗರಿಕ-ಕೇಂದ್ರಿತ ಮತ್ತು ಸ್ವಚ್ಛ ಆಡಳಿತ ಚೌಕಟ್ಟಿಗೆ ಕೊಡುಗೆ ನೀಡುವುದು ಸಾಧ್ಯವಾಗಿದೆ.

 

*****

(Release ID: 2167865)