اقلیتی امور کے مرکزی وزیر جناب کرن رجیجونے گرودوارہ بنگلہ صاحب میں منعقدہ سوچھتا ہی سیوا مہم 2025 میں شرکت کی۔

اقلیتی امور کے مرکزی وزیر جناب کرن رجیجونے گرودوارہ بنگلہ صاحب پارک میں صفائی کا حلف دلانے اور صفائی مہم میں حصہ لینے کے بعد اپنے خطاب کے دوران صفائی (سوچھتا) کی اہمیت پر زور دیا۔ جناب رجیجو نے کہا کہ سوچھتا پکھواڑہ17 ستمبر 2025 سے وزیر اعظم نریندر مودی کی سالگرہ کے موقع پر شروع ہوا ہے اور یہ 2 اکتوبر 2025 تک جاری رہے گا۔

مزید برآں، اقلیتی امور کے مرکزی وزیر جناب کرن رجیجونے  کہا کہ وزیر اعظم کا وژن "سب کا ساتھ، سب کا وکاس" صرف اسی وقت پورا ہوسکتا ہے جب اقلیتوں کی فلاح و بہبود اور بنیادی ڈھانچے کی ترقی کو یقینی بنایا جائے، جس کے لیے وزارتِ اقلیتی امور مختلف اسکیموں جیسے پردھان منتری وراثت  کا سنوردھن(پی ایم وکاس) اسکیم، پردھان منتری جن وکاس کاریہ کرم (پی ایم جے وی کے) وغیرہ کے ذریعے مسلسل کوششیں کر رہی ہے۔

اقلیتی امور کے مرکزی وزیر جناب کرن رجیجونے   دہلی سکھ گردوارہ مینجمنٹ کمیٹی(ڈی ایس جی ایم سی) کی وزیر اعظم کے وژن کو پورا کرنے کی کوششوں کی تعریف کی اور کہا کہ یہ کمیٹی نوجوانوں کی ہنر مندی کے فروغ کے لیے قابلِ ستائش کام کر رہی ہے۔

جناب رجیجو نے وزارتِ اقلیتی امور کے سکریٹری ڈاکٹر چندر شیکھر کمار، جوائنٹ سکریٹری جناب رام سنگھ اور جوائنٹ سکریٹری جناب شیرشا سی شیخ محی الدین کے ساتھ مل کر صفائی متروں کو صفائی کٹس بھی تقسیم کیں۔

جناب کرن رجیجو نے دھار، مدھیہ پردیش میں معزز وزیر اعظم کی جانب سے افتتاح کیے گئے سواستھ پریوار ابھیان کی وی سی (ویڈیو کانفرنس) میں بھی شرکت کی، جس میں وزارت کے تمام افسران نے بھی حصہ لیا اور وزیر اعظم کا پیغام سنا۔

***********

 

                                                                                                                                                                          

ش ح ۔   م    د ۔  م  ص

(U :   6161 )

(ریلیز آئی ڈی: 2167756) وزیٹر کاؤنٹر : 17