ఆరోగ్య పరిశోధన విభాగం (డీహెచ్‌ఆర్) స్వచ్ఛత విషయంలో తన నిబద్ధతను పునరుద్ఘాటిస్తోంది.. డీహెచ్‌ఆర్ తన స్వచ్ఛత పద్దతులకు సంస్థాగత రూపునివ్వడానికీ, ఐసీఎంఆర్ ప్రధాన కేంద్రంతో పాటు దేశమంతటా ఉన్న 27 సంస్థల్లోనూ పరిష్కారం కాకుండా మిగిలిపోయిన వ్యవహారాలను చక్కబెట్టడానికీ ఒక ‘స్పెషల్ క్యాంపెయిన్‌ 5.0’ను నిర్వహించనుంది.

 

డిపార్ట్‌మెంటు ఈ సంవత్సర ప్రచార ఉద్యమంలో ప్రధానంగా ఎలక్ట్రానిక్ వ్యర్థాల (ఈ-వేస్ట్)ను తొలగించడంపై శ్రద్ధ తీసుకొంటూ సన్నాహక దశలోనూ, అమలు దశలోనూ అవసరమైన చర్యలను చేపడుతుంది. క్యాంపెయిన్ అమలు దశలో, అంటే వచ్చేనెల (అక్టోబరు) 2 మొదలు 31 తేదీ మధ్య కాలంలో ఈ-వేస్ట్‌ను గుర్తించి, తొలగించాలంటూ ఆదేశాలను ఇప్పటికే జారీ చేశారు.

ఆరోగ్య పరిశోధన విభాగం ఐసీఎంఆర్‌, దేశం నలుమూలలా విస్తరించిన దాని 27 సంస్థల సహకారంతో కార్యాలయాలలో సమగ్ర స్వచ్ఛతను మెరుగుపరిచే దిశగా శ్రద్ధ తీసుకొంటుంది. పీఎంఓలోను, ఎంపీలకు సంబంధించి కొలిక్కిరాకుండా ఉన్న వ్యవహారాలను పరిష్కరించడంతో పాటు రికార్డుల నిర్వహణ వ్యవస్థలను పటిష్ఠపరడంపై దృష్టిపెడుతుంది. డిపార్ట్‌మెంటు ఈ  విషయంలో ఒక ఆఫీస్ మెమొరాండాన్ని నిన్న (ఈ నెల 15న) జారీ చేసింది.

‘ప్రత్యేక ప్రచార ఉద్యమం-5.0’లో భాగంగా, సన్నాహక దశలో గుర్తించిన లక్ష్యాలను సాధించడానికి ముమ్మర ప్రయత్నాలు చేస్తారు. ఆరోగ్య పరిశోధన విభాగానికి సంబంధించిన అన్ని కార్యాలయాల్లో పూర్తి స్వచ్ఛతను సాధించే దిశగా కృషి చేస్తారు. ప్రచార ఉద్యమ ప్రగతిని నోడల్ అధికారి పర్యవేక్షిస్తుంటారు.‌

***