نوجوانوں کے امور اور کھیل کی مرکزی وزیر مملکت محترمہ رکشا نکھل کھڈسے نے سابق مرکزی وزیر محترمہ پرنیت کور کے ساتھ آج سمانا اور سنور حلقوں کے سیلاب سے متاثرہ علاقوں کا دورہ کرکے زمینی صورتحال کا جائزہ لیا اور متاثرہ خاندانوں سے بات چیت کی۔

اس دورے کے تحت دُدھن گجرن، بدھ مور، محمودپور، جلن کھیری، سسی گجرن اور دھرمہیری جیسے مواضعات پر احاطہ کیا گیا جو ٹانگری، مرکاندا، اور گھگر جیسی ندیوں کی وجہ سے سیلاب سے بری طرح متاثر ہیں۔

جائزے کے دوران وزیر موصوف نے ضلعی انتظامیہ کو نقصان کی جامع رپورٹ تیار کرنے کی ہدایت کی تاکہ بروقت معاوضے میں توسیع کی جا سکے۔ کاشتکاروں نے ندیوں کو صاف کرنے، مستقل پشتوں اور پٹیالہ-پہوا سڑک کی فوری مرمت کے اپنے مطالبات کو اجاگر کیا، جو کروکشیتر کے لیے ایک اہم لائف لائن ہے۔

محترمہ کھڈسے نے یقین دلایا کہ یہ معاملات وزیر اعظم کے دفتر، سنٹرل واٹر کمیشن، اور روڈ ٹرانسپورٹ کی وزارت کے ساتھ اٹھائے جائیں گے، اور فوری طور پر ریلیف اور طویل مدتی سیلاب سے بچاؤ کے اقدامات کو یقینی بنایا جائے گا۔

سابق مرکزی وزیر محترمہ پرنیت کور نے یاد دلایا کہ پٹیالہ کو بھی 2023 میں اسی طرح کی تباہی کا سامنا کرنا پڑا تھا اور اس نے پنجاب، ہریانہ اور راجستھان کو شامل بین ریاستی حل کی فوری ضرورت پر زور دیا۔ انہوں نے کہا کہ وزیر اعظم نے تمام مرکزی وزرائے مملکت کو پنجاب بھر میں زمینی جائزہ لینے کی ہدایت کی ہے، جو اس بحران سے نمٹنے میں مرکز کی سنجیدگی کو ظاہر کرتا ہے۔

دونوں رہنماؤں نے وزیر اعظم نریندر مودی کی مسلسل رہنمائی اور حمایت، خاندانوں کو بروقت راحت اور لچک کے لیے طویل مدتی حکمت عملیوں کو یقینی بنانے کے لیے ان کا شکریہ ادا کیا۔

یہ دورہ دھرمہری گاؤں میں اختتام پذیر ہوا، جہاں کسان ہنسی – بُتانا نہر کے معاملے پر احتجاج کر رہے تھے۔ دونوں رہنماؤں کی طرف سے دی گئی یقین دہانیوں کے بعد، کسانوں نے اپنے تحفظات کو دور کرنے کے لیے مرکز کے عزم کو تسلیم کرتے ہوئے اپنا احتجاج ختم کر دیا۔

اس دورے کے دوران مقامی قائدین بشمول ضلع صدر جسپال سنگھ گگرولی، ہرمیش گوئل، سنور انچارج وکرم اندرجیت سنگھ چاہل، اور سمانا کے انچارج سریندر سنگھ کھرکی بھی موجود تھے۔

**********

 

(ش ح –ا ب ن)

U.No:6094

(Release ID: 2167371) Visitor Counter : 2