ইনভাইরোনমেন্ত, ফোরেষ্ট অমসুং ক্লাইমেত চেঞ্জ মিনিষ্ট্রিগী ই-ৱেষ্ট মেনেজমেন্ত রুলস, ২০২২ গী মতুংইন্না ই-ৱেষ্ট লোইশিনবদা মীৎয়েং অমা থমদুনা, ফিল্দ ওফিশিংদা থবক শুনবা মফমশিং হাংহন্নবা, ওক্তোবর ২ দগী ওক্তোবর ৩১, ২০২৫ ফাওবা স্পিসিএল কেম্পেন ৫.০ পাংথোক্নবা ভারত সরকারনা লাউথোক্লে।

লু-নান্না লৈনবা, রেকোর্দশিং ফজনা থম্নবা, অহাংবা মফম লৈহন্নবা অমসুং খুদোংচাদবশিং কোকহন্নবা স্পিসিএল কেম্পেন ৪.০ দা স্কিল দিবলপমেন্ত অমসুং ওন্ত্রেপ্রেন্যুরসিপ মিনিষ্ট্রি থৱায় য়াওনা শরুক য়াখ্রে। স্পিসিএল কেম্পেন ৪.০ মনুংদা মিনিষ্ট্রিনা মসিগী ওফিসশিং অমসুং ইন্সতিতুসনশিংদা লু-নানবগী থবকশিং পায়খৎখি, মীয়ামগী খুদোংচাদবা ৫০০ রোম মাইপাক্না কোকহনখি। অরিবা রেকোর্দশিং অমসুং ফাইলশিং লৌথোক্তুনা ইসক্বার ফিত ২১,০৮৭ রোমগী ওফিস স্পেস হাংহনখি, হেন্না নুংঙাইবা থবক শুফম ওইহনখি। কেম্পেন অসি  মাইপাক্না পাংথোকপদা স্কিল দিবলপমেন্ত অমসুং ওন্ত্রেপ্রেন্যুরসিপ মিনিষ্ট্রিগী মরী লৈনবা খুদিংমক্না মরুওইবা থৌদাং অমা লৌখি। পুন্না পায়খৎখিবা থবকশিং অদুনা লু-নানবা ওফিস অমা ওইনবা হেন্না ৱাখল তাহনখি অমসুং তুংকোইনা চৎনবা য়াবা মহৌশাগী অকোয়বা ফিবমগীদমক স্কিল দিবলপমেন্ত অমসুং ওন্ত্রেপ্রেন্যুরসিপ মিনিষ্ট্রিগী থবক অমুক হেন্না ফগৎহনখি।

স্পিসিএল কেম্পেন ৫.০ গী থৌরাং তৌনবা জোইন্ত সেক্রেতরি শ্রী এম সুব্রমনিয়ানগী লমজিং মখাদা মিনিষ্ট্রিগী মরী লৈনবা খুদিংমক শরুক য়াদুনা স্কিল দিবলপমেন্ত অমসুং ওন্ত্রেপ্রেন্যুরসিপ মিনিষ্ট্রিনা মীফম পাংথোকখ্রে। ই-ৱেষ্ট লোইশিনবা, ইনভাইরোনমেন্ত, ফোরেষ্ট অমসুং ক্লাইমেত চেঞ্জ মিনিষ্ট্রিগী ই-ৱেষ্ট মেনেজমেন্ত রুলস, ২০২২ ঙাক্না চৎপা, পন্দুনা লৈরকপা থবকশিং লোইশিনবা, মফম হাংহনবা অমসুং থবক শুবা নুংঙাইবা হেনগৎহনবা য়াওনা হিরম কয়াদা এত্তেচ/সর্বোদিনেত ওফিসশিং/ওতোনোমস বোদিশিং অমসুং ফিল্দ ওফিসশিংগী নোদেল ওফিসারশিং ৱাখল তাহনখি।

স্পিসিএল কেম্পেন ৪.০ ফজনা পাংথোকখিবগী খোঙজেল অদু মাঙলোমদা পুখৎনবা মিনিষ্ট্রিনা থাজবা পীখি অমসুং স্পিসিএল কেম্পেন ৪.৫ গী পান্দমশিং ফংনবা মতেং পাংনবা অমসুং হেন্না মশা নানবা অমসুং অফবা থবক শুফম লৈহন্নবা থাজবা থমখি।

***

(Release ID: 2167146) Visitor Counter : 2