سکریٹری، محکمہ مالیاتی خدمات، جناب ایم ناگ راجو نے آج نئی دہلی میں ڈی ایف ایس، آئی آر ڈی اے آئی، سرکاری انشورنس کمپنیوں کے سی ایم ڈی، نجی شعبے کی نمایاں لائف اور نان لائف انشورنس کمپنیوں کے سی ای او اور لائف انشورنس کونسل و جنرل انشورنس کونسل کے عہدیداروں کے ساتھ ایک اجلاس کی صدارت کی۔

یہ اجلاس جی ایس ٹی کونسل کے 56ویں اجلاس (3 ستمبر 2025) میں منظور کیے گئے تمام انفرادی لائف اور ہیلتھ انشورنس پالیسیوں پر جی ایس ٹی سے استثنا کے سلسلے میں منعقد کیا گیا۔ اجلاس کے دوران، سکریٹری نے اس بات پر زور دیا کہ ٹیکس میں کمی کے فوائد موجودہ اور نئے دونوں طرح کے پالیسی ہولڈروں تک پوری طرح پہنچنے چاہئیں۔

سکریٹری نے مزید ہدایت دی کہ انشورنس کمپنیاں فعال طور پر عوامی آگاہی مہمات چلائیں تاکہ ان اصلاحات کو اجاگر کیا جا سکے اور یہ بتایا جا سکے کہ یہ اقدامات کس طرح عام آدمی کے لیے انشورنس کو مزید سستا اور قابل رسائی بنائیں گے۔

یہ اقدام انشورنس کو زیادہ قابلِ رسائی اور کم لاگت بنانے کی توقع رکھتا ہے، جس سے مالی تحفظ مضبوط ہوگا اور ملک بھر میں انشورنس کے پھیلاؤ میں اضافہ ہوگا۔

اجلاس میں شریک معززین میں جناب سوا می ناتھن ایس ایئر، ممبر (لائف)، آئی آر ڈی اے آئی، جناب آر دورائی سوامی، سی ای او و ایم ڈی، لائف انشورنس کارپوریشن آف انڈیا، محترمہ گریجا سبرامنین، چیئرمین کم مینیجنگ ڈائریکٹر، نیو انڈیا ایشورنس کمپنی، جناب ترن چوگ، ایم ڈی و سی ای او، بجاج الیانز لائف انشورنس کمپنی لمیٹڈ، آئی سی آئی سی آئی لومبارڈ اور آدتیہ برلا سن لائف انشورنس کے سینیئر نمائندے، اور دیگر بڑی انشورنس کمپنیوں کے نمائندے شامل تھے۔

**********

ش ح۔ ف ش ع

   U: 6059

(Release ID: 2167014) Visitor Counter : 2