وزیر اعظم جناب نریندر مودی نے 15 ستمبر  ، 2025 ء کو مغربی بنگال کے کولکاتہ میں 16 ویں کمبائنڈ کمانڈرز کانفرنس (سی سی سی) کے دوران سلامتی کی صورتِ حال اور مسلح افواج کی آپریشنل تیاریوں کا جائزہ لیا ۔ وزیر اعظم کو آپریشن سندور کے ذریعے پیدا کردہ نیو نارمل کے تناظر میں آپریشنل تیاریوں اور ابھرتی ہوئی ٹیکنالوجی اور حکمت عملیوں کے درمیان جنگ کے مستقبل کے بارے میں بتایا گیا ۔ انہوں نے گزشتہ دو برسوں میں نافذ کی گئی اصلاحات اور اگلے دو برسوں کے منصوبے کا بھی جائزہ لیا ۔

وزیر اعظم نے آپریشن سندور کی کامیابی اور قوم کی تعمیر ، بحری قزاقی کے خلاف کارروائی ، تنازعات والے علاقوں سے بھارتی شہریوں کی محفوظ واپسی کے ساتھ ساتھ دوست ممالک کو انسانی امداد اور آفات سے نجات فراہم کرنے میں ، ان کے لازمی کردار کے لیے مسلح افواج کی ستائش کی ۔ 2025 ء کو دفاع میں ‘اصلاحات کا سال ’ قرار دیتے ہوئے ، انہوں نے وزارت ِدفاع کو ہدایت کی کہ وہ مستقبل کے چیلنجوں کا مقابلہ کرنے اور کسی بھی صورت حال سے نمٹنے کے لیے زیادہ سے زیادہ اتحاد ، آتم نربھرتا اور اختراع کے حصول کے لیے ٹھوس اقدامات کو تیزی سے نافذ کرے ۔

میٹنگ کے دوران وزیرِ دفاع جناب راج ناتھ سنگھ  کے ساتھ  قومی سلامتی کے مشیر جناب اجیت ڈوبھال اور دفاع کے وزیر مملکت جناب سنجے سیٹھ ، چیف آف ڈیفنس اسٹاف جنرل انیل چوہان ، چیف آف دی نیول اسٹاف ایڈمرل دنیش کے ترپاٹھی ، چیف آف دی آرمی اسٹاف جنرل اوپیندر دیویدی ، چیف آف دی ایئر اسٹاف ایئر چیف مارشل اے پی سنگھ ، سکریٹری دفاع جناب راجیش کمار سنگھ ، سکریٹری خارجہ جناب وکرم مسری ، سکریٹری (دفاعی پیداوار) جناب سنجیو کمار ، سکریٹری (سابق فوجیوں کی بہبود) ڈاکٹر نتن چندر ، سکریٹری ، محکمہ دفاع آر اینڈ ڈی اور چیئرمین ڈی آر ڈی او ڈاکٹر سمیر وی کامت ، مالیاتی مشیر (دفاعی خدمات) ڈاکٹر مینک شرما اور دیگر سینئر افسران بھی موجود تھے ۔

وزیر دفاع 16 ستمبر کو کمانڈروں اور 17 ستمبر کو چیف آف ڈیفنس سے خطاب کریں گے ۔

دو سال میں ایک بار منعقد ہونے والا یہ سی سی سی مسلح افواج کا اعلیٰ سطح کا ذہن سازی کا فورم ہے ، جو خیالات کے تبادلے اور بھارت کی فوجی تیاریوں کے سلسلے میں مستقبل کی ترقی کی بنیاد رکھنے کے لیے ، ملک کی اعلی ٰشہری اور فوجی قیادت کو یکجا کرنے کا کام کرتی  ہے ۔ اس سال کا موضوع ‘ اصلاحات کا سال-مستقبل کے لیے تبدیلی ’ ہے ، جو مسلح افواج کی جاری جدید کاری اور تبدیلی کے عمل کےعین مطابق ہے ۔

اگلے دو دنوں میں یہ کانفرنس تمام افواج کے تاثرات ، بڑھتی ہوئی عالمی غیر یقینی  کی صورتِ حال کے پیش نظر آپریشنل تیاریوں کے ساتھ ساتھ وزیر ِ اعظم کے ویژن کے نفاذ کے لیے روڈ میپ تیار کرنے کی خاطر بات چیت کی بنیاد پر مختلف ڈھانچی جاتی ، انتظامی اور آپریشنل معاملات کا جامع جائزہ لے گی ۔

سی سی سی 2025 اصلاحات ، تبدیلی اور عملی تیاری پر توجہ مرکوز کر رہی ہے ۔ مجموعی طور پر ، یہ ملٹی ڈومین آپریشنل تیاری کی اعلیٰ سطح کو برقرار رکھتے ہوئے ، ادارہ جاتی اصلاحات ، گہرے انضمام اور تکنیکی جدید کاری کے لیے مسلح افواج کے عزم کی عکاسی کرتی ہے ۔ بات چیت میں مسلح افواج کو مزید مضبوط کرنے کی کوشش کی جائے گی ، جو تیزی سے پیچیدہ جیو اسٹریٹجک منظر نامے میں چوکس اور فیصلہ کن ہیں ۔ جامع مشغولیت کی روایت کو جاری رکھتے ہوئے اور اس بات کو یقینی بناتے ہوئے کہ فیلڈ سطح کے نقطہ ٔنظر اعلی سطح پر بات چیت کو تقویت بخشتے ہیں  ، کانفرنس میں مسلح افواج کے مختلف رینکوں کے افسران اور اہلکاروں کے ساتھ انٹرایکٹو سیشن پیش کیے جائیں گے  ۔

 

.................. . ............................................. . ......................

( ش ح ۔ م م  ۔ ع ا )

U. No. 6037

 

(Release ID: 2166836) Visitor Counter : 2