خواتین و اطفال کی ترقی کے محکمہ کی مرکزی وزیرِ مملکت محترمہ ساوتری ٹھاکر نے ہماچل پردیش کے اُن مختلف علاقوں کا دورہ کیا جو حالیہ قدرتی آفات جیسے اچانک آنے والے سیلاب، ریزشِ زمین(لینڈ سلائڈ) اور بادل پھٹنے سے متاثر ہوئے تھے۔

وزیرِ موصوفہ نے کلو–منالی روٹ کے کئی مقامات کا معائنہ کیا جن میں وشنو ماتا مندر، سبزی منڈی (بندرول)، رائیسَن، ڈولُو نالہ، فوزل نالہ، ڈواڈا وہال، جاٹےہڑ وہال (پتلی کوہل)، نالسُو نالہ، مانالسُو نالہ، سولنگ، پلچنگ، سمعان، بہانگ اور بیاس ندی کے کنارے واقع 14ویں، 15ویں، 16ویں اور 17ویں میل کے علاقے شامل ہیں۔

ان علاقوں میں شدید بارش اور ریزشِ زمین کے سبب سڑکوں کے رابطے کو شدید نقصان پہنچا تھا۔ مرکزی حکومت اور نیشنل ہائی ویز اتھارٹی آف انڈیا (این ایچ اے آئی) کی مسلسل کوششوں سے ٹریفک کی آمد و رفت بحال کرنے اور متاثرہ آبادی کو فوری ریلیف فراہم کرنے کے لیے ٹوٹی پھوٹی سڑکوں کی مرمت اور ازسرِ نو تعمیر جنگی بنیادوں پر کی جارہی ہے۔

دورے کے دوران محترمہ ٹھاکر نے متاثرہ کنبوں سے ملاقات کی، اُن کے مسائل سنے اور جاری راحت و بحالی اقدامات کی پیش رفت کا جائزہ لیا۔

*****

ش ح۔ ش ا ر۔ ول

Uno-5965

 

(Release ID: 2166299) Visitor Counter : 2