नवी दिल्ली, 10 सप्टेंबर 2025 

जगातील सर्वात वेगाने वाढणारी मोठी अर्थव्यवस्था म्हणून भारताचा उल्लेखनीय प्रवास हा समावेशक, शाश्वत आणि लवचिक विकासासाठी देशाच्या वचनबद्धतेची पुष्टी करणारा आहे, असे केंद्रीय वाणिज्य आणि उद्योग मंत्री पीयूष गोयल यांनी आज फिक्की लीड्स 2025 (FICCI Leads 2025 ) मध्ये बीजभाषण करताना सांगितले. मंत्री म्हणाले की, विविध देशांनी एकत्र येणे, एकत्र काम करणे, एकत्र राहणे आणि एकत्र वाढणे हे खूप महत्त्वाचे आहे. नेतृत्व, उत्कृष्टता, समसरता, विविधता आणि शाश्वतता यावर जागतिक संवाद घडवून आणल्याबद्दल त्यांनी फिक्कीच्या नेतृत्वाचे कौतुक केले. 

भारतातील मजबूत लोकशाही चौकट, सुरक्षित गुंतवणूक वातावरण आणि तरुण आकांक्षी लोकसंख्या यांचा उल्लेख करत गोयल म्हणाले की, भारत येत्या काही दशकांमध्ये जगातील सर्वात वेगाने वाढणारी मोठी अर्थव्यवस्था होईल. ते पुढे म्हणाले की, भारताची विकासगाथा केवळ देशांतर्गत प्रगतीबद्दलच नसून जागतिक समृद्धी, मुक्त व्यापार आणि जगभरातील लोकांसाठी उच्च दर्जाचे जीवनमान निर्माण करण्याबद्दल देखील आहे.

आपल्या भाषणाचा समारोप करताना मंत्री म्हणाले की, आपले भविष्य लवचिकता, समावेशकता आणि जागतिक भागीदारी यांच्या सहाय्याने पुढे नेणारे आहे. त्यांनी विश्वास व्यक्त केला की फिक्की लीड्स सारखे उपक्रम चांगल्या जगासाठी सहकार्य आणि नवोन्मेषाची प्रेरणा देत राहतील.

सुवर्णा बेडेकर/नंदिनी मथुरे/प्रिती मालंडकर

 

सोशल मिडियावर आम्हाला फॉलो करा:@PIBMumbai    /PIBMumbai    /pibmumbai  pibmumbai[at]gmail[dot]com  /PIBMumbai    /pibmumbai

 

(Release ID: 2165478) Visitor Counter : 2