প্রধান মন্ত্রী শ্রী নরেন্দ্র মোদীনা ময়াই তাংবল লৌদুনা ফমখিবা কেন্দ্রগী মন্ত্রী-মন্দলনা সেকেন্দরী সোর্সশিংদগী ক্রিতিকেল মিনরেলশিং খায়দোক্নবা অমসুং পুথোক্নবা লৈবাক অসিদা রিসাইকলিং কেপাসিতী দিবেলপ তৌনবগীদমক লুপা করোর 1,500গী ইন্সেন্তিব স্কিম অমা ঙসি অয়াবা পীখ্রে।

স্কিম অসি নেস্নেল ক্রিতিকেল মিনরেল মিসন (NCMM)গী শরুক অমনি, মসিনা ক্রিতিকেল মিনরেলশিংগী লমদা দোমেস্তিক কেপাসিতী অমসুং সপ্লাই চেনগী রেসিলিয়েন্স শেমগৎনবা পান্দম থম্মি। এক্সপ্লোরেসন, নিলাম অমসুং মাইন্স ওপরেস্নেলাইজেসন, অমসুং ফোরেন এসেৎশিং লৌশিনবা অসি য়াওবা ক্রিতিকেল মিনরেল ভেল্যু চেন অসিগী মখোয়না ভারতকী ইন্দস্ত্রীদা ক্রিতিকেল মিনরেলশিং সপ্লাই তৌদ্রিঙৈ মমাংদা জেস্তেসন পেরিয়দ অমা লৈ। অতেনবা মতমগী ওইনা সপ্লাই চেনগী সস্তেনেবিলিতী অসি ফংহন্নবা চেকশিন্না লৌখৎপা পাম্বৈ অমা হায়রগদি সেকেন্দরী সোর্সশিং রিসাইকল তৌবনা ওইরি।

স্কিম অসি FY 2025-26দগী FY 2030-31 ফাওবগী চহি তরুক্কী মতমগী ওইনা চৎনগনি। ই-ৱেস্ত, লিথিয়ম আইওন বেতরী (LIB) স্ক্রেপ, অমসুং ই-ৱেস্ত অমসুং LIB স্ক্রেপ নত্তবা স্ক্রেপ খুদম ওইনা এন্দ-ওফ-লাইফ ভেহিকলশিংদা য়াওরিবা কেতালাইতিক কনভর্তরশিং অসি ইলিজিবল ফীদস্তোকনি। মসিগী বেনিফিসরীশিং ওইবা য়াবা অসি স্কিম অসিগী শেনফমগী শরুক অহুম থোকপগী অমা খাক্তুনা থম্মিবা, অচৌবা, এস্তাব্লিশ তৌরবা রিসাইকলরশিং লোয়ননা অপীকপা, অনৌবা রিসাইকলরশিং (স্তার্ত-অপশিং য়াওনা) অনিমক ওইগনি। স্কিম অসি অনৌবা য়ুনিতশিংদা ইনভেস্তমেন্ত তৌবদা অমসুং কেপাসিতী পাকথোক চাউথোকহনবদা/ মোদর্নাইজেসন অমসুং হৌজিক লৈরিবা য়ুনিতশিংগী দাইবর্সিফিকেসনদা চৎনগনি। স্কিম অসিনা মরুওইবা মিনরেলশিং তশেংনা পুথোকপদা য়াওরিবা রিসাইকলিং ভেল্যু চেনবু ইন্সেন্তিব পীগনি, অমসুং ব্লেক মাস প্রদক্সন খক্তদা য়াওরিবা ভেল্যু চেনদি ইন্সেন্তিব পীরোই।

স্কিম অসিগী মখাদা ইন্সেন্তিবশিংগী মনুংদা প্লান্ত অমসুং মেছিনরী, ইক্বিপমেন্ত অমসুং মসিগা মরী লৈনবা য়ুতিলিতীশিংদা অকক্নবা মতমগী মনুংদা পুথোকপা হৌনবগীদমক 20%গী কেপেক্স সবসিদী য়াওগনি, মসিগী মখা চৎথরকপদদি হন্থবা সবসিদী চৎনগনি; অমসুং ওপেক্স সবসিদী অসি বেজ চহি (FY 2025-26)দা ইনক্রিমেন্তেল সেল্সতা ইন্সেন্তিব অমা ওইগনি, হায়বদি, অনিশুবা চহিদা ইলিজিবল ওইরবা ওপেক্স সবসিদীগী 40% অমসুং অকক্নবা থ্রেশহোল্দ ইনক্রিমেন্তেল সেল্স ফংলবা মতুংদা FY 2026-27দগী FY 2030-31  ফাওবগী মনুংদা মঙাশুবা চহিদা লেমহৌরিবা 60% ওইগনি। বেনিফিসরী মশিং য়াম্না ফংহন্নবা, এন্তিতী অমদা অপুনবা ইন্সেন্তিব (কেপেক্স প্লস ওপেক্স সবসিদী) অসি অচৌবা এন্তিতীশিংগী ওইনা লুপা করোর 50 অমসুং অপীকপা এন্তিতীশিংগী ওইনা লুপা করোর 25গী অপুনবা সিলিংগী মখাদা লৈগনি, মসিগী মনুংদা মথংশিৎনা ওপেক্স সবসিদীগী ওইনা লুপা করোর 10 অমসুং লুপা করোর 5গী সিলিং লৈগনি।

মরুওইবা মহৈশিংগী মতাংদা, স্কিম অসিগী ইন্সেন্তিবশিংনা চহিগী ওইবা রিসাইকলিং কেপাসিতী য়ামদ্রবদা কিলোগ্রাম তন 270 পুথোকপা ঙমগনি হায়না পানরি মসিনা মরম ওইদুনা চহিগী ওইনা ক্রিতিকেল মিনরেল পুথোকপা কিলোগ্রাম তন 40 ওইদুনা মসিনা লুপা করোর 8,000গী ইনভেস্তমেন্ত পুরক্লগনি অমসুং হকথেংননা অমসুং নাকোইননা থবক 70,000গী ময়াদা ফংহল্লগনি। অখন্নবা মীফমশিং, সেমিনার সেসনশিং অসিনচিংবা পাংথোকপগী খুত্থাংদা স্কিম অসি শেমদ্রিঙৈ মমাংদা ইন্দস্ত্রী অমসুং অতোপ্পা স্তেকহোল্দরশিংগা খন্ন-নৈনবা কয়ামরুম পাংথোকখি।

*****