ٹیلی کام اتھارٹی آف انڈیا(ٹرائی) نے آج 30 جون 2025 کو ختم ہونے والی سہ ماہی کے لیے ’انڈین ٹیلی کام سروسز پرفارمنس انڈیکیٹر رپورٹ‘ جاری کی۔ یہ رپورٹ ہندوستان میں ٹیلی کام خدمات کا ایک وسیع تناظر فراہم کرتی ہے اور یکم اپریل 2025 سے 30 جون 2025 تک کی مدت کے لیے ہندوستان میں ٹیلی کام خدمات کے ساتھ ساتھ کیبل ٹی وی ، ڈی ٹی ایچ اور ریڈیو براڈکاسٹنگ خدمات کے اہم پیرامیٹرز اور ترقی کے رجحانات پیش کرتی ہے ۔

اس رپورٹ کی ایگزیکٹو سمری ساتھ منسلک ہے۔ مکمل رپورٹ ٹرائی (ٹی آر اے آئی) کی ویب سائٹ (www.trai.gov.in اور لنک http://www.trai.gov.in/release-publication/reports/performance-indicators-reports پر دستیاب ہے۔ اس رپورٹ سے متعلق کسی بھی تجویز یا وضاحت کے لیے، جناب وجے کمار، مشیر (ایف اینڈای اے)،ٹرائی سے فون نمبر +91-20907773  اورای میل advfea1@trai.gov.in پر رابطہ کیا جا سکتا ہے۔

 

انڈین ٹیلی کام سروسز پرفارمینس انڈیکیٹرز

اپریل–جون، 2025

ایگزیکٹو سمری

1. انٹرنیٹ صارفین کی کل تعداد مارچ-25 کے آخر میں 969.10 ملین سے بڑھ کر جون-25 کے آخر میں 1002.85 ملین ہو گئی، جس میں سہ ماہی شرح نمو 3.48 فیصد ہے۔ 1002.85 ملین انٹرنیٹ صارفین میں سے وائرڈ انٹرنیٹ صارفین کی تعداد 44.71 ملین اور وائرلیس انٹرنیٹ صارفین کی تعداد 958.14 ملین ہے۔

انٹرنیٹ سبسکرپشن کی تشکیل

2. انٹرنیٹ صارفین بیس میں 979.71 ملین براڈبینڈ انٹرنیٹ صارفین اور 23.14 ملین نیر وبینڈ انٹرنیٹ صارفین شامل ہیں۔
3. براڈبینڈ انٹرنیٹ صارفین کی تعداد مارچ 2025 کے آخر میں 944.12 ملین سے بڑھ کر جون 2025 کے آخر میں 979.71 ملین ہو گئی، جو 3.77 فیصد کا اضافہ ہے۔ نیر وبینڈ انٹرنیٹ صارفین کی تعداد مارچ 2025 کے آخر میں 24.98 ملین سے کم ہو کر جون 2025 کے آخر میں 23.14 ملین رہ گئی۔
4. وائر لائن صارفین کی تعداد مارچ 2025 کے آخر میں 37.04 ملین سے بڑھ کر جون 2025 کے آخر میں 47.49 ملین ہو گئی، جو سہ ماہی بنیاد پر 28.20 فیصد اضافہ ہے۔ سال بہ سال (وائی-او -وائی) بنیاد پر وائر لائن سبسکرپشن میں 35.26 فیصد اضافہ ریکارڈ کیا گیا۔
5. وائر لائن ٹیلی ڈینسٹی مارچ 2025 کے آخر میں 2.62 فیصد سے بڑھ کر جون 2025 کے آخر میں 3.36 فیصد ہو گئی، جو سہ ماہی بنیاد پر 27.92 فیصد کا اضافہ ہے۔
6. وائرلیس سروس کے لیے ماہانہ اوسط آمدنی فی صارف (اے آر پی یو) مارچ 2025 میں 182.95 روپے سے بڑھ کر جون 2025 میں 186.62 روپے ہو گئی، جو 2 فیصد کا اضافہ ہے۔ سال بہ سال بنیاد پر اس سہ ماہی میں وائرلیس سروس کا (اے آر پی یو)  18.52 فیصد  کا اضافہ ہوا۔
7. جون 2025 کی سہ ماہی  کے لیے پری پیڈسیگمنٹ کے لیے ماہانہ اے آر پی یو 187 روپے اور پوسٹ پیڈسیگمنٹ کے لیے ماہانہ اے آر پی یو182.72 روپے ہے۔
8. کل ہند اوسط کی بنیاد پر مجموعی ایم او یو  مارچ 2025 میں 1026 سے کم ہو کر جون 2025 میں 1006 ہو گیا، جو 1.93 فیصد کی کمی ہے۔
9. جون 2025 میں پری پیڈ صارف فی ایم او یو 1055 رہا جبکہ پوسٹ پیڈ صارف فی ایم او یو 503 رہا۔
10. ٹیلی کام سروس سیکٹر کی مجموعی آمدنی (جی آر)، قابل اطلاق مجموعی آمدنی (اے پی جی آر) اور ایڈجسٹڈ مجموعی آمدنی (اے جی آر) بالترتیب 96,646 کروڑ، 92,250 کروڑ اور 81,325 کروڑ روپے رہی (جون 2025 سہ ماہی)۔ گزشتہ سہ ماہی کے مقابلے میں جی آر میں 1.63 فیصد کمی، اے پی جی آر میں 0.40 فیصد کمی جبکہ اے جی آر میں 2.65 فیصد اضافہ ہوا۔
11. سال بہ سال بنیاد پر، جون 2025 سہ ماہی میں جی آر، اے پی جی آر اور اے جی آر کی شرح نمو بالترتیب 12.34 فیصد، 11.03 فیصد اور 15.26 فیصد رہی۔
12. پاس تھرو چارجز مارچ 2025 میں 12,982 کروڑ روپے سے کم ہو کر جون 2025 میں 10,457 کروڑ روپے رہے، یعنی سہ ماہی بنیاد پر 19.45 فیصد کمی۔ سال بہ سال بنیاد پر بھی پاس تھرو چارجز میں 16.75 فیصد کمی ریکارڈ ہوئی۔
13. لائسنس فیس مارچ 2025 میں 6,340 کروڑ روپے سے بڑھ کر جون 2025 میں 6,506 کروڑ روپے ہو گئی۔ اس سہ ماہی میں لائسنس فیس میں سہ ماہی بنیاد پر 2.63 فیصد اور سال بہ سال بنیاد پر 15.25 فیصد اضافہ ہوا۔

ایڈجسٹ شدہ مجموعی محصول کی خدمت وارتشکیل

14. رسائی خدمات(ایکسس سروسز) نے ٹیلی کام خدمات کی کل ایڈجسٹڈ گراس ریونیو میں 83.62 فیصد کا حصہ ڈالا ۔  رسائی کی خدمات میں ، مجموعی محصول (جی آر) قابل اطلاق مجموعی محصول (اے پی جی آر) ایڈجسٹڈ گراس ریونیو (اے جی آر) لائسنس فیس ، اسپیکٹرم یوزج چارجز (ایس یو سی) اور پاس تھرو چارجز میں 25 جون کو بالترتیب منفی2.56 فیصد ،منفی1.10 فیصد ، 2.16 فیصد ، 2.15 فیصد ، 0.54 فیصد اورمنفی23.02 فیصد کا اضافہ ہوا ۔
15. ہندوستان میں کل ٹیلی فون صارفین کی تعداد مارچ 2025 کے آخر میں 1,200.80 ملین سے بڑھ کر جون 2025 کے آخر میں 1,218.36 ملین ہو گئی ، جو گزشتہ سہ ماہی کے مقابلے میں 1.46 فیصد اضافے کی شرح ہے ۔  یہ گزشتہ سال کی اسی سہ ماہی کے مقابلے میں 1.06 فیصد کی شرح نمو کی عکاسی کرتا ہے ۔  ہندوستان میں مجموعی ٹیلی کثافت  مارچ 2025کے آخر میں 85.04 فیصد سے بڑھ کر  جون 2025 کے آخر میں 86.09 فیصد ہو گئی ۔

ہندوستان میں ٹیلی فون صارفین اور ٹیلی کثافت کے  رجحانات

16. شہری علاقوں میں ٹیلی فون صارفین  مارچ 2025کے آخر میں 666.11 ملین سے بڑھ کر جون 2025 کے آخر میں 679.86 ملین ہو گئے اور اسی عرصے کے دوران شہری ٹیلی کثافت بھی 131.45 فیصد سے بڑھ کر 133.56 فیصد ہو گئی ۔
17. دیہی ٹیلی فون صارفین مارچ 2025کے آخر میں 534.69 ملین سے بڑھ کر جون 2025کے آخر میں 538.50 ملین ہو گئے اور اسی عرصے کے دوران دیہی ٹیلی کثافت بھی 59.06 فیصد سے بڑھ کر 59.43 فیصد ہو گئی ۔
18. کل سبسکرپشن میں سے دیہی سبسکرپشن کا حصہ  مارچ 2025 کے آخر میں 44.53 فیصد سے کم ہو کر جون2025 کے آخر میں 44.20 فیصد رہ گیا ۔

ٹیلی فون سبسکرائبرز کی تشکیل

19. اس سہ ماہی کے دوران 7.12 ملین سبسکرائبرز کے خالص اضافہ کے ساتھ، وائرلیس موبائل( + 5جی ایف ڈبلیو اے) سبسکرائبر بیس مارچ-2025 کے آخر میں 1163.76 ملین سے جون-2025 کے آخر میں 1170.88 ملین تک بڑھ گیا، جو گزشتہ سہ ماہی کے مقابلے میں 0.61فیصد کی شرح نمو کو ظاہر کرتا ہے۔ سالانہ بنیاد پر، وائرلیس سبسکرپشنز میں سال کے دوران 0.03فیصد کی شرح سے اضافہ ہوا۔
20. وائرلیس موبائل(+ 5جی ایف ڈبلیو اے) ٹیلی ڈینسٹی مارچ-2025 کے آخر میں 82.42فیصد سے جون-2025 کے آخر میں 82.74فیصد تک بڑھ گئی، جس کی سہ ماہی بنیاد پر شرح نمو 0.39فیصد رہی۔
21. اس سہ ماہی کے دوران 6.04 ملین سبسکرائبرز کے خالص اضافہ کے ساتھ، وائرلیس (موبائل) سبسکرائبر بیس مارچ-2025 کے آخر میں 1156.99 ملین سے جون-2025 کے آخر میں 1163.03 ملین تک بڑھ گیا، جو گزشتہ سہ ماہی کے مقابلے میں 0.52فیصد کی شرح نمو کو ظاہر کرتا ہے۔ سالانہ بنیاد پر، وائرلیس سبسکرپشنز میں سال کے دوران 0.64فیصدکی شرح سے کمی ہوئی۔
22. وائرلیس (موبائل) ٹیلی ڈینسٹی مارچ-2025کے آخر میں 81.94فیصد سے جون-25 کے آخر میں 82.18فیصد تک بڑھ گئی، جس کی سہ ماہی بنیاد پر شرح نمو 0.30فیصد رہی۔
23. اس سہ ماہی کے دوران، کیو او ایس بینچ مارکس کے لحاظ سے درج ذیل پیرامیٹرز تمام ایل ایس ایز میں وائر لائن سروس فراہم کنندگان کے ذریعہ مکمل طور پر نافذ کیے گئے ہیں:

24. اس سہ ماہی کے دوران ، کیو او ایس پیرامیٹرز کی فہرست جن کی تمام ایل ایس ایز میں تمام رسائی سروس (وائرلیس) فراہم کنندگان نے مکمل تعمیل کی ہے:-

25. کیو او ایس پیرامیٹرز کی فہرست جن کی مکمل تعمیل تمام براڈ بینڈ (وائر لائن) سروس فراہم کرنے والے تمام سروس ایریاز میں کرتے ہیں:-

26. اطلاعات و نشریات کی وزارت (ایم آئی بی) نے تقریباً 912 نجی سیٹلائٹ ٹی وی چینلز کو صرف اپ لنکنگ / صرف ڈاؤن لنکنگ / دونوں اپ لنکنگ اور ڈاؤن لنکنگ کے لیے اجازت دی ہے۔
27. 3 مارچ 2017 کے ٹیرف آرڈر کے تحت براڈکاسٹرز کی جانب سے دی گئی رپورٹنگ کے مطابق، جن میں ترامیم کی گئی ہیں، بھارت میں ڈاؤن لنکنگ کے لیے دستیاب 902 اجازت یافتہ سیٹلائٹ ٹی وی چینلز میں سے، 30 جون 2025 تک 333 سیٹلائٹ پے ٹی وی چینلز ہیں۔ ان 333 پے چینلز میں سے، 232 ایس ڈی سیٹلائٹ پے ٹی وی چینلز اور 101 ایچ ڈی سیٹلائٹ پے ٹی وی چینلز ہیں۔
28. 30 جون 2025 کی سہ ماہی کے دوران، ملک میں 4 پے ؍ڈی ٹی ایچ سروس فراہم کنندگان موجود تھے۔
29. ڈی ٹی ایچ نے کل فعال سبسکرائبر بیس تقریباً 56.07 ملین حاصل کر لیا ہے۔ یہ دور درشن کے مفت ڈی ٹی ایچ سروس ڈی ڈی فری ڈش کے سبسکرائبرز کے علاوہ ہے۔ کل فعال سبسکرائبر بیس مارچ 2025 کی سہ ماہی میں 56.92 ملین سے جون 2025 کی سہ ماہی میں 56.07 ملین تک کم ہوا۔
30.  پبلک براڈکاسٹر آل انڈیا ریڈیوکے ذریعہ چلائے جانے والے ریڈیو چینلز کے علاوہ، ایف ایم ریڈیو آپریٹرز کی جانب سے  ٹرائی  کو دی گئی رپورٹ کے مطابق، 31 مارچ 2025 تک، 33 نجی ایف ایم ریڈیو آپریٹرز کی جانب سے 113 شہروں میں 388 آپریشنل نجی ایف ایم  ریڈیو چینلز موجود تھے۔ سہ ماہی ختم ہونے تک 30 جون 2025 تک’اُدے ایف ایم پرائیویٹ لمیٹیڈ‘کا ایک چینل کال ریڈیو لمیٹیڈمیں ضم کر دی گیا۔ اب جون 2025 تک، 32 نجی ایف ایم ریڈیو آپریٹرز کے تحت 113 شہروں میں 388 آپریشنل نجی ایف ایم ریڈیو چینلز موجود ہیں۔
31. سہ ماہی ختم ہونے تک 30 جون 2025 تک388 نجی ایف ایم ریڈیو چینلز کی جانب سے ایف ایم ریڈیو آپریٹرز کی رپورٹ کردہ اشتہاری آمدنی 383.14 کروڑ روپے رہی، جبکہ گزشتہ سہ ماہی 31 مارچ 2025 میں یہ 466.63 کروڑ روپے تھی۔
32. 30 جون 2025 تک، 540 کمیونٹی ریڈیو اسٹیشنز آپریشنل ہیں۔

اسنیپ شاٹ

(30 جون 2025 کو ختم ہونے والی سہ ماہی تک اعداد و شمار)

ٹیلی کام سبسکرائبرز (وائرلیس+وائر لائن)

 

 

 

 

*******

ش ح۔  م م ۔ص ج

U.NO. 5613

(Release ID: 2163427) Visitor Counter : 2