بھاری صنعتوں کی وزارت (ایم ایچ آئی) نے حکومت ہند کے سوچھ بھارت مشن کے حصے کے طور پر 16 سے 31 اگست 2025 تک کامیابی کے ساتھ سوچھتا پکھواڑا  کا انعقاد کیا۔  یہ مشن ملک بھر میں صفائی ستھرائی اور پائیداری کو فروغ دے رہا ہے ۔  یہ دو ہفتے کی مہم حکومت ہند کی طرف سے جاری کردہ سوچھتا پکھواڑہ 2025 کے کیلنڈر کے بعد چلائی گئی ۔  اس سرگرمی نے صفائی ستھرائی کو ایک مشترکہ  ذمہ داری  بنانے اور کام  کاج کا ایک پائیدار ماحول پیدا کرنے کے لیے بھاری صنعتوں کی وزارت (ایم ایچ آئی) کے عزم کو ظاہر کیا۔

اس تقریب کا آغاز 18 اگست 2025 کو بھاری صنعتوں کی وزارت (ایم ایچ آئی) کے افسران اور عہدیداروں کے ذریعے صفائی ستھرائی سے متعلق حلف برداری کی تقریب سے ہوا ۔  ڈاکٹر حنیف قریشی ، ایڈیشنل سکریٹری ، ایم ایچ آئی نے وزارت کے تمام افسران اوراہلکاروں کو حلف دلایا ۔

بھاری صنعتوں کی وزارت کے ایڈیشنل سکریٹری ڈاکٹر حنیف قریشی وزارت کے افسران اوراہلکاروں کو ‘صفائی ستھرائی سے متعلق’ حلف  دلا رہے ہیں۔

پورے پندرہ دن کے دوران ، وزارت کے احاطے میں صفائی ستھرائی  اور پائیداری کو فروغ دینے کے لیے مختلف سرگرمیاں انجام دی گئیں ، جن میں درج ذیل شامل ہیں:

• ادیوگ بھون کے تمام کمروں ، سیڑھیوں ، گلیاروں اور عام علاقوں میں  صفائی ستھرائی کی گئی۔
• کام  کاج کی جگہوں کو صاف  ستھرا رکھنے  کے لیے غیر استعمال شدہ فرنیچر ، کمپیوٹر ، پرنٹر اور دیگر فرسودہ اشیاء کو ہٹایا گیا۔
• ایک بار استعمال ہونے والے پلاسٹک کی حوصلہ شکنی اور ماحول دوست متبادل کو اپنانے کی حوصلہ افزائی کے لیے بیداری مہم چلائی گئی ۔
• ‘سوچھ بھارت ابھیان’  کے موضوع پر مضمون  نویسی کے  ایک مقابلے کا اہتمام کیا گیا۔ جس میں ایم ایچ آئی کے افسران اورعہدیداروں نے حصہ لیا ۔

وزارت کے گلیاروں میں صفائی ستھرائی رکھنے پر خاص توجہ دی گئی۔

ادیوگ بھون کے احاطے کے اندر صفائی ستھرائی رکھنے کے لیے  29 اگست ، 2025 کو ، سوچھتا پکھواڑے کے ایک حصے کے طور پر ، بھاری صنعتوں کی وزارت کے جوائنٹ سکریٹری ، جناب وجے متل نے وزارت کے کارکنوں کو ان کی غیر متزلزل خدمات اور وزارت کے احاطے کو صاف ستھرا رکھنے میں ان کے  شاندار عزم کے اعتراف میں تحائف سے  نوازا ۔

بھاری صنعتوں کی وزارت کے جوائنٹ سکریٹری جناب وجے متل نے وزارت کے ایک کارکن کو اعزاز سے نوازا

سوچھتا پکھواڑہ (16-31 اگست ، 2025) کے حصے کے طور پر بھاری صنعتوں کی وزارت کے تحت ایک سی پی ایس ای بھارت ہیوی الیکٹرکلز لمیٹڈ (بی ایچ ای ایل) نے صفائی ستھرائی اور پائیداری کو فروغ دینے کے لیے اپنی یونٹوں میں متعدد اقدامات کا انعقاد کیا۔   18 اگست 2025 کو بی ایچ ای ایل کی رانی پیٹ ، تروچی ، حیدرآباد ، بھوپال اور دہلی یونٹوں میں ایگزیکٹو ڈائریکٹرز کے ذریعے بیداری  لانےکے  بینرز کی نمائش کی گئی  اور حلف برداری کی تقریبات کا انعقاد کیا گیا ۔  حیدرآباد اور بھوپال میں سڑک کی صفائی کے ساتھ ساتھ تروچی میں ڈی ٹی جی کے احاطے اور رانی پیٹ میں اسٹورز سمیت مختلف سہولیات پر صفائی ستھرائی  مہم چلائی گئی ۔  یہ کوششیں سوچھ بھارت مشن کے ساتھ مل کر ایک صاف ستھرے ، سرسبز اور پائیدار ہندوستان کے لیے بی ایچ ای ایل کے عزم کی عکاسی  کرتی ہیں ۔

بی ایچ ای ایل ، دہلی کے صنعتی شعبے میں سوچھتا پکھواڑہ بیداری کے بینر کی نمائش کی گئی

بھارت ہیوی الیکٹرکلز لمیٹڈ (بی ایچ ای ایل) کی جانب سے صفائی  ستھرائی مہم

بھاری صنعتوں کی وزارت کے تحت دیگر مرکزی پبلک سیکٹر انٹرپرائزز (سی پی ایس ایز) نے بھی 16 سے 31 اگست 2025 تک سوچھتا پکھواڑے میں فعال طور پر حصہ لیا ۔  انسٹرومینٹیشن لمیٹڈ نے آئی ایل نرسری اسکول کے اساتذہ اور بچوں کے لیے سوچھتا  سے متعلق  ایک بیداری پروگرام کا انعقاد کیا ، جنہوں نے اسکول اور اس کے احاطے کے سامنے صفائی مہم میں بھی حصہ لیا ۔  این ای پی اے لمیٹڈ نے ڈرائر سیکشن بیسمنٹ اور پیپر مشین بیک سائیڈ ایریا میں پیپر مشین کے عملے کے ذریعے صفائی مہم چلائی ، جس میں کام کاج کی جگہ کی صفائی ستھرائی پر  توجہ مرکوز کی گئی ۔  سیمنٹ کارپوریشن آف انڈیا نے اپنے بوکاجان یونٹ میں شجرکاری مہم کا انعقاد کیا ، جس میں ملازمین اور کمیونٹی کے ارکان نے شرکت کی ۔

سی سی آئی  کی طرف سے اس کے بوکاجن یونٹ میں  پودے لگائے گئےجو ViksitBharat@2047 کے وژن کو بااختیار بنانے کی سمت میں بھاری صنعتوں کی وزارت، سوچھتا پکھواڈا 2025 کے  کامیاب  انعقاد  اورسوچھ بھارت مشن سے اس کی وابستگی کو ظاہر کرتا ہے۔ صفائی ،ستھرائی، بیداری،پائیداری، اور اجتماعی ذمہ داری کو فروغ دے کر، بھارتی صنعتوں کی وزارت  ایک صاف ستھرا، صحت مند، اور زیادہ ترقی یافتہ ہندوستان میں اپنا تعاون دے رہا ہے۔ جو آنے والی نسلوں کے لیے ایک پائیدار مستقبل کو یقینی بنا ئے گا۔

***

ش ح۔م م ع۔خ م

U.NO.5584