زراعت اور کسانوں کی بہبود اور دیہی ترقی کے مرکزی وزیر جناب شیوراج سنگھ چوہان 29 اگست  بروز جمعہ کرناٹک کے ایک روزہ دورے پر ہوں گے ، جہاں وہ کئی پروگراموں میں شرکت کریں گے ۔

صبح میں مرکزی وزیر میسورو میں واقع ستورمٹھ  میں ڈاکٹر شیوراتری راجندر مہاسوامی جی کے 110 ویں یوم پیدائش کی تقریبات میں شرکت کریں گے ۔  اس موقع پر وہ شجرکاری پروگرام میں حصہ لیں گے اور عقیدت مندوں سے بات چیت کریں گے ۔  بعد میں جناب چوہان بنگلورو میں انڈین کونسل آف ایگریکلچرل ریسرچ (آئی سی اے آر) کے اداروں کا دورہ کریں گے ۔  وہ سب سے پہلے نیشنل بیورو آف ایگریکلچرل انسیکٹ ریسورسز (آئی سی اے آر-این بی اے آئی آر) کا دورہ کریں گے جہاں وہ شجرکاری کی سرگرمی میں حصہ لیں گے ، وہ نیشنل انسیکٹ میوزیم اور لائیو انسیکٹ ریپوزیٹری  کودیکھیں گے  اور حیاتیاتی کیڑوں پر قابو پانے میں آئی سی اے آر-این بی اے آئی آر کی جدید ترین ٹیکنالوجیز کی نمائش کرنے والی نمائشوں کا دورہ کریں گے ۔

دوپہر کو مرکزی وزیر آئی سی اے آر کے تحت نیشنل انسٹی ٹیوٹ آف ویٹرنری ایپیڈیمیولوجی اینڈ ڈیزیز انفارمیٹکس (این آئی وی ڈی آئی) کا دورہ کریں گے ۔  دورے کے دوران ، وہ انسٹی ٹیوٹ کی سرگرمیوں کا جائزہ لیں گے اور کسانوں ، مویشی پالنے والوں ، اسٹارٹ اپ کاروباریوں ، سائنسدانوں اور دیگر متعلقین کے ساتھ بات چیت کریں گے ۔  وہ خاص طور پر جانوروں کی صحت اور بیماریوں پر قابو پانے کے قومی پروگراموں جیسے پی پی آر ، بروسیلوسس ، سی ایس ایف ، ایف ایم ڈی  اور ایل ایس ڈی کے ساتھ ساتھ بیماریوں کی پیش گوئی کے نظام ، معاشی اثرات کی تشخیص ، اور ون ہیلتھ اقدامات میں پیشرفت پر این آئی وی ڈی آئی  یعنی کے نیویڈی تعاون پر توجہ مرکوز کریں گے ۔

جناب چوہان مویشی پالنے والوں کی ایک ورکشاپ میں بھی شرکت کریں گے ، ان سے خطاب کریں گے اور ان کسانوں کے ساتھ بات چیت کریں گے جنہوں نے نیویڈی کی ٹیکنالوجی اور تربیت کا استعمال کرتے ہوئے اپنے مویشی  کے کاروبار میں قابل ذکر پیش رفت حاصل کی ہے ۔  وہ بنگلورو میں آئی سی اے آر کے دیگر اداروں کے ڈائریکٹروں کے ساتھ ان کی سرگرمیوں اور کامیابیوں کا جائزہ لینے کے لیے ایک میٹنگ بھی کریں گے ۔  اس موقع پر مقامی ممبران پارلیمنٹ اور ایم ایل اے بھی موجود ہوں گے ۔

جناب چوہان کا یہ دورہ نہ صرف آئی سی اے آر اداروں کے اہم  تعاون کو اجاگر کرے گا ، بلکہ مویشی پالنے والوں ، اختراعی اسٹارٹ اپس اور ترقی پسند کسانوں کے ساتھ بات چیت کے ذریعے ‘‘شمولیت پر مبنی زراعت اور مویشیوں کی ترقی’’  کو مزید تحریک بھی دے گا۔

***

ش ح۔م م ۔ خ م

U.N-5404

(Release ID: 2161542) Visitor Counter : 16