انڈین رینیویبل انرجی ڈیولپمنٹ ایجنسی لمیٹڈ (آئی آر ای ڈی اے) نے آج نئی اور قابل تجدید توانائی کی وزارت (ایم این آر ای) حکومت ہند کے ساتھ کارکردگی پر مبنی مفاہمت نامے (ایم او یو) پر دستخط کیے ، جس میں مالی سال 26-2025 کے اسٹریٹجک اہداف کا خاکہ پیش کیا گیا ۔

ایم او یو پر ایم این آر ای کے سکریٹری جناب سنتوش کمار سارنگی اور آئی آر ای ڈی اے کے چیئرمین اور منیجنگ ڈائریکٹر جناب پردیپ کمار داس نے اٹل اکشے اورجا بھون ، نئی دہلی میں ایم این آر ای اور آئی آر ای ڈی اے کے سینئر عہدیداروں کی موجودگی میں دستخط کیے ۔

مفاہمت نامے کے تحت حکومت ہند نے مالی سال 26-2025 کے لیے 8,200 کروڑ روپے کی آمدنی کا ہدف مقرر کیا ہے ۔  آئی آر ای ڈی اے نے مالی سال 26-2024 میں کار کردگی کے ہدف سے اپنی آمدنی کو عبور کر لیا تھا ، جس نے 5,957 کروڑ روپے کے ہدف کے مقابلے 6,743.32 کروڑ روپے حاصل کیے  گئےتھے ۔  اس مفاہمت نامے میں دیگر اہداف کے علاوہ نیٹ ورتھ پر ریٹرن ، کیپٹل ایمپلائڈ پر ریٹرن ، این پی اے ٹو ٹوٹل لون ، ایسیٹ ٹرن اوور ریشو اور ای بی ٹی ڈی اے جیسے کارکردگی کے کلیدی پیرامیٹرز بھی شامل ہیں ۔

کمپنی کی ترقی کی رفتار پر اعتماد کا اظہار کرتے ہوئے آئی آر ای ڈی اے کے چیف منیجنگ ڈائرکٹر جناب پردیپ کمار داس نے کہا: ’’اس سال بھی بہترین کارکردگی جاری رکھنے کی امید کے ساتھ ، ہم بہترین کارکردگی کے اپنے ٹریک ریکارڈ کو برقرار رکھنے کے لیے پرعزم ہیں ۔  آئی آر ای ڈی اے نے مالی سال 21-2020سے لگاتار چار سال تک مفاہمت ناموں کی کارکردگی میں’بہترین‘ درجہ بندی حاصل کی ہے ۔  مالی سال 24-2023 کی ایم او یو ریٹنگ کے لیے محکمہ پبلک انٹرپرائزز کی طرف سے جاری 84 سی پی ایس ایز کی فہرست کے مطابق آئی آر ای ڈی اے این بی ایف سی اور پاور سیکٹر میں ٹاپ پرفارمر کے طور پر اور تمام شعبوں میں ٹاپ چار سی پی ایس ایز میں شامل ہوا ۔

*****

ش ح۔ م ح ۔ج ا

U.No.5272

(Release ID: 2160554)