مہاراشٹر کے چھترپتی سمبھاجی نگر میں اے یو آر آئی سی کے برانڈنام سے شیندر-بڈکن انڈسٹریل ایریا میں زمین کی الاٹمنٹ کمیٹی کے حالیہ اجلاس کے دوران کئی کمپنیوں کو صنعتی پلاٹوں کی الاٹمنٹ کی منظوری دی گئی ہے ۔  اے یو آر آئی سی ہندوستان کا پہلا مربوط گرین فیلڈ اسمارٹ انڈسٹریل سٹی ہے ، جسے نیشنل انڈسٹریل کوریڈور ڈیولپمنٹ کارپوریشن (این آئی سی ڈی سی) کے تحت تیار کیا گیا ہے ۔

منظور شدہ الاٹمنٹ خاص خوردنی گوشوں، کاغذ کی مصنوعات، الیکٹرانکس مینوفیکچرنگ، سڑک کی تعمیر کا سامان  اور ایلوئے کاسٹنگ سمیت تمام شعبوں کو محیط ہے ۔  ان  منصوبوں میں مجموعی 200 کروڑ روپے سے زیادہ کی سرمایہ کاری ہوگی اور توقع ہے کہ اس سے تقریبا 1,000 روزگار کے مواقع پیدا ہوں گے۔

مہاراشٹر انڈسٹریل ٹاؤن شپ لمیٹڈ (ایم آئی ٹی ایل) اور این آئی سی ڈی سی کے عہدیداروں پر مشتمل اراضی کی الاٹمنٹ کمیٹی نے ترجیحی اور توسیعی زمرے کے تحت درخواستوں پر غور کیا ۔  تجاویز کا جائزہ درخواست دہندگان کے ذریعے پروجیکٹ رپورٹس اور معاون دستاویزات میں پیش کی گئی معلومات کے مطابق پروجیکٹ کی فزیبلٹی ، کاروبار ، زمین کی ضروریات  اور مستقبل کے توسیعی منصوبوں کی بنیاد پر کیا گیا ۔

منظور شدہ منصوبوں میں، ایم/ایس سائنس فار سوسائٹی ٹیکنو سروسز پرائیویٹ لمیٹڈ کو سیکٹر 12 میں 37,388 اسکوائر میٹر مختص کیا گیا ہے، جس کو محکمہ صنعت کی طرف سے میگا پروجیکٹ کا درجہ دیا گیا ہے ۔  کمپنی تقریبا 104 کروڑ روپے کی سرمایہ کاری سے خصوصی خوردنی اجزاء کا پلانٹ قائم کرے گی، جس سے 325 سے زیادہ ملازمتیں پیدا ہوں  گی اوراس پروجیکٹ میں ماحولیاتی اثرات کو کم کرنے کے لیے زیرو ڈسچارج کی سہولت ہوگی ۔

ایم/ایس سو تنتر پیپر پروڈکٹس پرائیویٹ لمیٹڈ، جو پہلے سے ہی 8-10 کروڑ روپےکے کاروبار کے ساتھ شیندر میں کاغذ کی مصنوعات مینوفیکچرنگ یونٹ چلاتی ہے، اسے اپنے کام کاج کی توسیع میں مدد کے لیے سیکٹر 5 میں ملحقہ 370.79 اسکوائر میٹر کا پلاٹ الاٹ کیا گیا ہے۔اسی طرح ،سڑکوں کی تعمیر کے سامان تیارکرنے والی ایم/ایس النکار انجینئرنگ ایکوپمنٹس پرائیویٹ لمیٹڈ، کو 17.50 کروڑ روپے کی سرمایہ کاری سے اپنے کاروبار کی توسیع کے لیے سیکٹر 5 میں، 7,378 اسکوائر میٹر کا پلاٹ الاٹ کیا گیا ہے۔  کمپنی کے پاس پہلے سے ہی 8,200 اسکوائر میٹر کا رقبہ موجود ہے، جو اسے جولائی 2022 میں الاٹ کیا گیا تھا۔

میگا پروجیکٹ کا درجہ یافتہ ایم/ایس  لونبیسٹ انڈیا پرائیویٹ لمیٹڈ کو سیکٹر 12 میں 37,388.70 اسکوائر میٹر کا پلاٹ الاٹ کیا گیا ہے۔  کمپنی الیکٹرانکس مینوفیکچرنگ سسٹم قائم کرنے کا ارادہ رکھتی ہے ، جس میں چپ سیٹ اور پی سی بی کی پیداواری اکائی بھی شامل ہے ، جس میں 110 کروڑ روپے کی مجوزہ سرمایہ کاری ہوگی اور تقریبا 500 ملازمتیں پیدا ہوں گی۔  ایم/ایس ورد الوئے  کاسٹنگ کو سیکٹر 5 میں 6,057 اسکوائر میٹر کا پلاٹ توسیع کے ترجیحی زمرے کے تحت مختص کیا گیا ہے، جہاں یہ ایلومینیم کاسٹنگ اور ڈائی کاسٹنگ کے لیے ایک نئی فاؤنڈری قائم کرے گی ۔

حکومت خطے میں سرمایہ کاری اور صنعتی ترقی کو فروغ دینے کے لیے صنعتی اسٹیک ہولڈرز کے ساتھ کام کر رہی ہے ۔  تجارت اور صنعت کے مرکزی وزیر جناب پیوش گوئل اورمحکمہ صنعت اور داخلی تجارت کے فروغ (ڈی پی آئی آئی ٹی) کے سکریٹری جناب امردیپ سنگھ بھاٹیہ کے حالیہ دوروں میں پالیسی فریم ورک کو مضبوط بنانے ، صنعتوں کے خدشات کو دور کرنے اور سرمایہ کاروں کا اعتماد بڑھانے پر توجہ مرکوز کی گئی ۔

اے یو آر آئی سی کی اہمیت

اورنگ آباد انڈسٹریل سٹی (اے یو آر آئی سی) ایک گرین فیلڈ اسمارٹ انڈسٹریل سٹی ہے، جسے دہلی-ممبئی انڈسٹریل کوریڈور (ڈی ایم آئی سی) کے تحت تیار کیا جا رہا ہے ۔  اے یو آر آئی سی کو جدید ترین بنیادی ڈھانچہ ، ملٹی ماڈل کنیکٹیویٹی ، ڈیجیٹل انتظامیہ ، ماحول دوست صنعتی طریقوں  اور صنعتوں ، لاجسٹکس اور رہائشی علاقوں کا مربوط ماحولیاتی نظام فراہم کرنے کے لیے ڈیزائن کیا گیا ہے ۔  شہر کا مقصد سرمایہ کاری کو راغب کرنے اورمختلف قسم کی صنعتوں کی مدد کے لیے ہموار رابطہ فراہم کرنا ہے ۔

ایم آئی ٹی ایل کے بارے میں

نیشنل انڈسٹریل کوریڈور ڈیولپمنٹ کارپوریشن لمیٹڈ (این آئی سی ڈی سی) اور مہاراشٹر انڈسٹریل ڈیولپمنٹ کارپوریشن (ایم آئی ڈی سی) کے درمیان ایک اسپیشل پرپز وہیکل (ایس پی وی) کے طور پر کام کرنے والی مہاراشٹر انڈسٹریل ٹاؤن شپ لمیٹڈ (ایم آئی ٹی ایل) اے یو آر آئی سی ، چھترپتی سمبھاجی نگر کی ترقی اور پیش رفت کا نظم کرتی ہے، جس کا مقصد سرمایہ کاری کو فروغ دینا ، کاروبار کرنے میں آسانی، سنگل ونڈو کلیئرنس اور صنعت پر مبنی ترقی کو فروغ دیناہے۔

***********

ش ح۔ م ش ع۔ ش ہ ب

 (U: 5174)

(Release ID: 2159710)