উত্তৰ-পূব বিশেষ আন্তঃগাঁথনি উন্নয়ন আঁচনি (এনইএছআইডিএছ)ক ২০১৭-১৮ চনত নতুন কেন্দ্ৰীয় খণ্ড আঁচনি হিচাপে অনুমোদন জনোৱা হয় আৰু ২০২২-২৩ চনত দুটা উপাদানত পুনৰ্গঠন কৰা হয় যথা- এনইএছআইডিএছ (পথ) আৰু এনইএছআইডিএছ (পথ আন্তঃগাঁথনিৰ বাহিৰে)। প্ৰাথমিক আৰু মাধ্যমিক স্বাস্থ্যসেৱা, প্ৰাথমিক আৰু মাধ্যমিক শিক্ষা, শক্তি, জল যোগান, কঠিন/তৰল আৱৰ্জনা ব্যৱস্থাপনা, শিল্প উন্নয়ন, অসামৰিক বিমান পৰিবহণ, ক্ৰীড়া, দূৰসংযোগ, আইকনিক জলপৃষ্ঠৰ সংৰক্ষণ আদিৰ বাবে আন্তঃগাঁথনি সৃষ্টিৰ দিশত নেতৃত্ব দিয়া প্ৰকল্পসমূহৰ বাবে উত্তৰ-পূৰ্বাঞ্চলৰ আঠখন ৰাজ্যক আৰ্থিক সাহায্য প্ৰদান কৰি উত্তৰ-পূৰ্বাঞ্চলৰ কেন্দ্ৰীভূত উন্নয়ন সুনিশ্চিত কৰা। এনইএছআইডিএছৰ এনইএছআইডিএছ (অ’টিআৰআই) আৰু এনইএছআইডিএছ (পথ)লৈ পুনৰ্গঠন পিছত, ৩১.০৭.২০২৫ তাৰিখলৈকে এনইএছআইডিএছ-অ’টিআৰআইৰ অধীনত মুঠ ২৯টা প্ৰকল্প অনুমোদন কৰা হৈছে, যিবোৰ কাৰ্যকৰীকৰণৰ বিভিন্ন পৰ্যায়ত আছে। এই প্ৰকল্পসমূহত আজিলৈকে ৪৬২.২১ কোটি টকা সামগ্ৰিক ব্যয় কৰা হৈছে।

এই তথ্য উত্তৰ-পূৰ্বাঞ্চল উন্নয়ন মন্ত্ৰালয়ৰ ৰাজ্যিক মন্ত্ৰী ড° সুকান্ত মজুমদাৰে আজি ৰাজ্যসভাত এক প্ৰশ্নৰ লিখিত উত্তৰত দিয়ে।

 

*****

Samrat / Allen/AA

(Release ID: 2159568)