قبائلی امور کے مرکزی وزیر مملکت جناب گنیش سنگھ کے ایک غیر ستارہ سوال کا جواب دیتے ہوئے آج لوک سبھا کو بتایا کہ قبائلی امور کی وزارت قبائلی لڑکیوں اور مدھیہ پردیش جیسے دور دراز علاقوں سمیت ملک میں درج فہرست قبائل آبادی کے درمیان بنیادی اور اعلیٰ تعلیم کو فروغ دینے اور ان کی حوصلہ افزائی کے لیے درج ذیل اسکالرشپ اسکیموں کو نافذ کر رہی ہے۔

1. ایس ٹی طلباء کے لیے پری میٹرک اسکالرشپ (کلاس IX اور X)
2. ایس ٹی طلباء کے لیے پوسٹ میٹرک اسکالرشپ (کلاس XI اور اس سے اوپر)
3. ایس ٹی طلباء کے لیے اعلیٰ تعلیم کے لیے قومی فیلوشپ۔
4. ایس ٹی طلباء کے لیے اعلیٰ تعلیم کے لیے قومی اسکالرشپ (ٹاپ کلاس)
5. ایس ٹی طلباء کے لیے قومی اوورسیز اسکالرشپ۔

مذکورہ اسکیموں میں سے، نمبر (i) سے (ii) تک کی اسکالرشپ اسکیمیں مرکزی اسپانسر شدہ اسکیمیں ہیں اور متعلقہ ریاست/مرکز کے زیر انتظام علاقے کے ذریعے لاگو کی جاتی ہیں۔ دونوں پری اور پوسٹ میٹرک اسکالرشپ اسکیمیں کھلی ختم شدہ اسکیمیں ہیں، جن میں تمام اہل طلباء بشمول لڑکیوں کو کلاس 9 ویں سے پوسٹ گریجویشن کورس تک تعلیم حاصل کرنے کے لیے وظائف دیئے جاتے ہیں، جن کے والدین کی آمدنی 2.5 لاکھ سالانہ روپے سے زیادہ نہیں ہے۔

درخواستیں طلب کرنا، تصدیق کرنا، مستفید ہونے والوں کا انتخاب اور اسکالرشپ کی رقم کی تقسیم متعلقہ ریاست/ مرکز کے زیر انتظام علاقے کی ذمہ داری ہے۔ قبائلی امور کی وزارت، ریاستوں/مرکز کے زیر انتظام علاقوں کو ان کی طرف سے پیش کردہ تجاویز کی بنیاد پر اور مالی اور جسمانی پیش رفت کا جائزہ لینے کے بعد مرکزی حصہ کا فنڈ جاری کرتی ہے۔ ریاستی حکومتیں/مرکز کے زیر انتظام علاقے انتظامیہ ڈی بی ٹی موڈ کے ذریعے تمام اہل ایس ٹی طلباء کے بینک اکاؤنٹ میں اسکالرشپ کی رقم تقسیم کرتی ہیں۔

نمبر (iii) پر قومی فیلوشپ کی اسکیم ایک مرکزی سیکٹر اسکیم ہے، جسے قبائلی امور کی وزارت کی طرف سے مکمل طور پر مالی اعانت فراہم کی جاتی ہے، تاکہ ہونہارایس ٹی طلباء کو ماسٹر ڈگری کی تکمیل کے بعد ہندوستان میں پی ایچ ڈی کرنے کے لیے فیلوشپ فراہم کی جا سکے۔ ہر سال پی ایچ ڈی کے لیے تازہ فیلو شپس کی کل تعداد 750 ہے۔ 36 سال کی عمر تک ماسٹر ڈگری میں کم از کم 55فیصد نمبروں کے ساتھ ایس ٹی طلباء اس اسکیم کے تحت فیلوشپ کے لیے درخواست دینے کے اہل ہیں۔ فیلوشپ کی قدریو جی سی کی شرحوں کے برابر ہے۔ اس اسکیم کے تحت 30 فیصد سیٹیں (یعنی کل 750 میں سے 225) خواتین کے لیے مختص ہیں۔

نمبر (iv) پر قومی اسکالرشپ کی اسکیم ایک مرکزی سیکٹر اسکیم ہے، جس کے لیے فنڈ مکمل طور پر قبائلی امور کی وزارت کے ذریعے فراہم کیا جاتا ہے۔ اس اسکیم کے تحت، منتخب اعلیٰ درجے کے سرکاری اور غیر سرکاری اداروں میں پیشہ ورانہ شعبوں جیسے مینجمنٹ، میڈیسن، انجینئرنگ، انفارمیشن ٹکنالوجی، قانون وغیرہ میں گریجویٹ/پوسٹ گریجویٹ کورسز کرنے کے لیے اسکالرشپ فراہم کی جاتی ہے۔ تمام ایس ٹی طلباء، جن کی والدین کی سالانہ آمدنی6 لاکھ روپے سے زیادہ نہیں ہے وہ وزارت کے ذریعہ265 نوٹیفائیڈ اداروں میں تعلیم حاصل کرنے والے، اسکالرشپ حاصل کرنے کے اہل ہیں۔ یہ ایک اوپن اینڈڈ اسکیم ہے، جس میں تمام اہل درج فہرست قبائل کی طالبات کا احاطہ کیا جاتا ہے۔

نمبر (v) پر نیشنل اوورسیز اسکالرشپ کی اسکیم ایک مرکزی سیکٹر اسکیم ہے، جسے مکمل طور پر قبائلی امور کی وزارت کی طرف سے فنڈ فراہم کیا جاتا ہے، جس کے تحت ہونہار درج فہرست قبائل (ایس ٹی) طلباء کو اعلیٰ 1000 درجہ بندی (تازہ ترین کیو ایس عالمی درجہ بندی کے مطابق) بیرون ملک اداروں/ یونیورسٹیوں) میں اعلیٰ تعلیم حاصل کرنے کے لیے وظائف دیے جاتے ہیں۔ اس اسکیم کو  وزارت خارجہ، بیرون ملک ہندوستانی سفارت خانوں/مشنوں کے ذریعے نافذ کرتی ہے۔ ہر سال بیس ایوارڈز دیے جاتے ہیں۔درج فہرست قبائل طلباء جن کی سالانہ خاندانی آمدنی6 لاکھ روپے سے زیادہ نہ ہو، اس اسکیم کے تحت اسکالرشپ کے لیے درخواست دینے کے اہل ہیں۔ اس اسکیم کے تحت 30فیصد سیٹیں (یعنی کل 20 میں سے 6) خواتین کے لیے مختص ہیں۔

********

ش ح۔ع و۔ن ع

U-5081

(Release ID: 2159122)