انسانی حقوق کے قومی کمیشن (این ایچ آر سی انڈیا )نے ایک میڈیا رپورٹ کا از خود نوٹس لیا ہے  ۔   اڈیشہ کے کیندر پاڑہ ضلعے میں ایک 19 سالہ لڑکی نے اپنے سابق بوائے فرینڈ پر بلیک میل کرنے کی شکایت پولیس میں درج کرائی تھی ۔ پولیس نے تقریبا ً چھ ماہ تک اس شکایت پر کوئی کارروائی نہیں کی ، جس کے بعد اس نے  6 اگست  ، 2025 ء کو خود کو آگ لگا لی تھی ، جس کی وجہ سے اُس موت  واقع ہوگئی ۔  اس کا بوائے فرینڈ سوشل میڈیا پر اس کی فحش تصاویر اَپ لوڈ کرنے کی دھمکیاں دے کر اسے بلیک میل کر رہا تھا۔

انسانی حقوق کے کمیشن نے مشاہدہ کیا ہے کہ خبروں کے مندرجات ، اگر سچ ہیں تو  یہ  انسانی حقوق کی سنگین خلاف ورزی ہے ۔ لہٰذا ،  کمیشن نے اوڈیشہ کے ڈائریکٹر جنرل آف پولیس کو نوٹس جاری کیا ہے اور معاملے کی  تحقیقات کی صورتحال سمیت دو ہفت کے اندر اس  کی تفصیلی رپورٹ طلب کی  ہے ۔

7 اگست  ، 2025 ء کو شائع ہونے والی میڈیا  کی خبروں کے مطابق ، لڑکی کیندرپاڑہ ضلع کے ایک کالج میں پڑھ رہی تھی ۔ اس کے والد نے الزام لگایا کہ اس کا سابق بوائے فرینڈ اسے مسلسل بلیک میل کر رہا تھا ۔ اس سلسلے میں ، متاثرہ کے والد نے تقریبا ً چھ ماہ قبل پولیس کو تحریری شکایت کی تھی ، لیکن پولیس کی طرف سے اس سلسلے میں نہ تو ایف آئی آر درج کی گئی اور نہ ہی مبینہ مجرم کے خلاف کوئی کارروائی کی گئی ۔ بلکہ ، مبینہ طور پر ایک پولیس افسر نے  اس معاملے کی پیروی کرکے ، اس کی حوصلہ شکنی کی اور بلیک میل کرنے والے کا فون نمبر بلاک کرنے کا  اسے مشورہ دیا ۔

 

**************

U.No. 4976

(ش ح۔  م ع  ۔ ع ا)

 

(Release ID: 2158440)