مرکزی وزیر مملکت (آزادانہ چارج) برائے سائنس اور ٹیکنالوجی، ارتھ سائنسز، وزیر اعظم کے دفتر میں وزیر مملکت، عملہ، عوامی شکایات اور پنشن کے وزیر مملکت، جوہری توانائی اور خلائی محکمہ میں وزیر مملکت ڈاکٹر جتیندر سنگھ نے آج راجیہ سبھا میں ایک تحریری جواب میں بتایا کہ پنشن سے متعلق کل 63,310 شکایات موصول ہوئیں جن میں سے 55,554 شکایات سنٹرلائزڈ پنشن گریونس ریڈرسل اینڈ مانیٹرنگ سسٹم (سی پی ای این جی آر اے ایم ایس) پورٹل کے ذریعے 2025 ( یکم جنوری2025 سے 15جولائی2025) کے دوران حل کی گئیں۔

سی پی ای این جی آر اے ایم ایس پورٹل پر شکایات کے ازالے کی شرح جنوری 2025 میں 35 دن سے کم ہو کر جولائی 2025 میں 20 دن رہ گئی ہے جو مختلف محکموں میں پنشنروں کے مسائل کے بروقت اور موثر حل کی عکاسی کرتی ہے۔

حکومت نے 16.10.2024 کو ’پینشن کی شکایات کے مؤثر ازالہ‘کے بارے میں ایک پالیسی سرکلر جاری کیا ہے، جس میں کہا گیا ہے کہ وزارتیں/محکمے 21 دنوں کے اندر پنشن کی شکایات کا ازالہ کرنے کی کوشش کریں۔ سرکلر میں شکایات کے ازالے کے افسران اور اپیلی اتھارٹیز کے کردار اور ذمہ داریوں کی بھی تفصیل دی گئی ہے۔ حکومت مختلف وزارتوں/محکموں میں پنشن سے متعلق شکایات کے بروقت اور مؤثر ازالے کے لیے اپنے اقدامات کے حصے کے طور پر موضوعاتی عدالتیں، ماہانہ بین وزارتی جائزہ اجلاس، شکایات کے ازالے کے افسران کے لیے صلاحیت سازی کے پروگرام اور پنشن سے متعلق شکایات کے ازالے کے لیے سالانہ خصوصی مہمات کا اہتمام کرتی ہے۔

***

ش ح۔ م ح۔ ع ر

U.NO.4881

(Release ID: 2157802) Visitor Counter : 2