حیدرآباد، وِشاکھا پٹنم، وجئے واڑہ اور کاکیناڈا کے ڈائریکٹوریٹ آف ریونیو انٹیلی جنس کے افسران نے ایک تیز اور مربوط کارروائی انجام دی جس کے نتیجے میں 119.4 کلوگرام گانٹھ کی شکل میں الپرازولم ضبط کی، جس کی غیر قانونی مارکیٹ میں قیمت تقریباً 23.88 کروڑ روپے بتائی گئی ہے، ساتھ ہی 87.8 کلوگرام شئے بھی برآمد کی گئی جو ابھی تیار ی کی مرحلے میں تھی۔ ڈی آر آئی کے اہلکاروں نے اس غیر قانونی الپرازولم کی تیاری اور تقسیم میں ملوث آٹھ افراد کو بھی گرفتار کیا، جن میں ماسٹر مائنڈ، کیمسٹ، سرمایہ کار اور خریدار شامل تھے، اور یہ سب ایک ہی مقام پر گرفتار کیے گئے۔

جب ڈی آر آئی کو خاص انٹیلی جنس موصول ہوئی کہ چند افراد چھپ کر آندھرا پردیش کے ضلع  اناکاپلی میں اچوتاپورم میں ایک فیکٹری میں الپرازولم — جو کہ نفسیاتی مادہ ہے اور این ڈی پی ایس ایکٹ، 1985 کے تحت ممنوع ہے — کی خفیہ تیاری کر رہے ہیں، تو اہلکاروں نے اس آپریشن کی منصوبہ بندی بہت احتیاط سے کی تاکہ الپرازولم کی تیاری اور تقسیم میں ملوث تمام افراد کو گرفتار کیا جا سکے۔

 

اس کے علاوہ رقیق کی شکل میں 3600 لیٹر اور غیر قانونی طور پر حاصل کردہ خام مال کی ٹھوس شکل میں 311.6 کلوگرام ، الپرازولم کی تیاری کے لیے استعمال ہونے والے آلات (دو ری ایکٹر ، ایک سینٹری فیوج اور ایک ڈرائر) اور مزید تفتیش میں مدد کے لیے چند مجرمانہ دستاویزات ضبط کی گئیں ۔

تمام آٹھ ملزموں کو گرفتار کر کے عدالتی تحویل میں بھیج دیا گیا ۔  یہ بات قابل ذکر ہے کہ گرفتار کیے گئے زیادہ تر افراد منشیات اور نفسیاتی مادوں کی خفیہ تیاری اور دیگر مجرمانہ سرگرمیوں (قتل ، سائبر جرائم اور معاشی جرائم) سے متعلق مقدمات میں پہلے سے ملوث ہیں ۔

ابتدائی تفتیش سے معلوم ہوا کہ یہ افراد اس غیر قانونی سرگرمی کو انجام دینے کے لیے سازش کر چکے تھے اور انہوں نے اپنی جیل کی مدت کے دوران اپنا نیٹ ورک تشکیل دیا تھا، جس سے سنڈیکیٹ کی گہری جڑوں اور منظم نوعیت کی نشاندہی ہوتی ہے ۔   مذکورہ ایلپرازولام تلنگانہ منتقل کرنے کا ارادہ تھا تاکہ اسے ٹوڈی میں ملا کر اس کی مقدار بڑھائی جا سکے۔

معاملے میں مزید تفتیش جاری ہے ۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

(ش ح –ع ح- م ق ا)

U. No.4876

(Release ID: 2157784)