مسافروں کو آسان اور موثر ٹولنگ کا تجربہ فراہم کرتے ہوئے، نئی متعارف کرائی گئی فاسٹیگ سالانہ پاس سہولت نے ملک بھر میں پانچ لاکھ صارفین کے تاریخی اعداد و شمار کو عبور کر لیا ہے۔ فاسٹیگ سالانہ پاس 15 اگست 2025 کو شروع کیا گیا تھا اور اسے نیشنل ہائی وے کے صارفین کی جانب سے زبردست ردعمل ملا تھا۔ تمل ناڈو نے پچھلے چار دنوں میں سب سے زیادہ سالانہ پاس خریدے، اس کے بعد کرناٹک اور ہریانہ کی ریاستیں ہیں۔ نیز، ٹول پلازوں پر فاسٹیگ سالانہ پاس کے ذریعے زیادہ سے زیادہ لین دین تمل ناڈو، کرناٹک اور آندھرا پردیش میں ریکارڈ کیے گئے۔

راج مارگ یاترا ایپ گوگل کی پلے اسٹور رینکنگ میں 15 لاکھ سے زیادہ ڈاؤن لوڈز کے ساتھ مجموعی طور پر نمبر #23 اور سفری زمرے میں نمبر #2 پر پہنچ گئی ہے اور اس کی ریٹنگ 4.5 اسٹارز ہے۔ ایپ نے فاسٹیگ سالانہ پاس کے آغاز کے چار دنوں کے اندر اعلیٰ سرکاری ایپ بننے کا ایک سنگ میل بھی حاصل کر لیا ہے۔

نیشنل ہائی وے کے صارفین کو بغیر کسی رکاوٹ کے سفر کا آپشن فراہم کرتے ہوئے، فاسٹیگ سالانہ پاس کی سہولت 15 اگست 2025 کو متعارف کرائی گئی تھی۔قومی شاہراہوں اور قومی ایکسپریس ویز پر تقریباً 1150 ٹول پلازا پر نافذ، سالانہ پاس  ایک سال کی میعاد یا 200 ٹول پلازا کراسنگ کے لیے 3000 روپے کی یک وقتی فیس کی ادائیگی کے ذریعہ فاسٹیگ کو بار بار ریچارج کرانے کی ضرورت کو ختم کرتا ہے۔ یہ پاس درست فاسٹیگ والی تمام غیر تجارتی گاڑیوں کے لیے لاگو ہوتا ہے اور پورے ملک میں قومی شاہراہوں پر ہموار سفر کے تجربے کے لیے راجمرگ یاترا ایپ یا این ایچ اے آئی ویب سائٹ کے ذریعے یک وقتی فیس کی ادائیگی کے دو گھنٹے کے اندر فعال ہو جاتا ہے۔

****

 (ش ح –ا ب ن)

U.No:4871