جل شکتی وزارت
پانی کے معیار کی نگرانی کا طریقہ کار
Posted On:
18 AUG 2025 2:32PM by PIB Delhi
جل شکتی کے وزیر مملکت جناب وی سومناّ نے آج راجیہ سبھا میں ایک سوال کے تحریری جواب میں بتایا کہ حکومت ہند، ریاستوں کے ساتھ شراکت داری میں، ملک کے ہر دیہی کنبے کو باقاعدہ اور طویل مدتی بنیاد پر مقررہ معیار کی مناسب مقدار میں پینے کے پانی کی فراہمی کے لیے جل جیون مشن ( جے ایم ایم ) - ہر گھر جل کو اگست ، 2019 ء سےنافذ کر رہی ہے۔
پینے کا پانی ریاستی موضوع ہونے کی وجہ سے جل جیون مشن کے تحت پینے کے پانی کی فراہمی کی اسکیموں کی منصوبہ بندی ، منظوری، عمل آوری، آپریشن اور دیکھ بھال کی ذمہ داری ریاست/ مرکز کے زیر انتظام علاقوں کی حکومتوں پر ہے۔ ریاستوں کو تکنیکی اور مالی مدد فراہم کرکے حکومت ہند اس میں تعاون فراہم کرتی ہے۔ جے جے ایم کے تحت، موجودہ رہنما خطوط کے مطابق، بیورو آف انڈین اسٹینڈرڈز بی آئی ایس : 10500 معیارات کو پائپ کے ذریعے پانی کی سپلائی کی اسکیموں کے ذریعے فراہم کیے جانے والے پانی کے معیار کے لیے طریقہ ٔ کار کے طور پر اپنایا جاتا ہے۔ بی آئی ایس پینے کے پانی کے معیار کے لیے مختلف فزیو کیمیکل اور بیکٹیریو لوجیکل پیرامیٹرز کے لیے ’ قابل قبول حد ‘ اور ’ متبادل ذریعہ کی عدم موجودگی میں قابل اجازت حد ‘ کا تعین کرتا ہے۔
جے جے ایم کے اعلان کے وقت، 3.23 کروڑ (16.7 فی صد ) دیہی کنبوں کے پاس نل کے پانی کے کنکشن ہونے کی اطلاع تھی ، جو کہ 14 اگست ، 2025 ء تک، ریاستوں/ مرکز کے زیر انتظام علاقوں کی رپورٹ کے مطابق 15.68 کروڑ (81 فی صد ) کنبوں سے زیادہ ہو گئی ہے۔
اس کے علاوہ ، جے جے ایم کے رہنما خطوط کے مطابق ، ریاستیں/مرکز کے زیر انتظام علاقے جے جے ایم کے تحت پانی کے معیار کی نگرانی اور جائزہ (ڈبلیو کیو ایم اینڈ ایس) کی سرگرمیوں کے لیے اپنے سالانہ مختص فنڈز کا 2 فی صد تک استعمال کر سکتے ہیں ، جس میں پانی کے معیار کی جانچ کرنے والی لیبارٹریوں کا قیام اور مضبوطی ، ساز و سامان کی خریداری ، آلات ، کیمیکلز ، شیشے کے سامان ، مشینوں کے قابل استعمال آلات کی خریداری ، ہنر مند افرادی قوت کی خدمات حاصل کرنا ، فیلڈ ٹیسٹ کٹس (ایف ٹی کے ز) کے استعمال سے کمیونٹی کے ذریعے نگرانی ، بیداری پیدا کرنا ، پانی کے معیار پر تعلیمی پروگرام ، لیبارٹریوں کی منظوری/شناخت وغیرہ شامل ہیں ۔
ریاستوں/ مرکز کے زیر انتظام علاقوں کو پانی کے معیار کے لیے پانی کے نمونوں کی جانچ کرنے اور پینے کے پانی کے نمونے جمع کرنے، رپورٹنگ، نگرانی اور جائزے کے لیے ایک آن لائن جے جے ایم - واٹر کوالٹی مینجمنٹ انفارمیشن سسٹم ( ڈبلیو کیو ایم آئی ایس ) پورٹل تیار کیا گیا ہے۔ ڈبلیو کیو ایم آئی ایس کے ذریعے رپورٹ کردہ پانی کے معیار کے ٹیسٹ کی ریاست کے حساب سے تفصیلات جے جے ایم ڈیش بورڈ پر پبلک ڈومین میں دستیاب ہیں۔
ریاستوں/ مرکز کے زیر انتظام علاقوں کے ذریعہ فراہم کی گئی اطلاعات کے مطابق ، اب تک ریاستی، علاقائی، ضلع، سب ڈویژن، بلاک، موبائل اور/یا ڈبلیو ٹی پی سہولت لیبارٹریز سے متعلق مختلف سطحوں پر پینے کے پانی کے معیار کی جانچ کرنے والی 2811 لیباریٹریاں کام کر رہی ہیں۔
جے جے ایم – ڈبلیو کیو ایم آئی ایس پر ریاستوں/ مرکز کے زیر انتظام علاقوں کی طرف سے معلومات فراہم کی گئی ہیں ، لیبارٹریوں میں جانچ کئے گئے اور آلودہ پائے جانے والے نمونوں کی تفصیلات درج ذیل ہیں:
|
سال
|
لیباریٹریوں میں جانچ کئے گئے نمونوں کی کل تعداد
( لاکھ میں )
|
آلودہ پائے جانے والے نمونوں کی کل تعداد
( لاکھ میں )
|
|
2022-23 ء
|
62.19
|
7.15
|
|
2023-24 ء
|
75.00
|
7.22
|
|
2024-25 ء
|
82.68
|
3.39
|
|
2025-26 ء ( 14 اگست ، 2025 ء تک )
|
27.19
|
0.71
|
جے جے ایم ڈیش بورڈ پر ایک ’ سٹیزن کارنر ‘ تیار کیا گیا ہے ، جس میں دیہی علاقوں میں پی ڈبلیو ایس کے ذریعے پانی کی فراہمی کے معیار کے بارے میں مزید بیداری پیدا کرنے اور لوگوں میں اعتماد پیدا کرنے کے لیے عوامی ڈومین میں پانی کے معیار کے ٹیسٹ کے نتائج کی نمائش شامل ہے۔ پینے کے صاف پانی کی فراہمی کو یقینی بنانے کے لیے پانی کے معیار کی جانچ کی حوصلہ افزائی کرنے کے لیے، ریاستوں/ مرکز کے زیر انتظام علاقوں نے عام لوگوں کے لیے پانی کے معیار کی جانچ کی لیباریٹریاں قائم کی ہیں تاکہ ان کے پانی کے نمونوں کی معمولی شرح پر جانچ کی جا سکے اور سٹیزن کارنر سے https://ejalshakti.gov.in/jjmreport/JJMIndia.aspx پر تفصیلات حاصل کی جا سکتی ہیں۔
مزید براں ، شہری سنٹرلائزڈ پبلک گریونس ریڈریس اینڈ مانیٹرنگ سسٹم ( سی پی جی آر اے ایم ایس ) کے ذریعے pgportal.gov.in، محکمہ کی ویب سائٹ jalshakti-ddws.gov.in اور دیگر فزیکل چینلز کے ذریعے بھی شکایات درج کرا سکتے ہیں۔
پانی کے معیار کی نگرانی کرنے کے لیے کمیونٹیوں کو بااختیار بنانے کے لیے، ریاستوں/ مرکز کے زیر انتظام علاقوں کو یہ مشورہ بھی دیا گیا ہے کہ وہ ہر گاؤں میں 5 افراد، ترجیحی طور پر خواتین کو، گاؤں کی سطح پر فیلڈ ٹیسٹنگ کٹس ( ایف ٹی کے ز ) کا استعمال کرتے ہوئے پانی کے معیار کی جانچ کرنے کے لیے ان کی شناخت کریں اور تربیت فراہم کریں نیز ڈبلیو کیو ایم آئی ایس پورٹل پر اس کے بارے میں جانکاری فراہم کریں ۔
..................................................... ...................................................
) ش ح – ش م - ع ا )
U.No. 4816
(Release ID: 2157461)