بندرگاہوں ، جہاز رانی اور آبی گزرگاہوں (ایم او پی ایس ڈبلیو) کے مرکزی وزیر جناب سربانند سونووال نے ہندوستان کے 79 ویں یوم آزادی سے قبل بدھ کے روز ڈبرو گڑھ میں ‘ہر گھر ترنگا’ مہم کا آغاز کیا ۔

ڈبروگڑھ لوک سبھا حلقہ کی نمائندگی کرنے والے جناب سونووال نے ڈبروگڑھ میں بی جے پی کے سابق ضلع صدر اور ڈبروگڑھ یونیورسٹی کے ریٹائرڈ پروفیسر ڈاکٹر ہریندر نارائن دتہ ، معروف لوک فنکار جناب رام چندر سنچونی اور راشٹریہ سویم سیوک سنگھ (آر ایس ایس) کے بانی صدر سینئر ایڈوکیٹ جناب اسیم دتہ کی رہائش گاہوں کا دورہ کیا ۔

اس   دورہ کے دوران  بی جے پی کے سینئر رہنما جناب سربانند سونووال نے ایک دوسرے کو مبارکباد دی ،قومی پرچم پیش کیا ، اور ان سے ‘ہر گھر ترنگا’ مہم میں شامل ہونے کی اپیل کی ۔  انہوں نے طلباء میں جھنڈے بھی تقسیم کیے اور انہیں حب الوطنی کو اپنانے کی ترغیب دی ۔

اس سے پہلے دن میں جناب سونووال نے ہندوستان کی جدوجہد آزادی میں نیتاجی سبھاش چندر بوس کے تعاون اور حب الوطنی کا احترام کرتے ہوئے شانتی پارہ ، ڈبرو گڑھ میں نیتاجی سبھاش چندر بوس کے مجسمے پر خراج عقیدت پیش کیا ۔

اس موقع پر ڈبروگڑھ بی جے پی کے ضلع صدر شری دُلال بورا ، جنرل سکریٹری جناب سشیل تاسا ، آسام ٹورازم ڈیولپمنٹ کارپوریشن (اے ٹی ڈی سی) کے چیئرمین  جناب ریتوپرنا برواہ ، ڈبروگڑھ میونسپل کارپوریشن (ڈی ایم سی) کے میئر جناب سائیکت پترا ، ڈپٹی میئر جناب اججل پھوکن ، ڈبروگڑھ ڈیولپمنٹ آتھارٹی (ڈی ڈی اے) کے چیئرمین جناب اسیم ہزاریکا ، بی جے پی مہیلا مورچہ کی ضلع صدر محترمہ ممون گگوئی مترا  اور ڈبرو گڑھ ضلع پریشد کی چیئرپرسن پشپ پانجلی سونووال بھی موجود تھیں ۔

* * * *

ش ح۔م ع ن ۔ع د

U-NO: 4690

(Release ID: 2156263)