وزارت خزانہ کے وزیر مملکت جناب پنکج چودھری نے آج راجیہ سبھا میں ایک سوال کے تحریری جواب میں بتایا کہ ریزرو بینک آف انڈیا (آر بی آئی) نے وقتا فوقتا اس بات پر زور دیا ہے کہ بینکوں کو وضاحت اور سہولت کو یقینی بنانے کے واسطے صارفین کے ساتھ اپنی پسندیدہ  زبان میں بات چیت کرنی چاہیے ۔  بینکوں کی کسٹمر سروس پر آر بی آئی کے ماسٹر سرکلر میں کہا گیا ہے کہ شیڈولڈ کمرشل بینکوں کی برانچوں کی شاخوں میں صارفین سے متعلق تمام مواد ہندی ، انگریزی اور متعلقہ علاقائی زبان میں دستیاب ہونا چاہیے ۔  مزید برآں ، آر بی آئی نے 30 ستمبر 2024 کے اپنے خط کے ذریعے اس بات کا اعادہ کیا کہ صارفین کو تمام پیغامات،  ہمیشہ سہ لسانی شکل- ہندی ، انگریزی اور علاقائی زبان میں جاری کیے جانے چاہئیں ۔

تمام بینکوں کے پاس شکایات کے ازالے کے لیے بورڈ سے منظور شدہ مضبوط طریقہ کار موجود ہے ۔  مزید برآں ، ریزرو بینک – مربوط محتسب اسکیم (آر بی-آئی او ایس) 2021  کے ذریعہ  سروس کے فقدان سے متعلق  معاملوں میں آر بی آئی کے زیر انتظام اداروں (آر ای) کے خلاف شکایات کے ازالے کے لیے مفت پلیٹ فارم فراہم ہوتا ہے ، اگر ان اداروں کے ذریعہ شکایت کا ازالہ نہیں کیا جاتا ہے یا مقررہ ٹائم لائن کے اندر آر ای کے ذریعے جواب نہیں دیا جاتا ہے ۔

حکومت کے پاس شکایات کے  ازالے کے بعد سنٹرلائزڈ پبلک گریوینس ریڈریس اینڈ مانیٹرنگ سسٹم (سی پی جی آر اے ایم ایس) پورٹل کے توسط سے شہریوں کی اطمینان کا اندازہ لگانے کے لیے جون 2022 سے فیڈ بیک کال سینٹر چالو ہے ۔  جس کے تحت فیڈ بیک ڈیٹا متعلقہ بینکوں کو مناسب کارروائی کے لیے بھیج دیا جاتا ہے ۔  مزید برآں ، آر بی آئی کا ٹول فری رابطہ مرکز (14448) نومبر 2021 سے کام کر رہا ہے ، جو شکایات کے ازالے کے طریقہ کار ، شکایات درج کرنے میں مدد اور موجودہ معاملات پر تازہ ترین معلومات فراہم کرتا ہے ۔  جبکہ رابطہ مرکز (سی سی) کی سہولت انٹرایکٹو وائس رسپانس سسٹم (آئی وی آر ایس) کے ذریعے 24 * 7 دستیاب ہے ، سی سی کے اہلکاروں سے رابطہ قائم کرنے کی سہولت پیر سے ہفتہ تک (قومی تعطیلات کے علاوہ) صبح 8:00 بجے سے رات 10:00 بجے تک ہندی ، انگریزی اور دس علاقائی زبانوں میں دستیاب ہے ۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 (ش ح –م ش ع۔ ق ر)

U. No.4600