দিপার্তমেন্ত ফোর প্রমোসন ওফ ইন্দস্ত্রী এন্দ ইন্তর্নেল ত্রেদ (DPIIT), কম্মর্স অমসুং ইন্দস্ত্রী মন্ত্রালয়না জেপ্তো প্রাইভেত লিমিতেদকা লোয়ননা ‘জেপ্তো নোভা’ ইনোভেসন চেলেঞ্জকী খুত্থাঙদা মেনুফেকচরিং সেক্তরদা ঙল্লিঙৈ মতমগী স্তার্তঅপশিংদা ঙাক্লৌ পীননবা অমদি পাকথোক চাউথোকহন্নবা মেমোরেন্দম ওফ অন্দরস্তেন্দিং (MoU) অমা খুৎয়েক পীনখ্রে।

খুৎশম্ননা চৎমিন্নরিবা অসিনা থা তরুক্কী প্রোগ্রাম অমগী খুত্থাঙদা স্তার্তঅপশিং খঙদোক্নবা অমদি মখোঙ শোম্বিনবা পান্দম থম্লি। মসিনা হার্দৱেয়র, IoT, পেকেজিং অমদি সস্তেনেবল মেনুফেকচরিংগী লমদা তেক্নোলোজীশিং শেমগৎলিবা স্তার্তঅপশিংদা ঙাক্লৌ পীদুনা মখোয়বু জেপ্তোগী দেলিভরী অমদি দিজিতেল ইনফ্রাস্ত্রকচর শীজিন্নদুনা প্রোতোতাইপতগী কৈথেলদা থাদোকপা য়ারবা পোৎলমশিং পুথোকপদা খুমাঙ চাওশিলহনবা ঙমহনগনি।

খোঙবু অসিনা নুপীনা লমজিংবা অমদি তিয়র ২/৩ স্তার্তঅপশিংদা মীৎয়ে থমদুনা এক্সপর্তশিংনা লমজিংবা ৱর্কসোপ অমদি স্তার্তঅপ ইন্দিয়াগী তেংবাংগী খুত্থাঙদা মখোঙ শোম্বিদুনা অমদি মতিং হেনগৎহন্দুনা ঙাক্লৌ পীগনি। মসিগী মথক্তা, জেপ্তোনা ভারতকী স্তার্তঅপ ১০০বু মখোয়গী সপ্লাই চেন্দা পুশিন্দুনা মখোয়গী পোত্থোকশিং উত্থোক্নবা, কৈথেলদা চঙবা ঙম্নবা অমদি মখোয়গী থবক থৌরমশিং পাকথোক চাউথোকহন্নবা মতেঙ পীগনি।

থৌরমদুদা ৱা ঙাংলদুনা, জোইন্ত সেক্রেতরী, DPIIT, শ্রী সঞ্জিবনা য়ুনিকোর্নশিংদগী ঙাক্লৌ পীবসিনা স্তার্তঅপশিংবু শৌগৎনবা খ্বায়দগী মতিং লৈবা পাম্বৈশিংগী মরক্তা অমনি, লোয়ননা মখোয়দা মায় পাক্লবা ভেঞ্চরশিংগী খোঙচৎকী মতৌ তম্বা ঙমহল্লি। মসি চুম্নগী খুদোংচাবা তাঞ্জা অমখক নত্তনা ইকোসিস্তেম অসিদা মখোয়না তৌবা য়াবশিং তৌননবা য়ুনিকোর্নশিংগী থৌদাং অমসু ওইরি হায়না মহাক্না মখা তাখি। চাওখৎপগী মরুওইবা ৱাফমশিং ফোঙদোক্লদুনা, মহাক্না কৈথেলদা চঙবা অসিনা স্তার্তঅপশিং মায় পাক্নবা মরুওইবা লম্বী অমনি হায়খি।

MoU অদু দাইরেক্তর, DPIIT, দোক্তর সুমীত জরঙ্গল, অমদি কো-ফাউন্দর, জেপ্তো, শ্রী কাইবল্য বোহরানা খুৎয়েক পীনখি।

কো-ফাউন্দর, জেপ্তো, শ্রী কাইবল্য বোহরানা DPIIT চৎমিন্নরিবা খোঙবু ওইবগী মরী অসিনা জেপ্তো নোভা প্রোগ্রামগী খুত্থাঙদা স্তার্তঅপশিংবু মেনুফেকচরিংগী তুংলমচৎ শেমগৎপদা ঙাক্লৌ পীগনি হায়খি।

MoU অসি থুনা ইনোভেসন পুরকপা, পুম্নমক কোনশিনবা শেন্মিৎলোনগী চাউখৎপা, অমদি মরোমদোম লেপচবা ভারত অমা পুরকপা ঙমহনগদবা খোঙবু ওইবগী মরীশিং শেমগৎনবা DPIIT না হোৎনরিবশিং অসিগী শরুক অমনি।

***