महाराष्ट्रातील नांदेड सिटी टाउनशिपजवळील एका खड्ड्यात पुणे महानगरपालिकेशी संबंधित ड्रेनेज लाईनचे काम करत असताना ढिगारा कोसळून एका कामगाराचा मृत्यू झाला आणि तीन जण जखमी झाल्या प्रकरणाच्या मीडिया रिपोर्टची (माध्यमांमध्ये प्रसारित झालेले वृत्त) राष्ट्रीय मानवाधिकार आयोगाने (एनएचआरसी) स्वतःहून दखल घेतली आहे. ही घटना 4 जुलै 2025 रोजी घडल्याचे वृत्त आहे.

या बातमीतील मजकूर खरा असेल, तर पीडित व्यक्तीच्या मानवी हक्कांच्या उल्लंघनाचा गंभीर मुद्दा उपस्थित होतो, असे आयोगाच्या निदर्शनास आले आहे. यामुळे, आयोगाने  महाराष्ट्र सरकारच्या मुख्य सचिवांना नोटीस बजावली असून, दोन आठवड्यांच्या आत या प्रकरणाचा सविस्तर अहवाल मागितला आहे. या अहवालात जखमींच्या आरोग्याची स्थिती, तसेच पीडित व्यक्तीच्या जवळच्या नातेवाईकाला नुकसान भरपाई दिली असेल, तर त्याबाबतची माहिती  समाविष्ट असणे अपेक्षित आहे.

5 ऑगस्ट 2025 रोजी प्रकाशित झालेल्या मीडिया रिपोर्टनुसार, हे काम जपान इंटरनॅशनल कोऑपरेशन एजन्सी, नदी सुधार प्रकल्पाचा एक भाग होते, ज्यामध्ये या भागात नवीन सांडपाणी प्रक्रिया प्रकल्प आणि ड्रेनेज लाईन्स बांधणे समाविष्ट आहे.

***

निलिमा चितळे/राजश्री आगाशे/परशुराम कोर

 

सोशल मिडियावर आम्हाला फॉलो करा: @PIBMumbai    /PIBMumbai    /pibmumbai  pibmumbai[at]gmail[dot]com

(Release ID: 2154501)