মানস  (মাদক- পদাৰ্থ সূচনা কেন্দ্ৰ ) হেল্পলাইন - ১৯৩৩ ২০২৪  চনৰ ১৮  জুলাইত চৰকাৰে আৰম্ভ কৰিছিল । ইয়াৰ লক্ষ্য হৈছে  নাগৰিকসকলক ড্ৰাগছৰ বিপদৰ বিৰুদ্ধে যুঁজিবলৈ আৰু ড্ৰাগছ সৰবৰাহ, মাদক দ্ৰব্য লাভ কৰা অবৈধ খেতি আৰু আনুষংগিক অপৰাধৰ বিষয়ে প্ৰতিবেদন দিব পৰাকৈ নিৰাপদ, নাগৰিককেন্দ্ৰিক মঞ্চ হিচাপে কাম কৰিবলৈ ইয়াক সক্ষম কৰি তোলা। ইয়াৰ উপৰি  ই পৰামৰ্শ আৰু পুনৰ্বাসনৰ বাবে সমৰ্থন আগবঢ়ায়, যাৰ ফলত ড্ৰাগছৰ বিপদৰ বিৰুদ্ধে যুঁজ দিয়াত নাগৰিকসকলৰ অংশগ্ৰহণ শক্তিশালী  হৈছে। এটা ঐক্যবদ্ধ, সুৰক্ষিত আৰু দ্বিভাষিক ডিজিটেল প্লেটফৰ্ম হিচাপে বিকশিত কৰা মানস  (MANAS) এ নাগৰিকসকলক ড্ৰাগছ সম্পৰ্কীয় সমস্যাসমূহৰ বিষয়ে অৱগত কৰিবলৈ  আৰু পুনৰ্বাসনৰ সুবিধাসমূহ  লাভ কৰিবলৈ এক নিৰৱচ্ছিন্ন, গোপনীয় আৰু বহু-চেনেল ভিত্তিক আন্তঃপৃষ্ঠ প্ৰদান কৰিছে। নাগৰিকসকলে তলত দিয়া মাধ্যমসমূহৰ জৰিয়তে মানস  হেল্পলাইনত যোগাযোগ কৰিব পাৰিব:

 

টোল-ফ্ৰী নম্বৰ : ১৯৩৩ চন

অফিচিয়েল ৱেব পৰ্টেল: www.ncbmanas.gov.in

ইমেইল : info.ncbmanas[at]gov[dot]in

উমং (UMANG) মোবাইল এপ

নাগৰিকসকলে মানস হেল্পলাইন ব্যৱহাৰ কৰিব পাৰে:

 

ড্ৰাগছ সৰবৰাহ, সংৰক্ষণ, মাদক দ্ৰব্যৰ উৎপাদন বা  এই বিষয়ক খেতিৰ সৈতে জড়িত যিকোনো তথ্য বেনামীভাৱে জনোৱা।

সামাজিক ন্যায় আৰু সবলীকৰণ মন্ত্ৰালয় (MoSJE) হেল্পলাইন ১৪৪৪৬ লৈ সংহত বদলিৰ জৰিয়তে পৰামৰ্শ আৰু পুনৰ্বাসনৰ নিৰ্দেশনা বিচাৰিব।

জনসাধাৰণৰ প্ৰচাৰৰ বাবে মানস  ৱেব পৰ্টেলৰ জৰিয়তে সজাগতা সম্পৰ্কীয় সামগ্ৰী (পোষ্টাৰ, ভিডিঅ’, ব্ৰ’চাৰ)ৰ ব্যৱস্থা কৰা হৈছে।

ড্ৰাগছ-মুক্ত ভাৰত অভিযানকআগুৱাই নিবলৈ মাইগভ প্লেটফৰ্মত কুইজ, পোষ্টাৰ নিৰ্মাণ, আৰু ৰিল নিৰ্মাণ প্ৰতিযোগিতাৰ জৰিয়তে সজাগতামূলক কাৰ্য্যকলাপত জড়িত কৰোৱাৰ পদক্ষেপ গ্ৰহণ কৰা হৈছে।

আৰম্ভণিৰ পিছৰে পৰা মানস হেল্পলাইনে উল্লেখযোগ্য ফলাফল লাভ কৰিছে (২০২৫ চনৰ জুলাই মাহলৈকে):

 

৭০,০০০ নাগৰিকে ড্ৰাগছ সৰবৰাহৰ ৰিপৰ্ট, অবৈধ খেতি বা পুনৰ্বাসনৰ সহায় বিচৰাৰ বাবে মানস হেল্পলাইন ১৯৩৩ ৰ বহুতে সহায় লৈছে।

৬,১৫২টা কাৰ্য্যকৰী ড্ৰাগছ সম্পৰ্কীয় টিপছ নাৰ্কটিকছ কণ্ট্ৰল ব্যুৰো (এনচিবি)ৰ জ'নেল ইউনিট আৰু ৰাজ্যিক/কেন্দ্ৰীয় শাসিত অঞ্চল এণ্টি-নাৰ্কটিকছ টাস্ক ফ'ৰ্চ (এনটিএফ)লৈ প্ৰেৰণ কৰা হৈছে, যাৰ ফলত ৩৬ গৰাকী  নাৰ্কটিক ড্ৰাগছ আৰু চাইকোট্ৰপিক পদাৰ্থ (এনডিপিএছ) ব্যৱহাৰ কৰা  ৰোগী ধৰা পৰিছে।

৭,১০০টা কল নিচামুক্তিকৰণ আৰু পুনৰ্বাসনৰ সৈতে জড়িত বিষয় সমাধান কৰা হৈছে, আনহাতে ৫৬,৭০০টা ফোন কলৰ জড়িয়তে বিবিধ সমস্যাৰ সমাধান  আগবঢ়োৱা হৈছে।

এই হেল্পলাইনে মাইগভ প্লেটফৰ্মৰ জৰিয়তেও বৃহৎ পৰিসৰৰ জনসংযোগ আগবঢ়াইছে।  য’ত ২০১৩ গৰাকী  নাগৰিকে ড্ৰাগছ ফ্ৰী ইণ্ডিয়া কুইজত অংশগ্ৰহণ কৰিছে আৰু সজাগতামূলক  প্ৰতিযোগিতাৰ অংশ হিচাপে ৮৩৫ খন  পোষ্টাৰ আৰু ৫২২ টা ৰিল দাখিল কৰা হৈছে।

এই কথা ৰাজ্যসভাত  এক প্ৰশ্নৰ লিখিত উত্তৰত উল্লেখ কৰে  গৃহ মন্ত্ৰালয়ৰ ৰাজ্যিক মন্ত্ৰী শ্ৰীযুত নিত্যানন্দ ৰায়ে।

***

RK/VV/RR/HS/PS/PR/DM

(Release ID: 2153720)