স্থানীয় বাঁহ খেতিয়ক আৰু শিল্পীসকলৰ উচিত মূল্য আৰু লাভ নিশ্চিত কৰাটোকে ধৰি বাঁহ খণ্ডৰ উন্নয়ন ৰাজ্য চৰকাৰসমূহৰ প্ৰধান দায়িত্ব। কৃষি আৰু কৃষক কল্যাণ মন্ত্ৰালয়ৰ মতে ৰাষ্ট্ৰীয় বাঁহ অভিযানে (এনবিএম) বাঁহ খেতিয়কসকলক শিল্পী আৰু গ্ৰাহকৰ সৈতে সংযোগ কৰি বাঁহৰ মূল্য শৃংখল বিকাশৰ ক্ষেত্ৰত ৰাজ্য চৰকাৰসমূহৰ প্ৰচেষ্টা বৃদ্ধি কৰে। বিশেষকৈ ভাৰতৰ উত্তৰ-পূব অঞ্চলত বাঁহ খেতি, বাঁহ ভিত্তিক উদ্যোগ, মূল্য সংযোজন, বাঁহ আৰু ইয়াৰ উৎপাদিত সামগ্ৰীৰ বিপণন প্ৰসাৰিত কৰে। বাঁহৰ বজাৰ, খুচুৰা বিপণী আদি স্থাপনৰ বাবে ৰাজহুৱা আৰু ব্যক্তিগত খণ্ডক সহায় কৰি বাঁহৰ বজাৰৰ বাবে আন্তঃগাঁথনিৰ প্ৰসাৰ আৰু উন্নয়নৰ বাবে এনবিএমৰ অধীনত ব্যৱস্থা আছে।

বাঁহৰ বিভিন্ন সামগ্ৰী যেনে বাঁহৰ মেট বৰ্ড, পেনেল, কোৰগেটেড শ্বীট, কম্পোজিট আদিৰ গুণগত মান নিশ্চিত কৰাৰ বাবে ব্যুৰো অৱ ইণ্ডিয়ান ষ্টেণ্ডাৰ্ডছে (বিআইএছ) নিৰ্দিষ্ট গুণগত মানৰ প্ৰয়োজনীয়তা অনুসৰি ইয়াক ব্যাপকভাৱে গ্ৰহণ কৰাত সহায়ক হোৱাকৈ কেইবাটাও মানদণ্ড প্ৰৱৰ্তন কৰিছে। উত্তৰ-পূৰ্বাঞ্চলৰ উন্নয়ন মন্ত্ৰালয়ে একাধিক অংশীদাৰ আৰু সম্ভাৱ্য অংশীদাৰৰ সৈতে আলোচনা চলাইছে যাতে বাঁহ খেতিয়ক আৰু শিপিনীসকলে ৰপ্তানিৰ বাবে প্ৰয়োজনীয় বিভিন্ন মানদণ্ড পূৰণ কৰিবলৈ সক্ষম হয়।

গৃহ নিৰ্মাণ আৰু নগৰ পৰিক্ৰমা মন্ত্ৰালয়ে নিজৰ সংস্থাসমূহৰ জৰিয়তে বাঁহ ভিত্তিক উদ্ভাৱনীমূলক নিৰ্মাণ সামগ্ৰীৰ ব্যৱহাৰক উৎসাহিত কৰি আহিছে। কেন্দ্ৰীয় লোকনিৰ্মাণ বিভাগে (চিপিডব্লিউডি) কাৰিকৰি বাঁহৰ সামগ্ৰীসমূহ নিজৰ মানক হাৰৰ সূচী আৰু নিৰ্দিষ্টকৰণত অন্তৰ্ভুক্ত কৰিছে। উল্লেখযোগ্য যে ২০১৭ চনত চিপিডব্লিউডিৰ দিল্লী শ্বেডুল অৱ ৰেটছ সংশোধন কৰি “বাঁহ কাঠ” কম্পোজিট সামগ্ৰী অন্তৰ্ভুক্ত কৰা হৈছিল।

শেহতীয়াকৈ অসম কেবিনেটে নতুন ৰাজহুৱা ভৱন নিৰ্মাণত কমেও ৫% বাঁহ ভিত্তিক সামগ্ৰী বাধ্যতামূলক কৰি লোকনিৰ্মাণ বিভাগৰ হাৰৰ তালিকাত কাৰিকৰি বাঁহৰ সংমিশ্ৰিত সামগ্ৰী অন্তৰ্ভুক্ত কৰিবলৈ অনুমোদন জনাইছে। এই পদক্ষেপৰ লক্ষ্য হৈছে বাঁহ উদ্যোগক উন্নীত কৰা, স্থানীয় উৎপাদকসকলৰ বাবে অৰ্থনৈতিক সুযোগ সৃষ্টি কৰা, আৰু বহনক্ষম নিৰ্মাণ পদ্ধতিক উৎসাহিত কৰা।

এই তথ্য উত্তৰ পূৰ্বাঞ্চলৰ উন্নয়ন মন্ত্ৰালয়ৰ ৰাজ্যিক মন্ত্ৰী ড° সুকান্ত মজুমদাৰে আজি লোকসভাত এক প্ৰশ্নৰ লিখিত উত্তৰত প্ৰদান কৰে।

 

*****

Samrat/Allen/AA

(ৰিলিজ আই ডি : 2153298) অতিথি কক্ষ : 23