بانس کے شعبے کی ترقی، جس میں بانس کے مقامی کسانوں اور کاریگروں کو مناسب قیمت اور منافع کو یقینی بنانا شامل ہے، ریاستی حکومتوں کی بنیادی ذمہ داری ہے۔ زراعت اور کسانوں کی بہبود کی وزارت کے مطابق، قومی بانس مشن (این بی ایم) بانس کے کاشتکاروں کو کاریگروں اور صارفین کے ساتھ جوڑ کر بانس کی قدر کو تیار کرنے کی ریاستی حکومتوں کی کوششوں کو فروغ دیتا ہے۔ یہ بانس کی کاشت، بانس پر مبنی صنعتوں، قدر میں اضافے، بانس اور اس کی مصنوعات کی مارکیٹنگ کو خاص طور پر ہندوستان کے شمال مشرقی علاقے میں فروغ دیتا ہے ۔ این بی ایم کے تحت بانس بازار، ریٹیل آؤٹ لیٹس وغیرہ کے قیام کے لیے سرکاری اور نجی شعبے کی مدد سے بانس مارکیٹ کے بنیادی ڈھانچے کو فروغ دینے اور ترقی دینے کا التزام ہے۔

بیورو آف انڈین اسٹینڈرڈز (بی آئی ایس) نے بانس کی مختلف مصنوعات جیسے بانس میٹ بورڈز، پینل، نالیدار شیٹس، کمپوزٹ وغیرہ کے معیار کو یقینی بنانے کے لیے متعدد معیارات متعارف کرائے ہیں تاکہ ان کو معیار کی مخصوص ضروریات کے مطابق وسیع تر اختیار کرنے میں سہولت فراہم کی جا سکے۔ شمال مشرقی خطے کی ترقی کی وزارت (ڈی او این ای آر) نے متعدد اسٹیک ہولڈرز اور ممکنہ شراکت داروں کے ساتھ مشاورت کی ہے تاکہ بانس کے کاشتکار اور کاریگر برآمد کے لیے درکار مختلف معیارات کو پورا کرنے کے قابل ہوں۔

ہاؤسنگ اور شہری امور کی وزارت اپنی ایجنسیوں کے ذریعے بانس پر مبنی جدید تعمیراتی مواد کے استعمال کی حوصلہ افزائی کر رہی ہے۔ سنٹرل پبلک ورکس ڈپارٹمنٹ (سی پی ڈبلیو ڈی) نے انجنیئرڈ بانس کی مصنوعات کو اپنے معیاری شیڈول آف ریٹس اور وضاحتوں میں شامل کیا ہے۔ خاص طور پر، سی پی ڈبلیو ڈی کے دہلی کے نرخوں کے شیڈول میں 2017 میں ‘‘بانس کی لکڑی’’ کے مرکب مواد کو شامل کرنے کے لیے ترمیم کی گئی تھی۔

حال ہی میں، آسام کی کابینہ نے انجینئرڈ بانس کے مرکب مواد کو محکمہ تعمیرات عامہ کے نرخوں کے شیڈول میں شامل کرنے کی منظوری دی ہے، نئی سرکاری عمارتوں کی تعمیر میں بانس پر مبنی مواد کا کم از کم 5فیصد لازمی قرار دیا گیا ہے۔ اس اقدام کا مقصد بانس کی صنعت کو فروغ دینا، مقامی پروڈیوسروں کے لیے اقتصادی مواقع پیدا کرنا، اور پائیدار تعمیراتی طریقوں کی حوصلہ افزائی کرنا ہے۔

یہ اطلاع شمال مشرقی خطہ کی ترقی کی وزارت کے وزیر مملکت ڈاکٹر سکانت مجمدار نے آج لوک سبھا میں ایک سوال کے تحریری جواب میں دی۔

***

ش ح۔ ک ا۔ ش ہ ب

U.NO.4195

(Release ID: 2153218)