ৱাগী থবক চাউখৎনবা ৱা থাবা লৌমীশিং অমসুং খুৎহৈবশিং চুনবা মমলদা য়োন্নবা অমসুং শেন্দোং ফংনবা মরুওইবা থৌদাং অসি রাজ্য সরকারশিংগীনি। ৱা থাবা লৌমীশিংগা খুৎহৈবশিং অমসুং কঞ্জুমরশিংগা শম্নহন্দুনা বেম্বু ভেলু চেন চাউখৎনবা রাজ্য সরকারশিংনা পায়খৎলিবা থবকশিং এগ্রিকলচর অমসুং ফার্মরস ৱেলফিয়ার মিনিষ্ট্রিগী নেসনেল বেম্বু মিসন্না মতেং পাংলি। মসিনা অৱাং-নোংপোক্ত ৱা থাবা, ৱাগী উদ্যোগশিং, ভেলু চেন, ৱা অমসুং মসিগী পোৎথোকশিং য়োনবা য়োকখৎলি। মিসন অসিগী মখাদা ৱাগী কৈথেল, চোইনা য়োনফম লিংখৎনবা সরকার অমসুং লনাইনা শৌগৎতুনা ৱাগী কৈথেলগী ইনফ্রাষ্ট্রকচর শেমগৎনবা থৌরাং লৈরি।

ৱাগী পোৎথোকশিং হায়বদি ৱাগী ফকশিং, পেনেলশিং, সিতশিং, কম্পোসাইতশিং য়াওনা তোঙান তোঙানবা ৱাগী পোৎথোকশিং মগুন লৈহন্নবা তোঙান তোঙানবা ষ্টেন্দার্দ কয়া ব্যুরো ওফ ইন্দিয়ান ষ্টেন্দার্দনা হৌদোক্লে। মপান্দা থাদোক্নবা ৱা থাবশিং অমসুং খুৎহৈবশিংনা তোঙান তোঙানবা ষ্টেন্দার্দশিং ফংবা ঙম্নবা দোনর মিনিষ্ট্রিনা তোঙান তোঙানবা মরী লৈনবশিং অমসুং পার্তনরশিংগা মীফম পাংথোক্লে।

হাওসিং অমসুং অর্বান এফেয়ার্স মিনিষ্ট্রিনা মসিগী এজেন্সিশিংগী খুৎথাংদা য়ুম শাবদা শীজিন্নবা য়াবা অনৌবা ৱাগী পোৎলমশিং শীজিন্ননবা পুক্নিং থৌগৎলে। সেন্ত্রেল পব্লিক ৱার্কস দিপার্তমেন্তনা মসিগী রেতশিং অমসুং স্পেসিফিকেসনশিংদা ইঞ্জিনিয়ার বেম্বু প্রদকশিং য়াওহল্লে। খঙজিনবা য়াবদি, সেন্ত্রেল পব্লিক ৱার্কস দিপার্তমেন্তগী দিল্লি সেদুলগী রেতশিং “বেম্বু ৱুদ” য়াওহন্নবা ২০১৭ দা শেমদোক্লে।

হন্দক, পব্লিক ৱার্কস দিপার্তমেন্তগী সেদুল রেতশিংদা ইঞ্জিনিয়ার বেম্বু কম্পোজিত মেতরিয়েলশিং য়াওহনবদা অসাম কেবিনেতনা অয়াবা পীখ্রে অমসুং মসিদা অনৌবা বিল্দিং শাবদা য়ামদ্রবদা চাদা ৫ ৱাগী পোৎথোকশিং শীজিন্নগদবনি হায়রি। মসিনা ৱাগী উদ্যোগ চাউখৎনবা, লমদম অসিগী ৱা পুথোকপা লৌমীশিংগী শেন-থুমগী খুদোংচাবশিং পীনবা অমসুং তুংকোইনা চৎনবা য়াবা শেমগৎ-শাগৎপগী থবকশিং পুক্নিং থৌগৎনবা পান্দম থম্লি।

ৱাফম অসি ঙসি লোক সভাদা ৱাহং অমগী পাউখুম অইবা ওইনা পীবদা দোনর মিনিষ্ট্রিগী রাজ্য মন্ত্রী দোক্তর সুকান্তা মজুমদারনা ফোঙদোকখিবনি।

***