پچھلے پانچ سالوں میں درآمدات اور برآمدات کے فیصد سمیت ہندوستانی بندرگاہوں کے ذریعہ سنبھالے جانے والے کارگو کے کل حجم کی سال وار تفصیل ذیل میں دی گئی ہے:

 

میری ٹائم انڈیا ویژن 2030 کے تحت، حکومت نے ہندوستان میں جہاز سازی کی صنعت کو فروغ دینے اور غیر ملکی ساختہ جہازوں پر انحصار کم کرنے کے لیے کئی اقدامات کیے ہیں جیسا کہ ذیل میں دیا گیا ہے:

(i) وزارت نے 29.01.2025 کو جہاز سازی کی مالی معاونت کی پالیسی (ایس بی ایف اے پی) کے رہنما خطوط میں ترمیم کی ہے تاکہ جہاز سازی کی سرگرمیوں میں مزید شرکت کی حوصلہ افزائی کی جا سکے۔

(ii) حکومت نے نومبر، 2021 میں، ہندوستانی شپ یارڈ میں تعمیر کیے جانے والے ٹگس کی خریداری کے لیے بڑی بندرگاہوں کے استعمال کے لیے پانچ قسموں کے معیاری ٹگ ڈیزائن جاری کیے ہیں۔

(iii) دیسی جہاز سازی کو فروغ دینے کے لیے، وزارت نے 20.09.2023 کو پہلے انکار کے حق (آر او ایف آر) کے درجہ بندی پر نظر ثانی کی ہے جس کی پیروی کسی بھی جہاز کے چارٹر میں کی جائے گی جو کہ ٹینڈر کے عمل کے ذریعے ہندوستانی ساختہ، ہندوستانی پرچم والے اور ہندوستانی ملکیت کی حمایت کرتے ہوئے کی جاتی ہے۔

(iv) وزارت نے 16 اگست 2024 کو گرین ٹگ ٹرانزیشن پروگرام (جی ٹی ٹی پی) شروع کیا ہے جس کا مقصد کاربن کے اخراج کو کم کرنا اور ماحولیاتی طور پر پائیدار ٹگ بوٹ آپریشن کو اپنانے کی حوصلہ افزائی کرکے ماحولیاتی اثرات کو کم کرنا ہے۔

(v) حکومت نے اندرون ملک جہازوں کے لیے ہرت نوکا رہنما خطوط کا آغاز کیا ہے جس کا مقصد اندرون ملک آبی گزر گاہوں میں سبز ٹیکنالوجی کو اپنانے کو فروغ دینا ہے۔

(vi) حکومت ہند نے گزٹ نوٹیفکیشن نمبر 112 مورخہ 13 اپریل 2016 کے ذریعے بنیادی ڈھانچے کے ذیلی شعبوں کی تازہ ترین ہم آہنگی والے ماسٹر لسٹ میں ’شپ یارڈ‘ کو شامل کیا ہے۔

(vii) دیسی جہاز سازی کو فروغ دینے کے لیے، حکومت نے 19.05.2016 کو سرکاری محکموں یا ایجنسیوں بشمول پبلک سیکٹر انڈرٹیکنگ کی طرف سے سرکاری مقاصد کے لیے یا ان کے اپنے استعمال کے لیے استعمال کیے جانے والے جہازوں کے حصول کے لیے نئے جہاز سازی کے آرڈر کا جائزہ لینے اور ٹینڈر دینے کے لیے رہنما خطوط جاری کیے ہیں۔

 

(d) ملک کے ساحلی جہاز رانی کے شعبے میں گزشتہ دہائی میں تیزی سے ترقی ہوئی ہے، کارگو ٹریفک مالی سال 2014-15 میں 86.3 ملین ٹن سے مالی سال 2024-25 میں 165.4 ملین ٹن تک تقریباً دوگنا ہو گیا ہے۔

(e) ’میری ٹائم سیکیورٹی‘ کو مطلوبہ اثاثوں کی شمولیت/جدید کاری، ساحلی نگرانی کے اپ گریڈ، علاقائی شراکت داری اور ایجنسیوں کے درمیان معلومات کے تبادلے کے اقدامات کے ذریعے بڑھایا گیا ہے۔ میری ٹائم اور کوسٹل سیکیورٹی کو مضبوط بنانے کے لیے درج ذیل مخصوص اقدامات کیے گئے ہیں:-

i) ہندوستانی بحریہ کو مجموعی میری ٹائم سیکورٹی کے لیے ذمہ دار اتھارٹی کے طور پر نامزد کیا گیا ہے جس میں ساحلی سیکورٹی اور آف شور سیکورٹی شامل ہے۔

ii) انڈین کوسٹ گارڈ (آئی سی جی) کو علاقائی پانیوں میں ساحلی تحفظ کے لیے ذمے دار اتھارٹی کے طور پر نامزد کیا گیا ہے جس میں ساحلی پولیس کے ذریعے گشت کیے جانے والے علاقے بھی شامل ہیں۔

iii) تمام اسٹیک ہولڈروں کے ذریعے ساحلی علاقوں اور ای ای زیڈ میں بحری جہازوں اور ہوائی جہازوں کے ذریعے بہتر گشت/ نگرانی۔

iv) آئی سی جی ہندوستان کے سمندری علاقوں میں نگرانی اور حفاظتی کارروائیوں کے لیے روزانہ 18 سے 20 جہاز، 30 سے 35 کشتیاں/کرافٹ اور 10 سے 12 طیارے تعینات کرتا ہے۔

v) سمندر میں ماہی گیری کی کشتیوں اور دیگر آپریٹروں کی اسناد کی جانچ کے لیے باقاعدہ بورڈنگ آپریشن۔

vi) تمام ساحلی ریاستوں/ مرکز زیر انتظام علاقوں میں ساحلی سلامتی کے لیے معیاری آپریٹنگ طریقہ کار (ایس او پی) کو تمام اسٹیک ہولڈروں کے درمیان تال میل کے لیے جاری کیا گیا ہے۔

vii) ایس او پی اور کوسٹل سیکیورٹی میکانزم کو دوبارہ درست کرنے کے لیے کوسٹل سیکیورٹی ایکسرسائز اور کوسٹل سیکیورٹی آپریشن کا باقاعدہ انعقاد۔

viii) الیکٹرانک سرویلنس کو ساحل پر مبنی چین آف اسٹیٹک سینسر (سی ایس ایس) کے ذریعے برقرار رکھا جاتا ہے جس میں 46 ریڈار اسٹیشن شامل ہیں۔ اس کے علاوہ سی ایس ایس پروجیکٹ کے مرحلہ II میں 38 ریڈار اسٹیشن قائم کیے جا رہے ہیں۔

ix) آئی سی جی سمندری اور ساحلی سلامتی کو مضبوط بنانے کے لیے بیداری پیدا کرنے کے لیے ماہی گیروں کے لیے باقاعدہ کمیونٹی انٹرایکشن پروگرام (سی آئی پی) کا انعقاد کر رہا ہے۔ سی آئی پی کے دوران، ماہی گیروں کو سمندر میں کسی بھی مشکوک/ غیر ملکی کشتی کے بارے میں سیکورٹی ایجنسیوں کو الرٹ کرنے کی ضرورت سے بھی آگاہ کیا جاتا ہے۔

بندرگاہوں، جہاز رانی اور آبی گزرگاہوں کے وزیر جناب سربانند سونووال نے راجیہ سبھا میں ایک تحریری جواب میں یہ معلومات فراہم کی۔

********

 

                                                                                                  

ش ح۔ ف ش ع

U: 4135                                      

(Release ID: 2152786)