اوڈیشہ حکومت کے جنگلات، ماحولیات اور موسمیاتی تبدیلی سے متعلق محکمے کی ایک رپورٹ کے مطابق چلیکا ڈیولپمنٹ اتھارٹی (سی ڈی اے) نے جھیل کے ماحولیاتی نظام کے تحفظ کے لئے کئی اقدامات کئے ہیں۔ ان میں فیڈر چینلز کی کھدائی، پانی سے  جل کمبھی کو ہٹانا، لیڈ چینلوں کی ڈریجنگ، پرندوں کی نگرانی اور پرندوں کے گھونسلے کے اہم علاقوں جیسے نلبن اور منگلا جوڈی کا تحفظ شامل ہے۔ ماہی گیری میں استعمال ہونے والی کشتیاں، کشتیوں کیلئے شیلٹرنگ یارڈ،  ماہی گیروں کے لیے کمیونٹی ہالز کی تعمیر اور 10 ماہی گیری مراکز تک رسائی سڑکیں، روشنی اور پانی کی فراہمی کا کام بھی شروع کر دیا گیا ہے۔ سیپا کڑا اور گبا کنڈا گاؤں کے قریب جھیل کے باہری چینل میں مینگرو کی شجرکاری کی گئی ہے۔

چلیکا جھیل کے 33 پہلے سے طے شدہ مقامات پر ماہانہ پانی کے معیار کی نگرانی کی جاتی ہے۔ آلودگی پر قابو پانے اور ان گیلے علاقوں میں ماحولیاتی توازن کو بحال کرنے کے لیے خصوصی اقدامات کیے گئے ہیں، جیسے جھیل کے فزیکو کیمیکل پیرامیٹرز کو مستحکم رکھنے کے لیے ندیوں کی باقاعدہ ڈریجنگ جو کہ حیاتیاتی تنوع کے لیے ایک اہم عنصر ہے۔ فعال نقطہ نظر ان ماحولیاتی نظام میں پائیدار حیاتیاتی تنوع کے تحفظ کو فروغ دیتے ہوئے آبی حیات، جیسے مچھلی اور گھونگے کی حفاظت کو یقینی بناتا ہے۔

حیاتیاتی تنوع پر سیاحت کے اثرات کو کم کرنے کے لیے کئی اقدامات کیے گئے ہیں، خاص طور پر تنگ بیرونی چینل میں اراوادی ڈالفن کی آبادی کے لیے، ڈولفن دیکھنے کے لیے ایک معیاری آپریٹنگ طریقہ کار تیار کیا گیا ہے۔ اس کے علاوہ چلیکا وائلڈ لائف ڈویژن کا عملہ اس کی تعمیل کو یقینی بنانے کے لیے باقاعدہ گشت کرتا ہے۔ پوری ڈسٹرکٹ اتھارٹی نے حیاتیاتی تنوع کو برقرار رکھنے کے لیے چلیکا آؤٹر چینل میں چلنے والی کشتیوں کے لے ایک اعلیٰ سطحی کمیٹی تشکیل دی ہے۔

ضلعی حکام کی طرف سے گھیریوں کو ہٹانے کا کام باقاعدگی سے کیا جا رہا ہے اور سی ڈی اے افرادی قوت، کشتیوں، کھدائی کی مشینوں اور لاجسٹکس کا بندوبست کر کے اس کی مدد کرتا ہے۔ جوائنٹ انفورسمنٹ آپریشنز کے دوران 152 مربع کلومیٹر سے زیادہ گھاس ہٹائی گئی ہے، جس سے سمندری گھاس کا ماحولیاتی نظام بحال ہوا ہے۔

وزارت نے آبی ماحولیاتی نظام کے تحفظ اور جنگلی حیات کی پناہ گاہوں کی ترقی کے لیے مرکزی اسپانسر شدہ اسکیم کے تحت چلیکا جھیل، ایک رامسر سائٹ کے تحفظ اور انتظام کے لیے فنڈز فراہم کیے ہیں۔

چلیکا جھیل کے لیے انٹیگریٹڈ مینجمنٹ پلان کی تیاری کے دوران، مقامی ماہی گیری برادریوں سے خیالات اور آراء لی گئیں۔ مقامی ماہی گیری کی کمیونٹی ڈولفن کے تحفظ، نقل مکانی کرنے والے پرندوں کے تحفظ اور اولیو رڈلے سمندری کچھوؤں کے تحفظ کے بارے میں بیداری پیدا کرنے میں شامل تھی، ۔ مقامی ماہی گیر مختلف طریقوں سے جیسے کہ پھنسے ہوئے، سمندری حیات کو ساحل پر چھوڑنا اور تحفظ کی سرگرمیوں میں بھی مدد کرتے ہیں ۔ اسٹیک ہولڈرز کی متواتر میٹنگز اور ماہی گیروں میں شعور بیدار کرنے کی وجہ سے پرندوں اور ڈولفنز کی تعداد میں اضافہ ہوا ہے اور چلیکا جھیل میں اولیو  رڈلے بھی دیکھے جا رہے ہیں۔

یہ معلومات ماحولیات، جنگلات اور موسمیاتی تبدیلی کے مرکزی وزیر مملکت جناب کیرتی وردھن سنگھ نے آج راجیہ سبھا میں ایک سوال کے تحریری جواب میں دی۔

***

ش ح۔ ک ا۔ ش ب ن

U.NO.4066

(ریلیز آئی ڈی: 2152428) وزیٹر کاؤنٹر : 35