ٹیکسٹائل اور ملبوسات کی صنعت (دستکاری سمیت) کی مجموعی برآمدات نے پچھلے سال 2023-24 (35,874 ملین امریکی ڈالر) کے مقابلے میں 2024-25 (37,754 ملین امریکی ڈالر) کے دوران 5فیصد کا اضافہ حاصل کیا ۔

ٹیکسٹائل کے شعبے میں سرمایہ کاری بڑھانے ، روزگار کے مواقع پیدا کرنے اور برآمدات کو فروغ دینے کے لیے حکومت نے مربوط ٹیکسٹائل پارک (ایس آئی ٹی پی) کی اسکیم نافذ کی تاکہ ریاست مغربی بنگال سمیت ملک بھر میں ٹیکسٹائل کے مراکز میں عالمی معیار کے جدید ترین بنیادی ڈھانچے کے ساتھ ٹیکسٹائل پارک قائم کرنے میں مدد فراہم کی جا سکے ۔ ایس آئی ٹی پی کو اب صرف جاری منصوبوں کی عمل آوری کے لیے  امبریلا اسکیم آف ٹیکسٹائل کلسٹر ترقیاتی اسکیم کی سرپرست اسکیم (ٹی سی ڈی ایس) کے تحت شامل کیا گیا ہے ۔ ریاست مغربی بنگال کے لیے دو (2) ٹیکسٹائل پارکوں کی منظوری دی گئی اور ایس آئی ٹی پی کے تحت ٹیکسٹائل کی وزارت کے ذریعے کل 56.85 کروڑ روپے جاری کیے گئے ہیں ۔
اس کے علاوہ حکومت نے 7 مقامات پر پی ایم میگا انٹیگریٹڈ ٹیکسٹائل ریجن اینڈ اپیرل (پی ایم-مترا) پارکس کے قیام کو حتمی شکل دے دی ہے ۔ تمل ناڈو (ویرودھ نگر) ، تلنگانہ (ورنگل) ، گجرات (نواساری) ، کرناٹک (کلبرگی) ، مدھیہ پردیش (دھار) ، اتر پردیش (لکھنؤ) اور مہاراشٹر (امراوتی) کے لیے 2027-28 تک سات سال کی مدت کے لیے 4,445 کروڑ روپے کی رقم مختص کی گئی ہے ۔
یہ معلومات  ٹیکسٹائل کے وزیرمملکت شری شری پابترا مارگریٹا نے آج راجیہ سبھا میں ایک سوال کے تحریری جواب میں فراہم کیں ۔

***

ش ح۔ش ب ۔ خ م

U.N-3790