وزارت ثقافت مختلف اقدامات کے ذریعے ہندوستانی فن ، یادگاروں اور ثقافتی روایات کے تحفظ ، ڈیجیٹلائزیشن اور عالمی سطح پر فروغ دینے میں سرگرم عمل ہے ۔

وزارت ثقافت عالمی رابطےکی  اسکیم کے ذریعے بیرون ملک ہندوستانی لوک فنون اور ثقافتی روایات کو فروغ دیتی ہے ۔  اس اسکیم کے تحت ہندوستان کے تہوار دوسرے ممالک میں منعقد کیے جاتے ہیں جن میں لوک فن اور دیگر ثقافتی تقریبات جیسے نمائشیں ، رقص ، موسیقی ، تھیٹر ، فوڈ فیسٹ ، فلم فیسٹ ، یوگا وغیرہ کی نمائش کی جاتی ہے ۔  وزارت ثقافت سے منسلک فنکاروں کو بیرون ملک فیسٹیول آف انڈیا میں اپنے فن کا مظاہرہ کرنے کے لیے اسپانسر کیا جاتا ہے ۔  اس کے علاوہ ، دوسرے ممالک میں ان کے فروغ کے لیے لوک فن اور دیگر ثقافتی سرگرمیوں سمیت پروگراموں اور سرگرمیوں کے انعقاد کے لیے ہند-غیر ملکی دوستی ثقافتی سوسائٹیوں کو امدادی گرانٹ بھی جاری کیا جاتا ہے ۔

سنگیت ناٹک اکادمی (ایس این اے) وزارت ثقافت پورے ملک میں تہواروں کا انعقاد کرتی ہے  اور پرفارمنگ آرٹس میں تحقیق ، دستاویزات اور اشاعت کے لیے امدادی گرانٹ  دیتی ہے ؛ موضوع کے ماہرین کے سیمینار اور کانفرنسوں کا اہتمام اور سبسڈی دیتی ہے ؛ اپنے آڈیو- ویزوئل آرکائیو کے لیے پرفارمنگ آرٹس کے ریکارڈ کو یکجا کرتی ہے ۔  اکادمی اپنے تمام پروگراموں  کو آڈیو/ویڈیو اور تصاویر کی شکل میں ریکارڈ کرتی ہے ، اور یہ تمام مواد اکادمی کے آرکائیوز میں محفوظ رکھا جاتا ہے ۔

کیرالہ میں ہندوستان کے سنسکرت تھیٹر کی شناخت کو برقرار رکھنے اور فروغ دینے کے لیے ، ایس این اے نے 91-1990 میں کوٹیٹم پروجیکٹ شروع کیا ۔  پروجیکٹ نے فنڈنگ ٹریننگ اور باقاعدہ پرفارمنس ، دیکھ بھال وغیرہ کے ذریعے اس شعبے سے منسلک اداروں اور فنکاروں کو باقاعدہ مدد فراہم کی ۔

کوٹیٹم کیندر ، ترواننت پورم ، کوٹیٹم کی مددسے اکادمی کے پروجیکٹ کی معقول ترقی  کا مظہر ہے ۔  اسے 'کوٹیٹم کے مرکز' کے طور پر قائم کیا گیا ہے جس کا مقصد اس کلاسیکی سنسکرت تھیئٹر کے پورے شعبے کو مدد فراہم کرنا ہے ۔

ایس این اے اپنے مختلف فیسٹیول میں پیش ہونے کے لیے کتھکلی ، موہنی اٹم ، تھییم اور کیرالہ کی دیگر شکلوں کے فنکاروں کو مدعو کرتا رہتا ہے اور اپنی مختلف اسکیموں کے تحت ان تمام فنون کےشعبوں کے فروغ اور تحفظ کے لیے مدد فراہم کرتا ہے ۔          

جہاں تک ورثے کے مقامات کے تحفظ اور فروغ کا تعلق ہے ، حکومت ہند کامحکمہ آثار قدیمہ (اے ایس آئی) ،وزارت ثقافت محفوظ یادگاروں کے تحفظ اور دیکھ بھال کا کام کرتی ہے ۔

یہ معلومات ثقافت اور سیاحت کے مرکزی وزیر جناب گجیندر سنگھ شیخاوت نے آج راجیہ سبھا میں ایک تحریری جواب میں دی ۔

***

ش ح۔ع و ۔ خ م

U.N-3695

(Release ID: 2150947)